رواية لعبة القلوب المحرمه الفصل التاسع والعشرين بقلم الكاتبه أماني السيد حصريه وجديده
بمجرد انتهاء مشاكل الورث انه هيمسك الفرع ده بس هيكون تحت اداره شعيب وماهر هيدخل معاهم وهيشترى أسهم فى الشركه عشان يكون ليه حق إنه يدخل فى الاداره
وافق هشام وماكنش عنده أى اعتراض بالعكس فى البداية كان حاسس ان الموضوع كبير عليه لكن ماهر طمنه
بعد مرور تلات اشهر قرر ماهر إنه يكتب الكتاب وكان بشكل عائلى بعض أصدقائه القدام وشعيب وهشام وخطيبه هشام وراضية واخته وجوزها واولادها
كان الكل فرحان اشترت صفا فستان هادى من اللون الاوف وايت ومروه لبست فستان وردى خالى من اى تطريز او شغل
كانت البساطه سر جمالهم ورقيهم
فى كتب كتاب ماهر كان شعيب وكيله ..وهشام شاهد من الشهود
بعد كتب الكتاب وانشغال الجميع بالمباركه للعروسين وقف شعيب جمب مروه وهمس بجانب اذنها
عقبالك
عقبالك انت كمان مع بنت الحلال
والله نفسي بس بنت الحلال عنديه ورافضه
إحنا اتكلمنا قبل كده في الموضوع ده
قبل كده كان الوضع مختلف إنما المره دى انتى شوفتى ماما وقربتى منها وانا قربت منكم المره دى انا بكلم مروه تانيه مديره قسم الحسابات اللى الكل بيعملها حساب
مروه اللى بعتمد عليها في كل حاجه
مروه اللى قادرة تقرر دلوقتي هى عايزه ايه
مروة رفعت عينيها له حست بثقل اللحظة حست بالثقة اللي شعيب بيحطها فيها ومعها المسؤولية ومع إن قلبها لسه متردد حست كأنها قوية أكتر من أي وقت فات.
طيب واعمامك لما الكل يعرف أننا ارتبطانا
ماتقلقيش كل حاجه خلاص قربت تخلص وكل واحد هيقف عند حده
معنى كده إنك عايزنا نرتبط فى السر على ما مشكلتك تخلص
لأ طبعا انا وماما هنيجى نتقدم بشكل رسمى وكل حاجه هتمشى على طبيعتها ووعد منى مشكله عمامى هتخلص قبل الخطوبه والفرح
عايزك تثقى فيا زى ما أنا بثق فيكى يا مروه
ابتسمت مروه على كلامه
واتكلمت بمناكشه
ماما هناك اهى شايفها ورينى شطارتك
ابتسم شعيب وغمز لمروه وسابها ومشى يكلم والدتها
فى مكان اخر كان مراد ومحمد قاعدين بيتفقوا
كده كل الورق مظبوط وخصوصا الحسابات بتاعت الشركه والخساير والارباح والتزوير
كده القضيه دى بتاعتنا وهنكسبها ١٠٠٪
اهم حاجة عامر مايعرفش عشان ماينبهش شعيب ولا هشام
لأ ماتقلقش وحتى لو عرف مش هيلحق يظبط ورقه ولا يعمل حاجه المحكمه بعد بكره
عندك حق حتى لو عرف برضو مش هيلحق يلم ورقه الورق اللى معانا يوديه فى داهيه
ياترى بقى شعيب عارف ولا هيتفاجئ
يتبع
