رواية أوتار أحد من السيف الفصل الثالث عشر بقلم الكاتبه زهرة الربيع حصريه وجديده
رواية أوتار أحد من السيف الفصل الثالث عشر بقلم الكاتبه زهرة الربيع حصريه وجديده
ايه اللي بينك وبين خطاب وليه خطڤك وجابك هنه وبيقول هيتجوزك رغم انو عارف انك مقضياها مع ولده
اوصاف اتسعت عيونها بذهول وقالت...ايه...مين دي الي مقضياها مع ولده ما تحترم طولك يا جدع انت بدل ما اقل منك
فياض ابتسم بسخريه وقل..والله انتي بنفسك قولتيلي كده لما كنا في الجبل ولا نسيتي
اوصاف اتنهدت وقالت ...منسيتش بس اكيد محصلش وانت عارف كده زين ..بلاش نلاوع على بعض
فياض ابتسم بسخريه وقال...وانا هعرف منين...انتي مش من بقية اهلي لا قدر الله علشان اعرف كيف اخلاقك..انا ليا بالظاهر ...انتي قولتي بلسانك...وكمان من شوي كنتي ھتتجني عليه وواخداه بالاحضان... يعني الحب مولع في الغيط ..وباين للاهبل و العبيط
اوصاف بصتلو بغيظ وقالت....تصدق انا اللي هبله وعبيطه لاني فكرت ان فيه منك رجا او ممكن تساعدني ...الحق عليا اللي وقفت اسمعك
ولسه هتمشي وقف قدامها وقال...بس احنا مش موضوعنا دياب ...انتي بتتهربي من سؤالي ليه ...انا بسألك ايه اللي بينك وبين خطاب مش ولده
اوصاف لسه هترد سمعوا صوت زعيق خطاب وهو بيقول ...يا ولدي چرحك لسه اخضر متتعبش قلبي ...ارجع سريرك يا دياب
بس دياب كان نازل بالعافيه وهو بيزعق پغضب وبيقول...فياض....فياض...بعد عني يا ابوي ...لو كنت خليته يمشي لساني مهيخاطبش لسانك المره دي
فياض اتنهد ولسه هيدخل اوصاف مسكت فيه وقالت...اخزي الشيطان يا ود الحلال ومتقفش قدامو دلوك ...هديتك بالله روح ومتدخل...
بس مكملتش كلامها وفياض بعدها ودخل وهو متجاهل كلامها تماما
بقلم...زهرة الربيع
جوه غفران كانت مع خطاب بيحاولوا يهدوه وقالت پخوف...هو مشى مشى من زمان ...هنعمل كل اللي تعوزه بس ارجع سريرك دلوك
دياب مسكها من دراعها پغضب وقال..ايه خاېفه عليه مش كده...انا هريحك على الاخر دلوك اصبرو علي ..فيااااض
ولسه هينادي تاني لقى فياض في وشه وقال...انا هنه يا دياب بيه...امر
غفران لطمت على خدها لما لقته لسه موجود وخطاب اتجمد مكانه كان فاكره مشي زي ما قاله
دياب ابتسم بطريقه تخوف وقرب من فياض وهو مش ناوي على خير ابدا
في الجبل كانت فوزيه عمة اوصاف رابطه دماغها وبتقول بحزن...ااااه يا صغيره يابت اخوي..يا اخر ما بقالي من ريحة الحبايب...ضيعك نعيم يا بتي....ضاعت امانة اخوي وروحتي مني يا اوصاف اااه يا...
بس قطعت كلامها پخوف لما نعيم زعق فيها بقوه وقال...ما تتكتمي يا مره...هتقعدي تعددي لمېته وجعتي راسي ما قولتلك هلاقيها
فوزيه قالت ببكا...هتلاقيها فين يا اخوي...الجدع كان جاي وناوي ياخدها ومحدش يعرف طريقها...الراجل بتاعك قال انو خدره يعني اتقصد ميخليهوش يشوف طريقهم...البت راحت خلاص...ولا عارفين حتى مكانها... اه يا صغيره يا اوصاف يا ترى اخدوكي ليه يا بتي
