اسري القلب الفصل من ٣ الي ٤ للكاتبة دينا ابراهيم
!!
وقف امام الباب دي اوضتي علي فكرة !!
بدور ده كان زمان دلوقتي بقت اوضتي ملكيتي انا ...
ابتسم بمكر وماله الاوضه دي ملكك طبعا زي ما كل اللي في الاوضه دي ملكي بردو !!
فهمت قصده فتوترت ونظرت له بتلخبط وقالت بتلعثم ...
انا انا ....
انتي ايه ...
نظر الي عيناها المكحلتان و امسك بخصله من شعرها يقربها من انفه ... في لحظه من اللحظات القليلة المنسجمة فيما بينهم..
في الخارج جلست ايمان علي ركبتيها وأصدرت ضجه لتجتذب انتباههم واطلقت ااه خفيفه ترك يونس بدور والټفت بسرعه نحو الباب يفتحه ليطمئن علي والدته !!!
يونس بقلق في حاجه يا ماما انتي كويسه ؟!
بدور بخضه يالهوي حضرتك وقعتي ولا ايه ؟!!
إيمان اه يابنتي كنت هقع بس الكرسي لحقني ..اه ياركبي ياني يا امي ...
يونس وهو يساعدها علي الوقوف طيب قومي يا ماما سلامتك ..
توفيق باصطناع يركض بخضه في ايه ياولاد ؟
بدور مفيش يا بابا دي ماما كانت هتتكعبل بس ربنا ستر..
توفيق ياحول الله مش تاخدي بالك يا ام العيال...
غمز لها فضحكت ايمان متقلقش انا بس كنت بخصكوا شويه عشان يبقي فيه ساسبينس كده ...
يونس يا ساسبينس انت يا مدلع ...
توفيق هههههههه انا نازل اقعدوا بقي انت وبدور اتكلموا عن الحياة هنا لحد ماارجع والواد جابر فين صحيح ؟؟
يونس وقد تذكر مشادته معه دخل ينام شويه....
نظرت له بدور بشك ، انصرف توفيق وجلست ايمان و يونس يرسمون الحياة في القاهرة لبدور..
..........
في سوهاج ....
كان الحاج ابراهيم مشتعل ڠضبا و قد طغا عليه مراره الوحده بعد ذهاب ابناءه وروحيه بعدهم ...
ابراهيم لنفسه بنت الفرطوس دي فاكره نفسها مين عاد .. ھموت واتجوزها يعني لاااه البلد فيها كتيييرجووي يتمنوا اشاره مني انا لسه شباب وزين ، اني هتجوز ست ستها و هندمك ياروحيه ، وانتي كومان يابت توحيده استني عليا دورك جااااي ...
تذكر تحذيرات روحيه له دائما بان البنات يريدون الهرب من طوعه بسبب قساوته وعنفه معهم....
استمر وهو ينهر نفسه علي تذكر حديثها والله عال جوي انا ميهمنيش مخلوج ، هما الحريم ليهم رأي وبيتسمع كومان ولا إييه!!
...............................
في دوار علي وليلي....
ليلي بتوبيخ بس يا ولد انت ماتضربشي اختك لهاجوم اجصجص صوابعك...
علي بذهول الله براحه عليه لسه صغير مالك وماله من الصبح وانتي عتمرمتي فيه ؟؟
ليلي بعناد ولدي واني حره فيه .. ولا عشان ولد تنظلم البنيه عشانه !! ...
علي بتخرفي تجولي ايه !! انتي وعيه للحديث اللي بتجولي ديه !! ده عيل اصغير مابيعرفش يتحدث لسه !!!
نظرت له و كأنها ټطعنه بعيناها فنظر لها بنفس الاصرار فلم تهزه اپشع نظرات الرجال ولن تهزه امراه الان....
دق الباب فاتجهت لتفتح ..
علي پحده انتي اتخبلتي يا وليه ادخلي غطي راسك اللاول !!!
سمعت صوت والدته علي الباب فلم تستمع له وفتحت الباب ...ڠضب علي عليها كثيرا واتجه نحوها... سحبها بقوة وكاأنها اشعلت بركان بداخله بفعلتها.
يمين بالله يا ليلي ما هعدهالك المرة دي ..
سماح والده علي جبر يلمك يا واد انت ... مالك ومالها سيب البنيه من يدك هي دي مجبلتك لامك عاد !!
علي ولم ينظر لها العيال جوا خديهم يا ام علي وهملينا دلوك ...
لاااااه ليلي هتيجي امعايا..
الله يرضي عليكي يا امي انا العفاريت ابتتنطط افوشي متجننيش انتي وياها ...خدي العيال دلوك وهجيلك الصبح اخدهم ....
استسلمت له والدته واخذت الاولاد ولكنها نادت علي ليلي تحدثها في اذنها ...
إعملتي اييه الله يهدك !! هتفضلي تعاندي إكده
و هيبعتك طوالي علي بيت ابوكي فالاخر انا حذرتك اهوه ، لمي الدور يا بت الناس وراضي زوجك !!
تركتهم وانصرفت الي دوارها .... اقترب علي من ليلي بسرعه ما ان اغلق الباب فاتسعت عيناها ورفعت ردائها لتركض سريعا نحو غرفتهم ..
علي لنفسه وهو يلحق بها اجتلها ولا اتصرف كيف معاها دي ؟!!!
علي استني مكانك بجولك ....
دخلت الحمام بغرفتهم واغلقت الباب...استمر علي بالدق علي الباب بشده تكاد تخلع الباب من مفاصله....
علي افتحي بالتي هي احسن ياما هكسر الباب و دماغك إمعاه ...
ليلي بعناد لااااه انت عاوز تضروبني ...
علي پحده اضروبك !! طيب افتحي الباب يا بت الحلال ...
ليلي طيب احلف ما هتضربنيش ...
علي پغضب لاااه مش هحلف لأني هكسر ضلوعك لو مافتحتي في الثانيه دي...
فتحت ليلي الباب فدفعه علي پعنف وامسك بيدها يجرها للخارج ...
وضعت يدها علي وجهها وكأنها تحتمي منه مما زاد من غضبه ...
انتي بتعصي كلمتي و تفتحي وانتي بالحال ديه ..
دي امي الحاجه هي حد غريب...
غريب ولا جريب .. اني رجاله بشنبات بتنحني ولا تعصاش كلمه ليا...لكن انتي يا حرمه بتجفي جصاد كلامي عيني عينك اكده ...شوري عليا جولي اعمل فيكي إيه تعبتيني وياكي جوي جوي ...
ليلي پخوف الله يرضي عليك يا علي أنت اللي مش طايجني ولا طايجلي كلمه ...
يتبع
