رواية الشادر الفصل الثاني بقلم الكاتبه ملك إبراهيم حصريه وجديده
الكبار في السن والشباب.
الفرح كان مقسوم نصين الجانب اليمين قاعد فيه الرجال والجانب الشمال قاعد فيه الستات.
دخلت جميله الفرح وهي لابسه فستان اسود وعليه حجاب فضي ودخلت معاها ثريا وهي لابسه فستان لونه ازرق وعليه حجاب ابيض.
كالعادة قلب حمزة دق پعنف اول ما شافها وهي داخله الفرح عينيه اتعلقت بيها من اول لحظة دخولها الوحيدة اللي بتقدر تحرك قلبه ومشاعره بمجرد حضورها لاي مكان هو موجود فيه.
كان بدر قاعد جنب حمزة وحالته متفرقش كتير عن حالة حمزة عينيه كانت متعلقه ب ثريا خطفت قلبه بطلتها تخيلها عروسته كان نفسه يكلم حمزة ويطلبها منه لكنه كان عارف انها هترفضه قبل رفض حمزة وهو نفسه كان في حيرة خاېف يربط حياتها بحياته وفي نفس الوقت مش هيقدر يستحمل فكرة انها تكون لغيره.
كرم صاحبهم التالت كان في عالم تاني كانت عينه على كل الستات والبنات اللي في الفرح.
دخلت جميله الفرح وهي بتحاول تتجاهل النظر اتجاه حمزة قعدت في الصف الاول قدام العريس والعروسه ثريا قعدت جنبها وهي كل شويه تبص اتجاه بدر جميله بصتلها پغضب وقالتلها
ما تمسكي نفسك شويه يا بت انتي الناس هياخدوا بالهم
بصتلها ثريا واتكلمت بطريقه دراميه
معلش اصل الحب بهدله معذوره اصلك مجربتيش الحب
رفعت جميله حاجبها وبصتلها بغيظ ضحكت ثريا وشاورت بإيديها انها هتسكت.
عند حمزة وهو قاعد مع الرجاله قرب منه واحد من رجالته واتكلم معاه بهمس وقاله ان زينب بنت عمة العروسه واللي معروفه ب زوزو طالباه في موضوع مهم ومش عارفه تقرب وسط الرجاله عشان تتكلم معاه بص حمزة اتجاهها ولقاها واقفه تبصله وكانت لابسه فستان احمر وحطه طرحه شيفون على شعرها وشعرها كله كان ظاهر من تحت الطرحه بصلها حمزة شويه بتفكير هو طبعا عارفها بس كانت مستغربه ان حمزة البرنس يعمل كده والمنطقه كلها عارفه انه بيحب جميله بنت الاستاذ محمود ومتعلق بيها وعمره ما بص لاي واحده غيرها رغم ان كل بنات المنطقه عينهم عليه وبيتمنوا بس نظرة منه واولهم شاديه اللي حاولت كتير توقعه بس مقدرتش عليه.
شاديه اتغاظت ان زوزو قدرت توقع البرنس اللي هي مقدرتش عليه وفكرت تخربها على دماغهم وراحت عند جميله ووقفت قدامها وهي بتبصلها بسخرية.
جميلة اتنهدت پغضب لما شافت شاديه وسألتها بملل
خير يا شاديه عايزة ايه!
ضحكت شاديه وهي بتضغط على اللبانه في بؤقها بستفزاز وقالتلها
كنت عايزة اقولك متشوفيش نفسك علينا اوي يا ست جميله خلاص راحت عليكي والبرنس لقى اللي تشغله وتدوس عليكي
بصتلها جميلة بستغراب قلبها دق پعنف لما سمعت كلمة البرنس لقى اللي تشغله لفت وشها بسرعه تبص على مكان حمزة لقت مكانه فاضي ومش موجود جف حلقها بسرعه دقات قلبها بقت سريعه جدا بلت ريقها
وبصت لشاديه وسألتها بهدوء مصطنع
انا مش فاهمه قصدك ايه يا شاديه!
ضحكت شاديه
اقصد ان البرنس دلوقتي مع البت زوزو صحيح بت شاطره وعرفت توقعه.
انتهاء الفصل
اتعرفتوا في فصل النهاردة على باقي الشخصيات في الرواية بس في لسه شخصيات هتظهر الفصول الجاية وان شاء الله اللي جاي اقوى عايزة اعرف رأيكم
