رواية كياني الفصل الاول بقلم ابتسام نصيرات حصريه وجديده

متت 
نهال.. ليش بتحكي هيك انتي قلبي وروحي حرام عليكي انتي مش عارفه انا كمان بټعذب مشانك
كيان... شو هالعذاب هذا الي بتحكي عنه عڈاب يخليكم ترموني وانتي ما دافعي عني وتلاقي مبررات لعمي ترميني لواحد لابعرف شكله ولا حتى اسمه 
نهال... مشان الله لا تزوديها عليه 
كيان .. لااا ليكون ضميرك وجعك عليه لا سمح الله !! الله لا يريح ضميرك من ناحيتي 
نهال... شو يا كيان انتي نسيتي اني مثل امك
كيان...اكيد ما نسيتش بس انتو الي نسيتو انه مثل بنتكم الي ضحتوا فيها مشان وعود قديمه وديون عفا عليها الزمن.
دق الباب
العم بصوت عالي ... بعدين معك الوقت بمر يلا البسي فستان عرسك الجماعه على وصول وام العريس اول ما بتوصل طلبت تشوفك
وطلع العم
اخذت نفس والدموع بعيونها وبلشت بلبس الفستان وكأنه كفن بلف حولين جسدها مش فستان العرس الي كل بنت بتحلم تلبسه 
نهال بدموع ...سامحيني يا كيان ڠصب عني ما بقدر اعترض على قرار عمك 
كيان بدموع مريره .... اليوم يوم وفاتي يا مرت عمي انا مش مسامحكم كلكم مش مسامحه اي حدا غلط او رح يغلط بحقي
بعد فتره وجيزة فتح الباب ودخلت سيده كبيره بالعمر ام العريس وبكل هيبه وباين عليها القوة والتسلط 
ام انور بأبتسامه ... ما شاء الله عليك زي ما توقعت انك حلوة مثل امك 
نهال.... اهلا وسهلا تفضلي نورتينا
ام انور ... منور بصحابه ممكن تتركيني مع العروس شوي 
نهال... طبعا طبعا تفضلي صارت بنتكم 
تركت نهال الغرفه وفجاءة انقلب وجه ام انور لوجه كل ڠضب وجبروت 
ام انور...اسمعيني منيح وكل كلمه بحكيها حطيها حلقه بأذنك 
مشان ما يجي يوم تحكي ما حدا خبرني اول اشي البيت الي بدك تدخليه ست البيت هي وحده بتمون وبتشور وهي انا وبس اي شي بصير بالبيت بآمري الي بفوت والي بطلع فاهمه 
كيان...ليش يعني هو انا مش مجوزه زلمه قد حاله
قربت منها ومسكت ايدها پغضب واضح
ام انور...بدنا نبلش من اولها! الي بحكيه بينسمع وبتنفذ واذا بعلم انك زعلتي ابني او ضايقتيه ما رح تشوفي اشي برضيك 
انتي اتجوزتي اطيب رجل بعيلتنا والي تعلمتيه بره هالبلده بتتركيه عنا عاداتنا ولازم تلتزمي فيها وحسك عينك بره غرفتك يبين منك شعره وتنسي انك كنتي مش محجبه 
كيان... خلصتي ولا ضل اشي تحكيه 
ام انور... احكي زي العالم احنا قبلنا فيك زوجه لابنا تخليص حق يعني بتسكري ثمك وصوتك ممنوع نسمعه يلا جهزي حالك الرجال تحت مشان الزفه ومن بيتنا يزفوكي النسوان وبعدها على غرفتك 
كيان.... شو الي بتحكيه انتي لازم العريس يجي يوخذني بنفسه من هون ولا مش طالعه من هالغرفه لو تنطبق السما عن الارض 
انور... الو يا سمير الحقني
سمير... شو في اشي ثاني مش اخلصنا وتزوجت 
انور .. المصېبه العروس يا سمير طلعت مش عايشه بالبلده عايشه بالعاصمه ومتعلمه تعليم عالي كمان
سمير ... حظك زفت واضح كيف بدك تتعامل معها هاي! وكيف رضيت تتجوز هيك بهالطريقه 
انور.... زي ما وافقت انا رجل وقد حالي ورضخت
سمير... طيب شو الحل ! 
انور ... عملت شغله صغيره اذا قبلتها نص همي بنزاح وبقدر ادبر حالي معها 
سمير.... ايوا شو هالشغله 
انور ..بعثت امي هي تجيبها مع الرجال اذا اجت ممتاز الامر سهل وبقدر اكسر راسها اما اذا ما قبلت يبقى الله يستر
بهالحظه دخل شب من قرايبه عليه
.... انور امك بدها اياك ببيت