رواية بداية_النهاية الفصل الاول والثاني بقلم_bayan_kli بقلم_bayan_sh قصة_مشتركة حصريه وجديده

رواية بداية_النهاية الفصل الاول والثاني 
بقلم_bayan_kli
بقلم_bayan_sh
قصة_مشتركة حصريه وجديده 
المقدمة
كنت اتسائل عن السبب...
كيف جعلتني انصهر گ الشمعة واذوب في بحر عينيك واتوه في الأخرى التي تحمل لون الاشجار
هل هي كانت السبب أم عطرك الفواه برائحة الحب الذي لم اطرق بابه بعد 
يآ لك من ساحرا مخادع ترمقني بنظراتك الحادة گ السيف ل تجعلني افتن بهن اكثر ! 
في الحقيقة النهاية ليست كما نعتقد.. النهاية هي البداية.. هي الحياة الجديدة التي سنرسمها كما نريد ان نعيشها.. ونتفنن في التخطيط لها... ربما النهاية ستأتي عكس ما نريد لكن بداية النهاية ستأتي كما نحن نريد.!!
عشت عمري وانا دووم احلم بالنهاية السعيدة.. باليوم اللي رح كون فيه بالمكان اللي بحلم فيه وعم حارب كرمالو.. بس للأسف...
يوم من الايام كنت ناطرتوا وعم عد الايام والليالي عشانوا.. ب ليلة هذا اليوم نمت بكير عشان اصحى بنشاط استقبل يومي الجديد...
اشرقت شمس هذا اليوم.. بس مو لتعلن الي عن يوم سعيد ويوم مليان حماس.. بالعكس اشرقت الشمس لتغرب معها سعادتي.. حلمي ومستقبلي...
ع الساعة 6 رن المنبه.. صحيت بكل نشاط غسلت وجهي.. ألقيت نظرة ع المراية..
وجهي مأشرق عيوني كل وحدة منهن عم تلمع بشكل ولون مختلف عن الثانية..
بس مجرد انو نكون مبسوطين نحس انو جمالنا فائق... السعادة هي الجمال
ابتسمت ورحت لجهز قهوتي الصباحية.. 
بيان صباح الخير ماما
فاطمة صباح النور شو هالنشاط
بيان لكن اليوم اول يوم دوام الي بالشركة اكيد لازم كون نشيطة.. بتعرفي قديش كنت استنى هذا اليوم .. اووووف واخيرا خلصت دراسة وتدريب رح ابلش شغل مع اخي وان شاءالله شوي شوي تزيد خبرتي وبوصل ل اماكن اعلى
فاطمة الله يوفقك يارب..
بيان ماما وين القهوة ماعم لاقيها..
فاطمة من مبارح خالصة اليوم بمرق ع السوبر ماركت بجيب..
بيان يلا مو مشكلة هلا بشرب بالشركة رايحة حضر حالي..
المخطاطات اللي كنت عم احبكها براسي هي انو بقدرتي وذكائي اكبر الشركة تبعنا شركة الرواي ... 
جهزت حالي لبست بدلة سودة رسمية بس ب مديل سبور.. وتحتها قميص ابيض وكعب اسود.. ورفعت شعري الطويل ذيل حصان بشكل مرتب ورتبت غرتي اللي نازلة ع جبيني.. جهزت شنتي الخاصة مع الابتوب.. حملت تلفوني واخذت صورة لحالي ع المراية... 
طلعت من غرفتي وطلع بوجهي اخي عاصم...
عاصم صباح الخير
بيان لهلئ مو جاهز..
اتطلع عاصم ع الساعة ياعفو الله لسع الساعة 7 لسع في وقت 
قلبت عيوني هاي اكتر حركة بكرها عاصم فيي وبعملها لحتى غيظو ..
عاصم بيان بلا هالنظرات رايح جهز حالي.. اذا انت متحمسة وصاحية بكير انا شو ذنبي..
بيان عاصم روح من وجهي... انا طالعة اشرب فنجان قهوة وبطريقي ع الشركة.. اسمع مثل مااتفقنا ماتفوت بدوني..
عاصم اوكيه...
انا وعاصم كل واحد منا عندو شخصية بتختلف عن التاني .. بس قريبين من بعض كتير مع انه عاصم كان احيانا يفرض قراراتو عليي بس بمۏت فيه لك هدا اخي الوحيد وشو ما عمل بيضل اخي .. وما رح خببي عليكون انا عندي تصرفات مستفزة ودايما بعرف اقهرو .. بس بحس مرات انه عنا انفصام بالشخصية يعني. بالبيت بنكون آخر رواق وبنمزح پنتخانق سوا يعني اخوات بأمتياز بس بالشغل او برا البيت.. جديين كتيير
بداية_ النهاية
بقلم Bayan klib Bayan sh
الجزء_الاول
طلعت بيان من البيت ركبت بسيارتها ال BMW شغلت اغاني وتوجهت للمقهى القريب من الشركة... وقفت سيارتها ونزلت .. دخلت من باب المقهى بس اصطدمت بحدا.. رفعت نظرها لتلتقي العيون المختلفة او المتكاملة مع بعض ... بقيو وقت وعيونهن بتعطي نظرات حادة... يمكن سبب هي النظرات هو لون عيونهن المميز او شخصيتهن الخاصة 
بعد عنها واعتذر...
