رواية بداية_النهاية الفصل الاول والثاني بقلم_bayan_kli بقلم_bayan_sh قصة_مشتركة حصريه وجديده

مسخرة ع موقفها ونظرتها.. ومسك تلفونو ليرد ع صديقو..
طلعت بيان بسيارتها وراحت ع مكان هادي تشرب فيه قهوتها... اهدى مكان كان بالنسبة الها المكتبة بين كتبها ورواياتها المفضلة 
وصلت المكتبة وراحت لطاولتها جنب الشباك .. حطت القهوة وراحت لعند امين المكتبة 
ببان كيفك عمو ابو رضا
ابو رضا حمدلله .. كيفك يا بنتي !! وصلتني رواية من يومين وقلت هاي اللي بحبها قلبك 
طلع رواية من وراه .. تفضلي 
بيان بفرح.. يسلملي اللي بفهمني .. الله يخليلي ياك عمو 
رجعت للطاولة وبلشت قراءة 
رن تلفونها بإسم ياسمين رفيقتها .. اهلا حب .. وين بدي كون بالمكتب .. لا اليوم ما بقدر عندي حفلة .. طبعا المكتبة اهم من النادي .. خلص الاسبوع الجاي ان شاء الله.. سلام حبي 
مرق ثلاث ساعات وهي على نفس القعدة ..
اطلعت بساعتها وشهقت .. اففف ما رح غير هالعادة .. هلئ بتأخر 
سكرت الرواية وسلمتها لابو رضا .. عمو هاي الرواية محدا بدقرها .. ما بدي وصيك.. يلا سلام 
رجعت عالبيت اخدت دوش سريع .. راحت لخزانتها تختار لبس للحفلة 
بعد تفكير ومعاينة لبست فستان اسود ماټ طويل و ضب ع الجسم.. ظهرو مفتوح وكتافو نازلين.. عملت تسريحة بسيطة بشعرها وضبتو كلو ع شكل كعكة.. حطيت مكياج سموكي.. ايشادوو اسود عكس لون عيونها وحمرة خمري اللي زادت من جمالها واعطت ملامحها حدة.. لبست الكعب الاسود وگ العادة اخذت صورة الها ونزلتها ع الفيس ابتسمت ع المراية برضى عن نفسها وحملت جزدانها ومشت بكل ثقة لتطلع من البيت.. 
بيان مامي انا طالعة.. بس يجهز عاصم خبريه انو انا طلعت
فاطمة ماشي موفقة حبيبتي
طلعت بيان وبعتت ل عاصم انو بس يجهز يخبرها عشان يروحوا..
صحي من نومو على صوت الرسالة .. جهز حالوا وبعت رسالة ل بيان وبينما هو عم يشرب قهوتو اجتوا رسالة محتواها كان..
_ اشتقتلك حبيبي..
ابتسم ورد 
عاصم وانا كمان اشتقتلك بنلتقي بكرا المساء
_يعني رايح عالحفلة بدوني ... 
سكر التلفون بعد ما قرأ الرسالة .. نق نسوان 
اجتوا رسالة من بيان بالعنوان اللي هي موجودة فيه.. حمل غراضوا وطلع من البيت لعندها..
وصل وصف سيارتو قريب من سيارتها.. نزل وراح لعندها..
عاصم صباحو
بيان اي صباح هدا الساعة ٤ ... شربت قهوة ولا نروح نجبلك
عاصم لا شربت... اي شو هالحلو بيون
بيان هه حلا عيونك تعا معي شوف التلعليقات ع صورتي..
عاصم اممم وليش ماتردي عليهن
بيان هههههه مابحب
عاصم بس حاب اعرف لما طالع مغرورة كل هالقد..
بيان اكيد لحدا من العيلة مو شي ثاني
عاصم والله بشك لانو مافي بعيلتنا حدا مغرور
بيان اي انا بكون الاولى ليش لا..
عاصم بيان رفعتيلي ضغطي يلا لحقيني لا نتأخر..
بيان امم اوك يلا نمشي..ولا لحظة .. لي نطلع هلئ .. خلينا تأخر شوي ونوصل ضيوف شرف 
ضحك عاصم على اقتراحها.. والله انك خطېرة .. يلا تعالي نقعد بشي محل ساعة وبعدها بنروح 
توجهو لكافيه .. قعدو ودردشو شوي ليضيعوا الوقت .. وبعدها طلع عاصم بسيارتو وبيان وراه بسيارتها بطريقهن ع المكان اللي مدعوين عليه من قبل عمر المصري .. 
________ 
عند لؤي.. 
نزل من السيارة ودخل ع مكتب جاد..
لؤي مراحب 
جاد ....
لؤي شبك بشو صافن
جاد عم دور ع كلمة تلبق ع كلمة مراحب.. يعني اهالن اهلولن.. ماعم لاقي
لؤي بربك يازلمة ما اتفهك
جاد ليك مين عم يحكي ع كل حال اهلا شو الاخبار
لؤي تمام وانت
جاد تمام بس والله مشغول بالي بالقضية اللي استلمناها..
لؤي وانا مثلك يازلمة ليل ونهار عم فكر فيها.. 
