رواية نور الصعيد الفصل من ٢٩ الي ٣٠ للكاتبة رقية طارق

كده حاولتي تحرجيهم في الحفله بس وقتها للاسف اللي حصل انك اكتشفتي مين هي نور محمد الشافعي وانها مش هي البنت اللي من الصعيد الفلاحه اللي بتصحي الساعه ٤ الفجر علشان تحلب الجموسه وتروح الغيط زي ما كنا عرفيين دي متعلمه تعليم جامعي وجميله وكمان صاحبه اكبر شركتين في مصر وخارج مصر كمان بالاضافه الي انها بنت عمه عارفه دا معناه ايه يعني مهما حصل بينهم هيرجعوا لبعض تعرفي يا ميرا انتي لازم تشكري ربنا ان كل دا حصل لان لما دا حصل انتي تعبتي ولما تعبتي وجابك الشخص دا هنا واتعملت اشاعه وتحاليل اكتشفوا ان عندك کانسر وكمان في امل كبير انك تخفي منه وانتي بالفعل اهو بتتعالجي وباذن الله هتخفي قريب جدا وهتلاقي شخص يحبك وتحبيه بس انتي لو كنتي هتكملي في الموضوع دا صدقيني مكنتيش هتدمري غير نفسك
ميرا بحزن انا وحشه اوي يا ريما علشان كده ربنا ابتلاني بالمړض دا
ريما بثقه وهي تمسك يدها اولا انتي مش وحشه ابدا انتي طيبه اوي يا ميرا انتي بس اتلميتي علي شله مش كويسه خلوا افكارك ومعتقداتك تتغير سلمتيلهم دماغك كنتي بتقدميلهم كل حاجه وبتسانديهم في كل وقت واول ما انتي وقعتي محدش سأل فيكي لانهم مزيفين كانوا طول عمرهم مزيفين تعرفي يا ميرا اول واحده اتصل بيها الشخص اللي جابك هنا قالها صحبتك تعبانه في المستشفي الحقيها واتصلي بحد من اهلها قالتله ببرود سلامتها انا مش هقدر اجي دلوقتي علشان مع صحابي في الساحل وقفلت السكه انا بقولك كده علشان حاجه واحده بس علشان تعرفي تختاري بعد كده الناس اللي يدخلوا حياتك
لټحتضنها ميرا بحب اخوي صادق وتقول ربنا يخليكي ليا وميحرمنيش منك ابدا
ريما بابتسامه جميله وهي تبادلها الحضن ويخليكي ليا يارب انا هروح اشوف الدكتور واطلب من الممرضه تجيبلك اكل وراجعه بسرعه
ميرا بابتسامه اوك
لتذهب ريما للطبيب
وتظل ميرا في الغرفه تفكر فيما حدث منذ ثلاث ايام
Flash back
ذهبت ميرا الي قصر منصور الشافعي
لتطلب منها الخادمه الانتظار لحين قدوم كل من السيده نور والسيد فهد كما طلبت
لم تمضي سوا دقائق وجاء الاثنان
فهد پحده انتي ايه اللي جابك هنا ايه البجاحه دي
نور بضيق ايه يا فهد مش كده دي ضيفه عندنا
ميرا بابتسامه حزينه قائله سيبيه يا نور انا عارفه فهد قال كده ليه وانتي لو مكانه هترميني برا الفيلا بس انا عيزاكم تسمعوني الاول وتوعدوني انكم متقاطعينيش وبعد ما تسمعوني لو مش عايزين تشوفوني تاني انا معنديش مانع
نور بهدوء اتفضلي اقعدي يا ميرا الاول واوعدك ان محدش فينا هيقاطعك
ليجلس كل منهم يستمع الي ما ستقوله تلك الميرا
ميرا بعدما اخدت شهيق وزفير يحمل في جوفه الكثير قالت بهدوء بصي يا نور انا اشتغلت مع فهد من ٥ سنين تقريبا كنت بشوفه كتير اوي في الشركه بحكم الصفقات اللي كنا مشتركين مع بعض فيها وفي المده دي انا اعجبت ب فهد وافتكرت ان انا بحبه كنت بحاول الفت نظره ب اي طريقه بس هو مكنش واخد باله مني اساسا لحد ما عدت فتره كبيره وشوفت خبر زواج رجل الاعمال الشاب فهد منصور الشافعي علي ابنه عمه انا اټصدمت وحسيت كبريائي اتجرح ازاي انا يفضلني علي واحده جايه من الصعيد جاهله زي ما كنت فاكره وقتها بس بعدين اټصدمت اكتر لما حاولت احرجك في الحفله يومها واوري للناس مين هي نور البنت اللي اتجوزها فهد بس