بعدت بيان نظرها عنو وقلبت عيونها .. هه تاني مرة اتطلع قدامك..
كز ع اسنانو.. وانت ثاني مرة اتطلعي قدامك... 
بيان انت مين لتحكي معي هيك.. 
ابتسم بخبث ... بلا ما تعرفي احسن الك..
بيان انت بتعرف حالك مع مين عم تحكي..
قال مو مهم المهم انت تعرفي مع مين عم تحكي... حتى اعتذار معتذرتي...
ضحكت بيان بسخرية .. هههههه انا اعتذر .. شوف لو مين ماكنت تكون ماتحلم بيان الراوي تعتذر منك... وقلبت عيونها باستفزاز ودخلت لجوا بكل ثقة...
بقي واقف ب مكانو يتطلع ع الفراغ اللي تركتو ومشيت... حاول يهدي حالوا وقال... بيان الراوي ..
النادلاهلا وسهلا.. شو بتحبي تطلبي 
بيان اسبريسو لو سمحت
النادل اي تكرمي بدك شي ثاني
بيان لا 
ماسكة تلفونها.. وعم تتصفح بالفيس.. نزلت صورتها وكتبت اول يوم عمل بعد التخرج شوي وبلشت تجيها اشعارات اعجابات وتعليقات القت نظرة ع بعض التعليقات وابتسمت 
قدملها النادل القهوة... اخذت رشفة منو ومسكت تلفونها لترد ع الاتصال.. ايوة عاصم 
عاصم انا طلعت من البيت..
بيان اوكي بنلتقي..
عاصم بشوفك استاذة بيان..
سكرت التلفون وكملت شرب قهوتها..
وصل عاصم ع الشركة وبقي بالسيارة ينتظر بيان.. مضي 10 دقائق ع انتظارو.. 
اتصل فيها بس ماردت.. شاف من بعيد سيارتها جاية بأتجاهو نزل من سيارتو وانتظرها ل تصف سيارتها
مشي بأتجاها.. صحيتي قبلي وتأخرتي خليتيني انطرك..
بيان كنت عم اشرب قهوتي.. 
عاصم صحة وهنا.. ع كل حال لاتنسي هذا اليوم مهم كتير..
غمزتو بيان ولايهمك 
دخل عاصم بكل هيبتو و وراه بيان عم تمشي بكل ثقة وكأنو مو شايفة حدا قدامها.. 
كل اللي كان يصادفهم يسلم عليهن ويرحب ب بيان.. 
دخلو ع المكتب وبلشو يحكوا عن الشغل..
بوحدة من اكبر شركات البناء والعقارات كان قاعد عمر المصري ورا مكتبه براجع شوية اوراق قبل الاجتماع ..
عمر المصري رجل باواخر الثلاثين .. اكبر رجل اعمال وصاحب شركات المصري للعقارات
رفع راسه بكل وقار بعد ما سمع طرقات على الباب .. فوتي اميرة 
دخلت اميرة المساعدة الشخصية .. عمر بيك ..رؤوف المحامي وصل 
عمر خليه يدخل 
توجهت اميرة لمكتبها .. استاذ رؤوف عمر بيك ناطرك بمكتبه 
دخل رؤوف للمكتب ..يسعد صباحك عمر بيك 
فتح عمر الملف الموجود قدامو .. هاي اكبر مناقصة بتاريخ الشركة ولازم ترسى علينا بأي ثمن 
رؤرف وصلتني معلومات انه شركة الراوي داخلة بالمناقصة 
عمر پغضب مكبوت .. لهيك لازم نكسبها .. بيكفي المناقصة الاخيرة اخدها منا على اخر لحظة 
رؤوف لا تقلق عمر بيك .. انا متأكد رح نكسبها بكل سهولة
عمر يلا خلينا نمشي 
_________ 
بمبنى الحكومة كان مجتمع كل رجال الاعمال وكل واحد موجود بالقاعة حاط هدف كسب المناقصة .. المناقصة كانت تعتبر حلم لكل رجل اعمال بالبلد .. كانت عبارة عن ارض على الساحل لبناء اكبر قرية سياحية
دخل عمر المصري مع المحامي عالقاعة وتوجه للمكان المخصص لالو 
قعد عالكرسي واخد نظرة سريعة على كل الموجودين .. ضغط على إيده بعد ما اجت عينه بعين عاصم الراوي 
عاصم الراوي رجل اعمال وصاحب شركة الراوي للعقارات .. يعتبر اكبر منافس لعمر المصري والعدو الاكبر بالسوق 
قرب عمر على رؤوف وهمس .. مين هاي اللي جنب عاصم  
رؤوف الانسة بيان الراوي .. اخت عاصم والمحامية الخاصة بالشركة
عمر وين كانت مختفية اول مرة بشوفها 
رؤوف على ما أعتقد هدا اول يوم الها بالشغل مع اخوها..
ابتسم عمر ابتسامة جانبية .. انسة .. حلو 
رؤوف خير استاذ .. بشو بتفكر  
عمر اسمعني منيح .. لا تعلي السعر كتير 
رؤوف