جاد اللي توصلنا اله حاليا انو هنن اكثر من واحد وباين انهن حابكين القصص منيح وبدقة..
لؤي مزبوط وطرق الاستلام والتسليم عم تم بدقة كمان.. حاليا عم اشتغل ع المواقع اللي شاكك فيها.. اتواصلت مع اشخاص ل نحط كاميرات..
جاد حلو بلكي نلاقي شي...
لؤي ان شاءالله يلا انا رايح ع مكتبي كمل شغل
جاد تمام موفق..
________ 
بعد ساعتين وصلوا بيان وعاصم ع المكان المحدد.. بعد ما بلشت الشمس تغيب ويهل الليل والقمر يتوج على عرش السماء 
نزل عاصم من السيارة ونزلت وراه بيان ومشت حدو بكل ثقة وغرور.. وقدرت انها تجذب الكل بطلتها.. وجبرت بجمالها تخلي عيون الكل عليها.. 
اتقدم عمر لعندهن ورحب فيهن.. 
اخذ نظرة ع بيان من فوق لتحت وابتسم الها.. ردتلو بيان الابتسامة... ومشيت لتاخذ نظرة ع المكان 
توجهت بيان للبار وطلبت عصير 
قرب منها عاصم وهمس .. على علمي ما كان بدك تيجي عالافتتاح بس انا شايف اخدتي بسرعة عالجو 
رفعت بيان مناخيرها بالسما .. وحياتك مو هيك حفلة بدها بيان الراوي تكون موجودة لحتى يكمل 
عاصم بيان خففي شوي تكبر مو منيح على صحتك 
اخدت بيان كاسة العصير ومشت .. خليك بحالك 
وقفت بعيد عن الحضور وعيونها تتلفت يمين وشمال وبراسها فكرة وحدة وهي دخول هدا العالم متل ما طلب منها عاصم 
حكت بقلبها عاصم عندو حق انا بنت الراوي صاحبة اكبر شركة عقارات فيكي يا بلد ولازم اسمي يبلش يطلع بالمجلات والجرايد واكون جنب عاصم بكل خطوة 
اخدت نفس وراحت لعند عاصم
بلشت الاضواء تلمع وصوت الاغاني يوطى والتصفيق يعلى بعد ما طلع عمر المصري على الستيج وبإيده المايك 
عمر مساء الخير .. فرحني كتير وجودكن معي بهاي اللحظة .. انا اليوم بحتفل معكن بافتتاح اكبر قرية سياحية بالساحل الشمالي .. قرية لوكيندا السياحية .. وبحب ارحب بكل ضيوفي واصدقائي الموجدين هون اليوم ليكونو جنبي .. بس بحب أخص الترحيب بمنافسي الاول عاصم الراوي والانسة بيان .. وجودهن معي اليوم اكبر دليل على المحبة اهلا وسهلا فيكو 
قربت بيان على عاصم .. مالو هدا  
ابتسم عاصم ابتسامة صفرا .. بعرف يلعبها صح 
رفع عاصم ايده يحيي عمر بلباقة 
بيان وانت شو عم تعمل  
عاصم خليكي جنبي ونشوف لوين بدو يوصل 
بيان بحب اللعب انا
قرب واحد من عمر وسلمو المقص لحتى يقص الشريط الاحمر 
قص الشريط وصفقلوا الجميع وبلشت الحفلة
قعد عاصم عالطاولة الي كانت محجوزة بإسمه.. طاولة VIP 
قرب عمر وقعد عالكرسي جنب بيان .. بتمنى الحفلة تكون عجبتك 
بيان مابها شي منيحة 
الټفت عمر لعاصم .. عاصم بعد الحفلة يا ريت نشرب فنجان قهوة بمكتبي فوق 
عاصم اكيد 
تركهن عمر وراح لعند ضيوفه
قربت بيان من عاصم.. انا بلشت اختنق من هدا الزلمة 
عاصم انت التانية افرديها شوي لي هيك ناشفة معو .. كل كلامك معو ناشف 
بيان شو بدك مني ارقصلو مثلا
عاصم پغضب .. ما قلت هيك .. بس بالبزنس بدك تقدمي شوية مجاملات .. حتى لو الحفلة مو عاجبتك 
بيان بتعرفني ما بعرف اجامل حدا 
عاصم لازم تتعلمي تجاملي لحتى تمشي مصالحك يا هبلة 
بيان خلص خلص فهمت.. انا رح اعتذر منو وصلح الموقف 
عاصم روحي وافردي وجهك شوي
بيان فهمنا
بداية_ النهاية
بقلم Bayan klib Bayan sh
الجزء_الثاني
قامت بيان وصارت تفتش على عمر بطريقة غير مباشرة .. كانت حاسة باهتمامو المبالغ فيه 
وقفت بمكان لحالها وعملت حالها بتقلب بالتلفون .. اخدت سيلفي سريع مع كم صورة للحفل 
كانت عارفة بس يشوفها عمر واقفة لحالها رح يستغل الفرصة ويجي لعندها 
ما خابت توقعاتها وقرب منها عمر 
عمر خير انسة بيان لي واقفة لحالك .. بس ما تكوني مليتي من الحفلة 
بيان بكل