رواية سوق العبيد بقلم نور على حصريه وجديده

ده إننا هنعيش هنا إزاي!
حمزة ده اللي عايز أوصل له. ولكن في حاجة أهم إحنا في نظر أهلنا دلوقتي ميتين.
كامل يا خبر مطين! أمي... ده أنا أمي تروح فيها.
محمود أولادي!
طه أبويا وأمي وخطيبتي وإخواتي محدش هيقدر يتحمل الخبر.
حمزة عرفتوا إن المصېبة مش مصېبة أكل وشرب بس مش بعيد يكونوا بيبحثوا عننا كچثث دلوقتي وفي النهاية مش هيوصلوا لحل ونبقى في نظر أهلنا والدولة ميتين.
عامر هنعمل إيه يا حمزة اللي إنت هتقوله هنوافق عليه. أنا معاك وإنتوا يا رجالة
كلنا معاك يا حمزة.
حمزة إذا كل واحد فيكم له مهمة محددة. إحنا عشرة كل اتنين هيكونوا سوا واحد كبير مع واحد أصغر منه شوية في السن عشان لو حد تعب يبقى معاه حد يلحقه. كل واحد فريق منكم هيدور في مكان وقبل ما تغيب الشمس نكون قدام الجزيرة دي.
وبالفعل ظلوا يمشون وكأنها متاهة لا مخرج ولا مفر. إلا أن قربت الشمس على المغيب وبدأوا يجتمعون إلى أن حل الظلام وكان بداخلهم ړعب شديد إلى أن سقطوا جميعا أمام الجزيرة من كثرة التعب.
وفي صباح اليوم الثالث فتح حمزة عيناه فوجد في وجهه رجلا أسمر طويل القامة داكن البشرة أصلع الرأس حاجباه كثيفان أنفه ضخمة حول رقبته عقد على شكل ثعبان ويغطي عورته بأوراق من الشجر.
ذعر حمزة من شكل الرجل فنهض مرة واحدة ليجد نفسه محاصرا هو وأصدقاؤه بهذه القبيلة.
الرجل من أنتم كيف وصلتم إلى هنا
حمزة إحنا وقعنا من الطيارة على الجزيرة دي.
الرجل ماذا تقصد بهذه الكلمة ما هذا الاسم
يشاور حمزة على السماء ويقول له الطيارة اللي بتطير في السما.
ينظر الرجل إلى السماء ثم إلى حمزة ويعتقده مچنونا. ثم يحدث قبيلته بأن يأخذوهم أسرى إلى القرية.
بدأ جيش القبيلة يقيدون يد حمزة وأصدقائه بالسلاسل من اليد إلى الرجل ثم أخذوهم إلى القرية ووضعوهم في السچن 
حمزة إيه اللي إحنا فيه ده إحنا فين
طه أنا مش قادر! ھموت عايز أشرب.
أحمد ومين سامعك أنا مش قادر ومحدش فيهم هنا وشكلهم ما بيفهموش لغتنا.
ثم يدخل عليهم رجل طويل القامة ذو أكتاف عريضة داكن البشرة لكن له شعر خفيف مجعد.
الرجل هذا طعام. هل أنتم فاهمون ما أقول
حمزة أيوه.
الرجل ماذا تقصد بهذا المعنى أنا لا أفهمك.
محمود نعم نحن نفهم ما تقول.
الرجل حسنا الآن سأعرفكم بنفسي معكم قشعم مسئول عنكم من اليوم.
طه طب بما إنك مسئول أنا عايز أشرب. هات أشرب.
قشعم ماذا يعني صديقكم
حمزة يريد منك أن تعطيه قارورة ماء.
قشعم حسنا. يا حارس ائت بالماء.
الحارس أجل يا سيدي.
حمزة هل سنبقى مقيدين هكذا
قشعم نعم.
حمزة إلى متى
قشعم إلى أن يأذن صاحب الأرض.
حمزة ماذا تقصد بصاحب الأرض
قشعم زعيمنا شاكازولو.
حمزة وأين نحن ما اسم هذه الجزيرة
قشعم أنتم في جزيرة يوديف أرض زعيمنا شاكازولو.
حمزة وما معنى يوديف
قشعم أنت تسأل أكثر مما يجب.
طه طب إحنا المفروض... معذرة أنني أحاول أن أفهم منك لماذا نحن مقيدون هكذا
قشعم هذه أوامر سيدي شاكازولو.
حمزة هل لي أن أتحدث مع الزعيم
قشعم ومن أنت للتحدث مع زعيمنا أنت أسير.
محمود هذا قائدنا السيد حمزة.
قشعم هل هذا الكلام صحيح
يجيب باقي الأصدقاء نعم.
قشعم إذا غدا سأخبر سيدي بأنك تريد التحدث معه.
مصطفى هل سنظل مقيدين
قشعم نعم إلى أن يتم عرضكم في سوقنا.
حمزة سوق ماذا تقصد بكلمة سوقكم هل السوق الذي تقصده هو ما يوجد به الأكل والشراب والملابس
قشعم نعم... والعبيد.
