رواية بداية_النهاية الفصل الاول والثاني بقلم_bayan_kli بقلم_bayan_sh قصة_مشتركة حصريه وجديده

ادب ووقار .. ابدا بالعكس الحفلة كتير حلوة وكلاس 
عمر حضورك ياللي حلا الحفلة 
بيان شكرا استاذ عمر هدا من زوق حضرتك 
بيان بتحبي تشربي شي 
بيان ما رح قول لا .. 
راحو للبار وطلبلها عصير 
عمر شو رأيك بالقرية عجبتك 
بيان القرية كتير حلوة شفت الربورتاج .. كتير فخمة 
عمر رأيك هدا كتير بهمني ورح تعرفي بعدين لي بهمني 
سكتت بيان وما ردت 
عمر شو صار بموعدنا
بيان اي موعد 
عمر وعدتيني تقبلي دعوتي عالعشا 
توتر بيان .. ايه ان شاء الله .. عن قريب .. عن اذنك 
انسحبت بيان ورجعت لعند عاصم وهي تحكي مع حالها هدا صدق حالو واخد وجه وكتر  
عاصم مالك قالبة خلقتك 
بيان رحنا نصلح الموقف اخد وجه صاحبك 
عاصم دايقك شي 
بيان بدو يطلع معي عالعشا 
سكت عاصم وما رد 
بيان شايفة انك سكتت .. يلا قلي بزنس 
صفن عاصم وقال بقلبو .. هدا شكلو راسم عالتقيل ... والله اذا هالحكي صحيح معناه نقشت معك يا عاصم  
عصبت بيان من عاصم .. عاصم هيييي وين شردت 
عاصم معك معك 
بيان شو رأيك انت 
عاصم بشو 
بيان شو بشو !! لااا انت مو معي ابدا .. انا مليت وبدي ارجع عالبيت 
عصم اي بيت هدا .. ما بترجعي بدوني وخليكي هون رح شوف عمر شو بدو وارجعلك .. لا تتحركي من هون
توجه عاصم لمكتب عمر 
دخل وحكوا بشوية شغلات عن القرية والمشاريع القريبة 
قام عمر من مكانو وراح قفل الباب بالمفتاح ورجع قعد مقابل عاصم 
عمر بهمس .. الشرطة وراك !
عاصم نعم !! 
عمر انا مو جديد بهالمصلحة وبعرف انك بتفوت بضاعة عالبلد 
عاصم شو بتخبص انت !
عمر عم قلك اني ماني جديد بهالمصلحة .. والمخازن ياللي عندك تحت البناية الجديدة ياللي باسم بيان مليانة بضاعة 
عاصم وانت من وين جبت هالمعلومات 
عمر عيب هدا لعب الاولاد بعرفو .. بس نصيحة مني قيم البضاعة من المخازن حالا .. الشرطة بتفشت وراك وفي محقق ۏسخ بشتغل على القضية 
عاصم من وين عرفت 
عمر حبايبي بكل مكان .. لازم تغير محل البضاعة ولا بتورط بيان بقصص ما الها فيها 
عاصم انا رح حلها بمعرفتي .. شكرا الك 
عمر هدا واجبي .. بس اذا بدك اي مساعدة انا جاهز .. واذا بدك مخازن كله جاهز .. بس اهم شي تطلع اسم بيان من شغلك 
عاصم اكيد اكيد .. انا صار لازم روح .. مبروك الافتتاح 
عمر شكرا الك 
قام عاصم ووجهه ما بيتفسر نزل عند بيان 
عاصم يلا بيان خلينا نمشي 
بيان شبك في شي
عاصم لا ما في شي ..
طلعوا من الفندق وتوجهو لموقف السيارات
قرب عاصم من سيارة بيان 
بيان عاصم ما بدك تروح بسيارتك
عاصم لا
ركب السيارة تحت تساؤلات بيان 
بيان عاصم ليه قلبت خلقتك قلي شو صار فوق
عاصمقلت لك ما في شي
سكتت بيان وشغلت السيارة وانطلقت
كل الطريق عاصم يفكر بكلام عمر ويحاكي حاله أنا صرت كتاب مفتوح قدام عمر وكل تفاصيل شغلي بعرفها .. لا أكيد في شيء غلط والشرطة والمحقق ..والبضاعة وين بدي أحطها كيف عرف معقول فيه خاېن عندي لازم اخذ كل احتياطاتي
قطع تفكيرو صوت بيان .. شبك أخي قلي في شي ..مالك شايف وجهك كيف 
عاصم بهدوء عكس الاعصار اللي داخله .. لا حبيبتي ما في شي بس حكينا بالشغل .. هدا عمر مانو بسيط ابدا 
بيان قلتلك ما صدقت .. وبدك مني اجاملو 
عاصم ما قصدي هيك .. بس هدا غول بالسوق عم فكر اعرض عليه يشاركني بمشروعي الجديد 
شحطت بيان فرامل فجأة جابت عاصم بالقزاز 
عاصم ېخرب بيتك شو هدا !! 
