واحنا صغيرين الفصل الرابع بقلم سلسبيل أحمد حصريه وجديده
المحتويات
كان مهتم بيا غيره!! خناقة المدرسه القديمه الى بسببها يحيى دخل المستشفى ده كانت عشاني !! كان بيدافع عني !!
فضلت اعيط بأنهيار وانا بصاله انتوا متعرفوش اي حاجه عن طفولتي يا بابا متعرفوش اي حاجه!!!
رفع ايده وطبطب عليها فرح بطلي عياط انتي الى مكنتيش شايفه علاقتكم رايحه لفين.. والحدثة الى بتتكلمي عنها دي وقتها انتي صحتك ادمرت بسبب حزنك عليه عشان في المستشفى و مستواكي نزل ده مكنش طبيعي
مكنش طبيعي عشان بعد عني !!! مكنتش متعوده ابقي لوحدي من غيره
و ده غلط.. لأن الدنيا مش شخص واحد!! واديكي كملتي حياتك ومحصلش حاجه الحياة مش بتقف.. وهو كمان كمل..!!
ضحكت بسخرية هو كمان كمل هو كمان شاف غيري بسببكم.. انتوا کرهتوه!!! مع انوه كان بيحبكم ماما كرهته وكان عارف وحاسس ب ده
ماما بتحبك.. وكانت خاېفة عليكي
اتكلمت بعصبيه وانا بمسك دماغي انا مش عايزه حد معايا!! وانا مش صغيره يا بابا!!! انا عايزه افضل لوحدي
سيبته و روحت على سريري وانا بنكمش في نفسي لحد ما حسيت بيه بيخرج وفضلت اعيط.. لوقت مش عارفه قد ايه!!! لحد ما نمت!!
سبحان الله وبحمده سبحان الله العظيم
في شوارع القاهره كان يحيى سايق عربيته وميعرفش رايح على فين.. وقفها على جمب وفضل يتنفس كان بيهدي كل ما يفتكر صورتها قدامه.. وازاي كبرت و لسه جميلة و فيها براءة زمان.. و لكن بعدها علطول بدء يفتكر كلام ابوه
ازاي يا بابا ده حصل
حصل زي ما حصل بقا يا يحيى !!!
ممكن حضرتك تهدي.. أكيد هنلاقي حل
الحل موجود.. انت لازم تخطب سارة
سارة تاني انا قولت لحضرتك مش هقدر ومش عايز اتجوز بالطريقة دي..
يعني ايه هتسيبنا نقع !!!
مقدرش يا بابا.. انا طول عمري بسمع كلام حضرتك اطلب مني اي شيء وهنفذه
يحيى !! انت كل حاجه مكتوبة بأسمك !! انا سايب لك حاجه !! وكل ده مينفعش يدمر احنا لازم نناسب عيلة المرشدي باي شكل !! فاهم دي الطريقة الوحيده الى هتنقذ الشركة و كل حاجه!! وبعد لما نقف على رجلنا.. و الصحافة تنشر خبر الخطوبة بدل الإشاعات اننا بنقع !! لما كل حاجه تتصلح ساعتها ابقي سيبها
ازاي !! ازاي اعمل كده في انسانه ملهاش ذنب!!
هتعمل كده عشان خاطر ابوك !!! ولا عاوزني اتحب س !!
غمض عينه پألم وهو كاره نفسه عشان سمع كلام ابوه.... لكنه قرر ميسمعش كلامه تاني..
لا إله إلا انت سبحانك اني كنت من الظالمين
بعد مرور تلت ايام
يحيى كان محتفي و معتز مش عارف يوصله.. و فرح كانت بتحاول تتحطي الى حصل و بتتجنب الكلام مع مامتها و باباها..
متابعة القراءة