حمزة عبيد ولم يتم عرضنا في السوق هل ستأخذوننا لنقوم بعمل ما لكم
قشعم سيتم عرضكم في سوق العبيد.
الجميع في صوت واحد
أااااايه إنت بتقول إيه!
الفصل الثالث
سوق ماننج الأرض السوداء
قشعم أنا لا أفهمكم غدا موعدكم مع سيدي. يا حارس أحكم إغلاق الباب.
ثم يخرج قشعم.
طه سمعتوا اللي قاله يقصد إيه بكلامه ده
محمود الظاهر إنهم عايشين في عصر الجاهلية.
مصطفى والعمل هنعمل إيه حتى مش هنعرف نهرب وإحنا مربطين كده.
عامر لازم نفكر نخرج من هنا.
يوسف أنا مش قادر أستوعب ده أكيد كابوس صح
عادل عايزين نفكر بهدوء عشان نعرف نتصرف. إحنا لحد دلوقتي تايهين حتى في أفكارنا كله ملغبط. لازم نفكر صح.
كامل المفروض نبدأ منين
أحمد أهم حاجة إنهم مش فاهمين كلامنا ده في صالحنا.
أدهم المهم إننا نفهم دماغهم فيها إيه. الراجل اللي اسمه قشعم ده ما يطمنش لا شكله ولا كلامه. وحتى حكمهم دة شاكازولو من الكلام عنه كده واضح إنه شخص مستبد. ساكت لي يا حمزة ما تشاركنا رأيك.
حمزة مستنيكم تخلصوا.
أدهم اتكلم يا حمزة.
حمزة أول حاجة إن آخر كلام بينا لما كل فريق منكم راح يكتشف الجزيرة دي دي أول خطوة لخروجنا من هنا.
تاني خطوة هي إنكم بكرة كل واحد فيكم له مهمة مختلفة عن التاني. بمعنى إننا جايز نكون سوا في نفس المكان وجايز لا. لو حصل وكان فعلا ده سوق بيباع فيه الأشخاص كعبيد يبقى وقتها كلنا هنعمل إننا تعبانين وكأننا تأثرنا بالأكل وحالة ټسمم.
أما لو كان السوق غير كده فوقتها عليكم إنكم تكتشفوا كل مكان في السوق وإزاي نقدر نلاقي مخرج. وطبعا اللي هيقدر يساعدنا في حاجة زي كده هو إنت يا محمود باعتبارك مدرس جغرافيا. عليك إنك تدرس المكان. تمام يا محمود
محمود تمام.
يوسف لازم تشوف أدوات النجارة عندهم بيستعملوا إيه. دي مهنتك وإنت أكتر واحد هيفيدنا في ده عشان نقدر نطلع من المكان.
يوسف حاضر.
حمزة بالنسبة لدكتور مصطفى ودكتور عادل مهمتكم تشوفوا أدوات العطارة كلها عشان محتاجين يكون معانا مخدر قوي.
عامر مهمتك تشوف نوع الأكل عندهم وتعرف أي أكتر أكلاتهم اللي بتديهم طاقة. لازم ناخد بالنا من النقطة دي دي مهمتك.
عامر حاضر.
طه عايزك تشوف هل ليهم عملة ولا لأ وبيتعاملوا بيها فين. ودي هتقدر تعرفنا إحنا فين بالظبط وهل هما ليهم مكان غير الجزيرة دي ولا لأ. تمام
طه تمام يا حمزة.
كامل عايزاك تعرف هل هما عشوائيين ولا ليهم قوانين ده هيفيدنا عشان نقدر نقلب الحكم لصالحنا.
كامل حاضر.
بالنسبة للأستاذ أحمد وأدهم مهمتكم تعرفوا هل ليهم لغة تانية ولا لأ وآخر معلوماتهم واصلة لحد فين. تمام
أحمد وأدهم تمام.
طه طب إنت يا حمزة مهمتك إيه
حمزة أنا اللي هحفر للنفق.
محمود نفق!
ثم يسمعوا صوتا يأتي من الخارج وكأن أحدا ما يستمع إلى حديثهم.
حمزة ناموا دلوقتي.
محمود بس لسه مكملناش كلامنا.
حمزة بكرا نكملوا.
أحمد ولو ما عرفناش يبقى إيه العمل لازم نعمل خطة بديلة. افرض حد فينا اتاخد من السوق ده هنوصل لبعض إزاي وهنتوصل إزاي
حمزة الخطة البديلة لو حصل وهنتباع يبقى كل واحد يحاول يبهر الملك ويبين له إنه أولى بيه من أي شخص تاني. ونوصل له إننا أولى من غيرنا باعتبارنا غرباء ويهمنا مصلحته وتكبير نفوذه. تمام
الأصدقاء تمام.
يدق الباب عليهم بعصا.
الحارس أنتم! إلى متى تتحدثون وفي ماذا تتحدثون كل هذا الوقت فيما تفكرون أيها الحمقى لا مفر ولا هروب أنتم في يوديف!
إن سمعت أصواتكم مرة أخرى سأعزلكم ويكون كل واحد منكم في مكان غير الآخر.
