رواية نور الصعيد الفصل من ٢٩ الي ٣٠ للكاتبة رقية طارق
وقتها انقلب السحر علي الساحر زي ما بيقولوا وعرفت انا والناس كلها انتي مين ومعاكي شهاده ايه وصاحبه شركه ايه ومكانتك في المجتمع دا زادت الغيره عندي اكتر حاولت كتير اتقرب من فهد بس هو مكنش مديلي فرصه لحد اخر مره قابلته فيها كان من كام يوم اتصلت بيه وقولتله اني عايزه اقابله ضروري في حاجه متستحملش تاخير وهو كتر خيره وافق وجا يشوف في ايه بس انا وقتها قولتله اني بحبه بكل بجاحه هو رفض وزعق فيا وقالي انه مش عايز يشوفني تاني لما مشي انا زعلت وانا ماشيه تعبت اوي واغمي عليا وواحد ابن حلال انقذني وجابني المستشفي بسرعه جدا لما كشفوا عليا وعملوا تحاليل وفحوصات اكتشفوا ان عندي کانسر في المخ وفي مرحله متقدمه بس الحاجه الكويسه ان الکانسر حميد وممكن اخف وارجع كويس حسيت ان دي اشاره من ربنا علشان ابدأ من جديد واعرف اني مكنتش بحب فهد وان دا كان غرور مش اكتر غرور مانعني اني اعترف انه مش ليا ومش من نصيبي بس انا جايه النهاردة علشان اعتذر اعتذرلكم عن اي حاجه وحشه عملتها معاكم انا داخله عمليه بعد فتره صغيره مش عارفه لما ادخلها هخرج منها تاني ولا لا عيزاكم تسامحوني وتدعولي مش اكتر
كانت نور تبكي لاجلها بدون شعور منها حتي فهد شعر بالحزن والضيق الشديد عليها حتي ادمعت عينه فمسح دموعه بسرعه
نور وهي تحتضن ميرا قائله بحب وحزن متقوليش كده تاني يا ميرا باذن الله هتقومي وهتبقي زي الفل وانا مسمحاكي ومش زعلانه منك ابدا
لتبتسم لها فيروز بشكر وامتنان وتنظر الي فهد برجاء
فهد بابتسامه مماثله وانا كمان مسامحك يا ميرا وزي ما قالت نور هنستناكي تقومي بالسلامه علشان ترجعيلنا تاني واحنا من النهارده اخوات ومينفعش اختنا تستسلم علشان ميرا اللي اعرفها قويه وعمرها ما استسلمت ابدا
لتنظر لهم ميرا بسعاده غامره وامتنان ثم تقول
ميرا انا بشكركم جدا انكم عطتوني فرصه تانيه وعلي حبكم دا بجد انتوا اطيب ناس في الدنيا وباذن الله لو ربنا اداني عمر هشوفكم مره تانيه
ومن ثم تستاذن منهم ميرا وتذهب الي سيارتها
لتجد ريما تنتظرها بالخارج
ريما بهدوء عملتي ايه يا ميرا
ميرا بابتسامه الحمدلله خلصت اول خطوه
لتبتسم لها ريما وتاخذها الي القصر الخاص بهم
لتوصلها الي الداخل ثم ترحل الي منزلها هي الاخره
ميرا للخادمه هو بابا فين
الخادمه بطاعه في اوضه المكتب يا ميرا هانم
ميرا بابتسامه طيب اتفضلي انتي
لتذهب ميرا الي غرفه والدها وتطرق الباب طرقات خفيفه حتي ياذن لها والدها بالدخول
تدخل ميرا حجره المكتب الخاص بوالدها لتجده يجلس وفي يده بعض الاوراق
ميرا بهدوء بابا كنت عايزه اتكلم معاك في موضوع لو سمحت
حسن الدمرداش والد ميرا شخصيه طيبه القلب رغم الصرامه التي يعامل الجميع بها حتي ابنته الوحيده ميرا يهتم بالعمل كثيرا
حسن والد ميرا ببرود مش دلوقتي يا ميرا انتي مش شيفاني مشغول ازاي في الصفقه الجديده
ميرا بابتسامه وصوت منكسر بابا انا عندي کانسر
يتبع
