رواية قرية الصمام الحلقه الثانيه بقلم الكاتب مصطفى محسن حصريه وجديده

رواية قرية الصمام الحلقه الثانيه بقلم الكاتب مصطفى محسن حصريه وجديده 
صحيت بدري وأنا حافظ كلام أبو سليم قبل المغرب اكون خلصت شغلى.
نزلنا على الأرض الطريق كان كله تراب والغريب القرية مفيهاش ناس كتيرة والنخل ناشف.
لما وصلوا الارض حسن قلبه اتقبض وقال فى نفسه انا شوفت ارض كتير فى حياتى بس مشوفتش رض بالشكل ده.
حسن بص لابوسليم وقاله
هاقيس من أول الحيازة لحد الترعة.
الحج ابو سليم هز راسه وقاله
اهم حاجه تخلص بدري بعد العصر متقربش من الترعة.
حسن تجهل كلام ابو سليم.
وبدا يركب الخيط والميزان على الارض.
بس حسن حس بنبض خفيفة تحت التراب.
قال فى نفسه
يمكن دى مواسير. وكمل شغله بس ميل الارض مكنش ثابت.
عند آخر الأرض كانت فيه ترعة المية فيها هادية قوي عاملة زي المراية والضفة التانية فاضية خالص.
لفيت ومشيت شوية وفجأة سمعت همس واطي ورايا بيقول
حسن...
وقفت مكاني وما بصتش.
فجأة أبو سليم قال بصوت متوتر
ارجع يا بشمهندس... بلاش تقرب من الترعة زي ما قلتلك.
حسن حس إن في حاجة مش طبيعية وقال بهدوء
تمام يا حج....وما سألتوش.
بعد الضهر جه عبد المقصود.
كان قليل الكلام وعينه دايما في الأرض.
قال بهدوء
لو سمعت حد بينده... اعمل نفسك مش سامع.
قلتله باستغراب
هى دى النداهة
بصلي من غير ما يرفع راسه وقال
سمها زي ما تحب... بس ما تردش.
حسن ابتسم بسخرية وقال فى نفسه
الجهل بيوصل الناس لابعد من كدة.
رجعنا قبل المغرب.
دخلتى أوضتي وظبطت المنبه على الفجر.
كتبت في الدفتر
نبض بسيط في التربة وهيتم أتأكد بكرة.
حاولت أنام.
السكون اليل كان مرعب حرفيا... لحد ما جت خبطة هادية على الإزاز الشباك
تك... تك...
ما فتحتش.
فجاة الموبايل رن برقم مجهول.
رديت
ألو
صوت واطي مخڼوق... كأنه طالع من الميه قال
ما تتأخرش يا حسن...
قفلت بسرعة.
راجعت سجل المكالمات...
المكالمة مش موجودة.
بعد دقيقة نفس الصوت...
بس المرة دي جاي من تحت البلاط وقال
حسن...
قلبي وقع.
افتكرت وصية عبد المقصود... وسكت.
النداء اتبدل لصوت بنتي ملك
بابا... افتح.
في نفس اللحظة بلاطة الأوضة بدأت تعلو وتنزل...
كأنه بيتنفس.
خبطت على باب أبو سليم وقوتله
في حاجة غريبة فى الاوضة انا بسمع أصوات بتناديني.
قال وهو طبيعى وبدون استغراب زى ما يكون عارف اللى بيحصل
الليل هنا ليه صاحبه... لو رديت هيفتح عليك طريق ما يتقفلش.
قولت فى نفسى
اكيد دى كلها مجرد خيالات.. انا لو اقتنعت بكلامه هكون جال زيه.
قوتله
انت كلامك غامض بس انا مش من الناس اللى بؤمن الخروفات د.