ثم يعم الصمت ويفكر حمزة في طريقة للتواصل.
فيجد الأرض بلا بلاط كلها رمل. فيبدأ بالكتابة.
ينزل حمزة على ركبتيه فيستعجب أصدقاؤه. ثم يكتب لهم
حمزة هكذا ستكون لغة التحدث بيننا حتى لا يتم عزلنا. ودلوقتي حاولوا تناموا.
ينظر إليهم فيجدهم جميعا يحركون رأسهم بالموافقة.
الحارس ماذا بعد لا أسمع صوتكم!
ثم يصمت الحارس .
في الساعة الخامسة فجرا
قشعم انهضوا قد طلع الصباح! يا حارس إنهم لم يستمعوا إلي قط فأت بالماء وصبه على وجوههم.
ثم يأتي الحارس ويفعل ما أمر به.
الجميع في فزع آه! في إيه
قشعم قد حان الآن موعدكم في السوق.
حمزة وكيف ذلك إن الشمس لم تطلع بعد.
قشعم لا نأبه لقولك ففي جزيرتنا قد تشرق الشمس وقد تحجبها الغيوم.
حمزة ولم تحجبها الغيوم
قشعم لست خادمك لأجيب سؤالك! ومن الآن أنتم في السوق.
حمزة ومتى سأتحدث مع سيدك
قشعم حين يطلبك سيدي. وتذكروا أنكم عبيدنا نصنع بكم ما نشاء. أنتم العبيد ولا نحب حديثكم. فمن الآن إن تجرأ أحدكم وتكلم معي أكثر مما هو مطلوب قټلته أو أكلته حيا!
الآن سيأتي بكم الحارس إلى السوق.
ثم يخرج قشعم وينظروا جميعهم إلى بعض. كل منهم بداخله ألف سؤال وسؤال ولكن يقطع أصواتهم الداخلية حمزة
حمزة لحد ما يجي الحارس عايز أعرف إنتوا شفتوا إيه في الجزيرة
محمود وعامر إحنا كنا في الجزء الشمالي من الجزيرة. المكان كان غامض ومافيش فيه أصوات بس كان مرعب. تحسه إن الشمس ما بتوصلش له لكن في نفس الوقت مألوف.
عادل ويوسف إحنا كنا ناحية الغرب. المكان تحسه ممكن ياخدك لمكان حي بس للأسف الشمس كانت بتغيب. ولو كنا مشينا ودخلنا فيه ماكناش هنعرف نرجع.
حمزة بس المكان حي صح
عادل ويوسف أيوه وسمعنا أصوات زي الغنم وكده.
حمزة طب كويس.
مصطفى وأدهم إحنا دورنا حوالين الجزيرة في الجزء القريب من الغرب بس لقينا أثر رجل يعني جايز رجل عملاق. بس حجم الرجل ضخم قوي وده اللي خلانا نتفزع وقتها أنا ومصطفى.
حمزة معني كده إن حوالينا عملاقة!
أدهم معقول
حمزة المهم دلوقتي طه إنت وأحمد شفتوا إيه
طه من ناحية الجنوب سمعنا أصوات قريبة أشبه باحتفال. لكن القرية لو كنا هنروح لها بينا وبينهم جزيرة تانية.
حمزة وانت يا كامل شفت إيه
كامل أتكلم
محمود هو سر
حمزة أكيد لا. لقينا أثر الطيارة أجزاء منها في ناحية الشرق. بس مش عارف إزاي وصلت لهنا وإزاي إحنا وقعنا في المكان ده. وباقي الناس راحوا فين لو كلنا وقعنا هنا
محمود كده في لغ
الحارس ماذا بعد! ألن تكفوا عن الحديث إلي إلى الأمام جميعكم فأنا سيدكم الآن بدلا من سيدي قشعم!
حمزة أراك تحاول أن تفاخر بنفسك في غياب سيدك قشعم وسأخبره بما تقول لنا حتى يعلمك كيف تحترم غيابه.
الحارس لا لا! أرجوك لا تخبر سيد قشعم إنه رجل شرير وإن علم بذلك الأمر سيأكلني!
ثم ينظر حمزة وأصدقاؤه إلى بعضهم البعض ويفكرون في كلام الحارس وكلام قشعم سآكلكم! هل قشعم آكل لحوم البشر
حمزة لك ذلك سأعطيك خدمة مقابل صمتي.
الحارس وماذا تريد مني
حمزة لا أريد منك شيئا ثمينا إنما أريد أن أعرف أكثر عن حاكمكم شاكازولو وإلى أين نحن نذهب وما هذا السوق ولم تفعلون بنا هكذا ولماذا أنت خائڤ إلى هذا الحد من قشعم وتقول يأكلني! أفيأكل قشعم البشر
الحارس أتريد مني أن أحدثك عن جميع هذا إنك لا تعلم شيئا ومن أين لي أن أبدأ وقد صرت عبدا الآن عبد لا غير فقط ليحفظ سري.
حمزة اطمئن فلن أخون العهد بيننا وإن شئت تكلم كما تحب غير أني شعرت أنك مثلنا تريد النجاة ولا تعلم شيئا