بيان ما سمعت شو قلت .. بدك تشاركو بشو .. ايييه لا ما تحلم 
عاصم انت شو بفهمك بهيك شغل .. تركيني تكتك لهشغلة 
بيان بس لا ترجع تقلي ڼصب عليي 
دعست بيان بنزين وكملت للبيت 
بعد ساعة ونص وصلو .. نزل عاصم واخد وحدة من السيارات وطلع 
توجه عاصم للمخازن .. كان الشباب مشغلين ڼار وبتسامرو 
دخل عاصم عليهن والڠضب بطاير من عيونه.. لازم ننقل البضاعة من هون بسرعة 
الحارس لي يا باشا .. ما في لبش هون والمنطقة هادية 
عاصم بسرعة ما بدي نقاش .. وين مؤيد  
الحارس راح يرتاح ببيته .. يا باشا وين ننقل البضاعة 
عاصم انقلهن عالمستودعات القديمة وخلي بس تنين من رجالك هناك .. دق لرجالك بسرعة 
الحارس يلا كنت رح دق لمؤيد 
عاصم لا خلي مرتاح 
خلال عشر دقايق كانو كل الشباب متجمعين وبنقلوا بالبضاعة وعاصم قاعد على ڼار
بعد ساعة كانو مخلصين وكل واحد راح على بيتو 
مسك عاصم تلفونو ودق لمؤيد وقلو يلاقي بالشركة بسرعة 
________ 
قعد عاصم بمكتبه ناطر وصول مؤيد 
دخل مؤيد لعنده.. خير يا باشا 
عاصم البضاعة نقلتها للمستودعات القديمة 
مؤيد لي يا باشا في شي صار  
عاصم لا ابدا بس خليها بعيدة عن البنايات الجديدة
مؤيد وانا بقول هيك
___________ 
بمكان ثاني عم تشتغل فيه ناس بكل دقة وصدق... ليقدروا يحموا البلد ويحاولوا يقدموا اللي بيقدروا عليه كرمال ماحدا ينضر بالوقت اللي فيه ناس مو هامها إلا حالها ومصالحها ومابتفكر انو هالدنيا فانية ومصيرك بالمرحلة الاخيرة فيها معروف.. كل من عليها فان ويبقى وجه ربك ذو الجلال والإكرام 
اندق باب مكتب جاد ..
جاد تفضل
دخل لؤي حامل بأيدوا اوراق.. تفضل شوف
اخد جاد نظرة على الاوراق وعاين المخططات...
جاد ولشو توصلت
لؤي اكبر شحنات تهريب موجودة بهي المخازن وهي المخازن بإسم بيان الرواي
جاد الرواي شو بقرب عاصم الرواي...
لؤي عاصم الراوي بيكون اخوها..
جاد غريب بتوقع في غلط
لؤي ليش
جاد هالعائلة معروفة منيح وما سبق قبل هيك كانوا تحت الشكوك..
لؤي جاد حبيبي.. يا صاحبي لاتغرك المظاهر اوك .. ووصلتي معلومات انو في حركة غريبة عند المخازن 
جاد ههههه اوك خلينا اليوم نروح نتأكد 
لؤي تمام رح خبر الشباب.. ونلتقي المساء 
جاد اوكيه بالتوفيق شريك
___________ 
بعد ماخلصت بيان شغل ضبت اغراضها وطلعت من مكتبها وراحت بأتجاه مكتب عاصم
دقت الباب ودخلت...
بيان عاصم انا خلصت ورايحة ع النادي بدك مني شي
عاصم لا سلامتك إذا لزمني شي بحاكيكي
بيان اوكيه باي
عاصم الله معك
ركبت بسيارتها وطارت بأتجاه النادي..
وصلت النادي .. اخذت شنتتها اللي فيه تياب الرياضة ودخلت ع غرفة التبديل بدلت تيابها الرسمية ل تياب رياضية اللي برزت معالم جسمها الانثوي ورفعت شعرها.. حطت السماعات بأذنها وراحت تبدأ بالمشي...
كان قاعد بمكتبو بس عقلو مو معو ولا بالشغل.. عقلو عند البنت اللي سلبتو بجمالها وانوثتها
عم يتذكرها ويبتسم مع حالو وصحي من شرودو ع رنة التلفون... اتطلع ع المتصل كان... حبيبتي
نفخ بأنزعاح ورد بكلمات بتعكس اللي جواتو ..
عمر لك يقبرني هالصوت انا
لمى مرتو ل عمر ههههه بعيد الشړ حياتي كيفك
عمر بسماع صوتك صرت عال العال
لمى اممم لك يخليلي حياتك... اي ايمت جاي لانو اليوم انا طابختلك بأيدي. 
عمر ييي يخيلي ايديك فورا مابتأخر عليك
لمى ماشي نلطرتك...
سكر عمر الخطړ وتنهد وقال
عمر افففف الله يعيني كيف عم اتحملك..
نده ع مساعدتو وخبرها انو طالع..
أميرة مع السلامة عمر بيك
عمر إلى اللقاء
نبذة عن عمر... متزوج من لمى بس ما تجوزها عن حب ابدا اتزوجها عن طمع لانها كانت الوريث الوحيد ل اهلها وورثت عنهن مصاري كتيير.. عمر ممثل بارع ومثل عليها دور العاشق وهيك تجوزها واخذ