رواية كياني الفصل الاول بقلم ابتسام نصيرات حصريه وجديده
رواية كياني الفصل الاول بقلم ابتسام نصيرات حصريه وجديده
مقدمة القصه في كندا
سمير...الحمدلله على سلامتك يا حلو
انور .. الله يسلمك وبعدين معك ما بكفي غربه مش ناوي ترجع للبلد
انور... لا ابدا انا ما صدقت تركت البلد والي فيها والعادات والتقاليد الي بتخزي بدك ارجع هو انا مچنون هون مكيف وعايش زي ما بدي اما هناك بعيش زي ما بدهم همه الواحد مش ناقصه كمان انا هون الي شغلي الخاص وبكبر كل يوم عن يوم
انور .. يا اخي الله يرزقك بس انت غير عن الكل عند اهلك الي محلل الك محرم لغيرك وكلمتك مسموعه عند الكل حتى عند امي وابوي
سمير.... حتى ولو هون اهدالي راس
انور.... طيب شو اخبار البنت تبعتك
سمير .. عادي بس هي فريه كثير وشغلها بجبرها تلتزم بشغلات انا ضدها
انور ... شو بتشتغل حضرتها
سمير ... صاحبة محل
انور بشك .... وضح اكثر محل شو!!!!
سمير.... تصميم ازياء وبتعرض تصاميمها بنفسها
انور... شو هي الشغلات الي انت ضدها
سمير.... يعني اذا نويت الارتباط فيها حضرتها ما بدها تخلف لتحافظ على جسمها ورشاقتها
انور.... يا سلام وكيف اهلك بدهم يتقبلوها هاي فريه والله اعلم شو لبسها فوق هيك خلفه فيش
سمير... بتقبلوها
انور.... بدك تتجوزها رسمي !
سمير ...مش رسمي يعني لانه هذا الشغل ممنوع تكون متجوزه
انور.... يا صلاة النبي عليك الغربه ببلاد الكفر كفر
انور .. لا احنا تجوزنا بالسر ما في حدا بيعرف
انور ... شو!!!! وانت شو مجبرك على هيك اشي من متى في عنا زواج بالسر! لتكون بتحبها!
سمير... لا شو حب ما حب بس بتقدر تحكي تعودت عليها وهي كمان أتعودت عليه وكل واحد حر بيعمل الي بدو اياه
انور.... شو هالعيشه هاي لو ابوك او امك عرفوا بهيك اشي بتقرأ على حالك الفاتحه
سمير... انت ثمك لا تفتحوا بس وانا بس انوي ارجع بعرف اتصرف معهم واتركني من هالقصه خلينا فيك ليش اتصلت فيه وطلبت تيجي لعندي ضروري
انور اخذ نفس عميق ... اسمع يا سمير انت اخوي واقرب شخص الي بالدنيا كلها ما لقيت طبعا الا انت الموضوع كثير محرج وبدي دكتور
سمير ... محرج كثير! بعتقد اني افهمتك
انور.... اها بلاش نحكي اكثر
سمير...خليتني اقلق فعلا رح اخذك على افضل استشاري متخصص بهالموضوع
في المستشفى
الدكتور.... حالتك مستغربها ليش من لما لاحظت على حالك هالشي ما شفت دكتور الوضع اتفاقم كثير وصعب علاجه الحاله غريبه وصارت معقده ومستحيله والنتيجه عجز كامل
سمير.... شو يعني!
الدكتور... يعني الزواج والخلفه مستحيله
نزلت الكلمات صاعقة على راس انور وسمير
أنور...طيب يا دكتور يعني عمليه او اي ادويه
الدكتور ....للاسف مستحيل ما في امل والحاله ميؤوس منها تماما
طلعوا من المستشفى بحالة حزن تام
سمير ... رح نشوف كمان دكتور
انور... لا تغلب حالك الدكتور حكى مثل ما حكى الدكاترة ببلدنا ما تغير اشي
سمير ... حتى ولو لازم نشوف بدل الواحد الف
آصر سمير يشوف اكثر من دكتور ولكن النتيجه وحده لا اختلاف بآراء الدكاتره.
لجزء الاول
كيان پغضب ... مستحيل مستحيل
نهال... عمك قرر وانتهى
كيان... شو قرر ما قرر! هي لعبه! هاي حياتي مستقبلي
نهال بقلة حيله ... حكالي اخبرك وبس
كيان... وانا مش موافقه نهائي
دخل عمها پغضب ومن وراء الڠضب ضعف
العم...مش ضروري موافقتك انا وافقت وخلصت
قربت من عمها ومسكت ايده
كيان
