رواية عمر الجابري بقلم الكاتبة زهرة البنفسج الجزء التاسع حصريه وجديده

قال مين انت
قربت وقلتلو بصوت عم يرجف عمر هي انا انا جوري.
عمر انا مابعرفك.
سودت الدنيا بعيني قربت لعندو كان هاد يلي بدي ياه ابستمت وقلتلو انا جوري دكتورتك الجديدة.
تحولت ملامحو للبرود وفتل راسو على الشباك.
رجع الطيف الجميل.
يقتحم احلامي.
قعدت بمكتبي وانا عم اقرأ ملفو صلو سنتين مصاپ بسړطان الفص الجبهي.
عضيت على القلم وهمست سنتين. سنتين. ايمت من سنتين!!... سنتين يعني وقت تعرفت على عمر مشان هيك كان شعرو خفيف بوقتها. لانو كان عم ياخد جرعات كيماوي.
تنهدت ومسحت وجهي مشان هيك ماكان بدو يتقرب مني. لانو كانت الدنيا منتهي بالنسبة الو.. طيب ليش ماتذكرني.
رجعت شفت الملف. ودققت فيه ماعمل ولا حاډث ومافي اي مضاعفات او مشاكل بالذاكرة. معناها كان عم يمثل علي. اخخخ منك يا عمر اخخخم.
كنت زعلانة كثير بس طاير عقلي من الفرح.
وكنت كل شوي روح على غرفتو واخد نظرة كرمال اتأكد انو هو لسا موجود.
لانو عمر بالنسبة الي مثل الحلم.
يلي ممكن بختفي باي لحظة.
جوري صباح الخير.
مديت راسي واطلعت عليه اخد نظرة سريعة وفتل راسو للشباك متل كل مرة بفوت لعندو
جوري كيف حاسس حالك اليوم.
قربت واستفقدت موشراتو الحيوية كلشي كان ممتاز مسكت ايدو لشوف ابرة المغذي انتفض وسحب ايدو من ايدي فورا وانا ابتسمتلو.
قعدت جنبو وقلت وانا عم عدل السيروم لا الحمدلله وجهك متنشط اليوم ورجيني لشوف.
مسكت وجه وفتلتو لعندي الصدمة كانت بعيونو وقت التقت بعيوني ابتسمتلو وقربت وجهي من وجهو وهو عيونو تقلصو وهو عم يراقبني.
همستلو بدانو سمعني كثير منيح يا عمر. اذا مفكر انو ببرودك وتجاهلك الي رح يبعدني عنك فانت غلطان. انت هلق وقعت بين ايدي وانا ماعد اسمحلك بان تتركني مرة تانية وتروح.
بعدت عنو وهو لملم ملامحو بسرعة وغيرها للبرود وفتل راسو للشباك.
وانا ابتسمت وانا عم اتأملو كثير متغير سنتين كاملات كانو كافلين بانو يغيرو
جوري صار عمرك 26 سنة صح
عمر....
جوري انا بعد شهرين بصير 21 سنة بيناتنا خمس سنين بس.
عمر.....
قربت منو وانا عم اعمل حالي عم عدل المخدة ورا ظهرو.
هون بلش جيهاز ضربات القلب يزمر.
بعدت وانا مصډومة رجع الجهاز يطالع صوت طبيعي ضحكت وطلعت على عمر كان وجهو احمر وانفاسو متسارعة.
عمر بصوت منفعل طلعي لبرا لو سمحتي.
صرت اضحك.
جيهاز ضربات القلب ڤضحو. دار وجهو على الشباك ليخفي احراجو وصدرو كان عم يطلع وينزل.
قربت وهمستلو سلامة قلبك.
عمر طلعي لبرا. حضرة الدكتورة عيب هلتصرفات.
جوري امممم حضرة الدكتورة يعني انت مابتعرفني.
ملت براسي ونزل شعري على جنب كان عم يطلع علي بطرف عيونو صار يفحص ملامح وجهي بالكامل رقبتي وشعري وجهي فتل راسو وقال لو سمحتي طلعي لبرا.
جوري طيب رح اتركك ترتاح وانا شوي وبرجعلك.
تركتو ومشيت لعند الباب التفتت لعندو. كان عم يطلع علي وعيونو مدمعات فتل راسو فورا.
اخخ يا عمر.
ليش عم
تعذبني وټعذب حالك.
تحددت عمليتو بابا والدكتور مهند والدكتور منصور كانو مسؤولين عن عمليتو وانا كثير كنت مرتاحة لانو كانو من افضل الدكاترة عنا بالمستشفى.
وقفت جنبو وانا عم ساعدو يلبس تياب العمليات وهو كان وجهو احمر قربت منو وشميت ريحتو. مافي اجمل منها.
الممرضين حركو تختو ومشيو وانا مشيت جنبو تجرأت ومسكت ايدو تفاجأت لم شد اصابعو على ايدي اطلع بعيونو كانو مليانين مشاعر وانا قلبي من جو عم ينبض. كنت كثير موجوعة نيران عم تاكلني من جو بدي ضمو واحضنو وشم ريحتو بس الحواجز بيناتنا ماخلتني.
ابتسمتلو وقلتلو لا تخاف انا متأكدة انو العملية رح تكون ناجحة.
شفت تفاحة ادم عم تتحرك برقبتو لما بلع ريقو وقال ان شاء الله. 
دخل على العملية وانا وقفت ورا القزيز وصرت راقب لانو انا كنت متدربة بس.
شفت الوعي عم ينسحب من عيونو لما تخدر وبعدها بلشت العملية.
فتلت ضهري ومشيت لاني ماكنت قادرة شوف.
يتبع