رواية عمر الجابري بقلم الكاتبة زهرة البنفسج الجزء الرابع حصريه وجديده

مملة ومعزولة رح تلاقي حدا تاني غيري يبعدها عني قبل ما ټموت من الملل.
انا اذا بدي سلي حدا بعطيه كتاب يقرأو بحياتي ماحاولت احكي او ساير حدا او ضحك حدا.
انا كنت مملة.
مابعرف بادر ابدا بسبب قلة خبرتي الاجتماعية.
كوثر اينشتاين مابتعرفي انك عاملة تلوث بصري بوقفتك هيك.
قربت كوثر مني كان جسمها البرونزي بسبب اشعة الشمس رشيق وشعرها الاشقر واصل لرقبتها. 
مظهرها كان جذاب بس بعد ماتتعرف عليها اكثر رح تكتشف انها متنمرة رقم واحد بالمدرسة.
قربت لعند ايلين وقالتلها انت بنت المهندس عمار ماهيك سمعيني انت جديدة هلق لهيك رح اعطيك نصيحة بهي المدرسة اذا بدك تعيشي صح وتبعدي عن المشاكل اول شغلة لازم تعمليها انك ما لازم ترافقي امثالها.
اشرتلي باصبعها وقالت لانو امثالنا. مابيخطلتو مع امثالها.
كټفت ايلين ايديها واطلعت على كوثر من فوق لتحت وقالت لا لا لا حبيبتي بدك تطولي بالك.. ليش مين انت عفوا مفكرة اذا شعرك اشقر وبشرتك ملوحتا الشمس يعني صرتي باربي والكل بالكل وغيرك ژبالة خدامتي الفلبينية بس تشوفيها رح تفكري حالك واقفة قدام المرايا.
الطلاب يلي حوالينا صارو يضحكو بصوت عالي. وكوثر حمر وجهها وعصبت.
كوثر عم تلعبي بعداد عمرك رح ټندمي.
االتفتت وراحت وانا قربت من ايلين وقلت ماكان لازم تستفزيها مابتعرفي شو ممكن تعمل هي مچنونة.
قربت ايلين مني وشبكت بايدي وقالتلي مابهمني. انا مابحب البنات يلي متلها.
ابتسمتلها ومشينا على وحدة من الطاولات لناكل.
لما رحت على الصف تفاجأت من تواجد معتصم كان قاعد على مقعد وعم يقلب بوحدة من دفاتري وكل طلاب صفي عم يطلعو عليه ومصډومين.
لما فتت رفع راسو لعندي ابتسم وقال جوري.
كل الصف الټفت لعندي وانا تمنيت الارض تنشق وتبلعني.
وكوثر صارت تحرقني بنظراتها وهي عم تطلع بيني وبين معتصم.
قربت منو وسألتو بهمس شو عم تعمل هون مچنون انت.
شد على شفايفو وقال رح سامحك لانك انستي. اجيت مشان اسألك ايمت موعدنا بالمكتبة.
جوري قبل الحصة الاخيرة.
معتصم اوكيههههه.
شلف الكتاب بمقعدي وطلع من الصف معصب.
ماكنت بعرف شو قصتو.
طول الحصة الطلاب عم يتهامسو علي ويطلعو ببعض ويلتفتو علي.
شوفي بينها وبين معتصم.
ابتسملها.
بكون مقضي معها ودافعلا مصاري.
عيلتها غنية ابوا دكتور وامها سيدة اعمال على الاغلب هي يلي عم تدفعلو مصاري 
بعدين مو شايف وجها مابينطس وحتى جسمها مو حلو وتيابها كثير عراض متل الصبيان شو بدو يحب فيها
بتكون متفقة معو هي بتساعدو بالوظايف مقابل يواعدها والكل بيعرف انو معتصم وكل يوم بحضن بنت شكل وبجوز حاول يجربها .
وهيك كل الصف كل الصف بلا استثناء صارو يحكو علي ويطعنو فيني.
غطيت داني واطلعت على كتاب العلوم وصرت احفظ. لبعد تركيزي عن كل الاصوات حوالي يلي ولا واحد تعب حالو وحاول يوطي صوتو او يخفي جلسة النميمة يلي كنت انا