رواية بداية_النهاية الفصل الاول والثاني بقلم_bayan_kli بقلم_bayan_sh قصة_مشتركة حصريه وجديده

ما عم افهم عليك استاذ 
عمر اعمل متل ما عم قلك 
رؤوف حاضر استاذ 
بلش المزاد وبلشت الارقام تعلى .. 
واخيرا رست المناقصة على عاصم الراوي .. بس بنفس الوقت ما كان حاسس بلذة الانتصار .. وحس انه عمر تنازل عنها بقصد 
قام عمر من مكانه وتوجه لعند عاصم 
مد عمر ايده لحتى يصافحه .. مبروك عليك المناقصة 
عاصم شكرا الك 
اطلع عمر على بيان نظرة تفحصية 
عاصم بيان الراوي .. اختي ومحامية الشركة
عمر تشرفنا .. انسة بيان 
وجه عاصم كلامه لبيان.. الاستاذ عمر المصري اقوى منافس الي بسوق العقارات 
بيان طبعا غني عن التعريف .. تشرفت بمعرفتك استاذ
ابتسم عمر وقال عن اذنكن...
طلع عمر ورؤوف... وبعدها طلع عاصم وبيان... 
بالشركة....
بيان مبروك علينا... وهي اخذنا المناقصة.. بس ليش حاسة انك مو مبسوط..
عاصم ماشفتي كيف عمر المصري تصرف... اكيد في ببالو شي..
بيان مثل شو.. انسى المهم حصلنا عليها وخلينا هلا نبلش بالتخطيطات
اطلع عليها ... اوكي 
بمكان ثاني....
بغرفة بالطابق الارضي من فرع الامن المركزي مجتمعين كل الضباط لحل اصعب قضية بعد دخول شحنة ممنوعات على البلد 
جاد شو صار معك
نفخ لؤي بعصبية بتعرف هي اكثر قضية غامضة حققت فيها... 
جاد بس ما النا زمان مستلمينها. انت بصلتك محروقة الشغلة بتاخذ وقت شوي.
لؤي اممم معك حق وهن حابكينها منيح
جاد صح وبالنهاية إلا ما نوصل لشي.
لؤي طبعا لؤي وجاد وراهن وما رح نوصل
جاد اكثر شي بيعجبني فيك ثقتك.. بتحسسنني انو خلص وصلنا
ضحك لؤي .. اكثر شي بيعجبني فيك انك معجب فيني
ضحك جاد لؤي روح من وجهي..
لؤي ماشي بنلتقي بعدين ياقطة
جاد هههههه لك ټضرب...
لؤي رح تجي المساء مو
جاد اي ليش لا..
جاد ولؤي اصدقاء مقربين كتيير... جاد ضابط و لؤي محقق وشاطرين كتيير بشغلهن... كل واحد منهن عندو شخصية مختلفة... بس بين بعض كتيير مرحين 
لؤي عمرو 35 طويل وجسم عريض اسمر وعيونه مميزين كتير كل وحدة لون اليمين لونها اخضر واليسار لونها ازرق وعندو غمازة ع خدو اليسار..
جاد طويل تقريبا جسمو نفس جسم لؤي.. بشرتو حنطية وشعرو بني ولون عيونوا عسلي...
_________ 
رجع عمر لمكتبه .. 
دخل المكتب والابتسامة على وجهه ما فارقتو ابدا .. فك الكرافة وقعد عالكرسي 
دخلت اميرة للمكتب .. خير استاذ .. شكلك مبسوط 
عمر تعالي يا اميرة 
قعدت اميرة عالمقعد جنب المكتب .. خير استاذ قلقتني 
عمر بدي تجمعيلي معلومات عن بيان الراوي 
اميرة اخت عاصم الراوي 
عمر شو الكل بعرفها إلا انا !! 
اميرة خير أستاذ في شي  
عمر نفذي بدون مناقشة 
وقفت اميرة .. حاضر حاضر 
توجهت اميرة لمكتبها وعلامات الاستغراب على وجهها 
صحيت من شرودها بعد ما سمعت طرق عالطاولة 
اميرة استاذ رؤوف .. خير في شي
رؤوف وين شاردة 
اميرة شو صار بالمناقصة 
رؤوف استاذ عمر سلمها لعاصم الراوي على طبق من فضة 
سرحت اميرة وهمست .. معناه فهمت لي طلب اجمعلو معلومات 
رؤوف معلومات عن مين 
اميرة اقعد احيكيلك .. 
_________ 
بعد يومين دخلت اميرة لعند عمر عالمكتب وبإيدها ملف 
حطت الملف قدام عمر عالطاولة .. استاذ هدا الملف يلي طلبتو مني 
فتح الملف وقلب فيه .. شو ست اميرة بدك اقرأ كل هذا  
سحبت اميرة الملف.. بعتذر استاذ .. بيان الراوي ٢٥ سنة .. تخرجت من جامعة الحقوق من سنتين بإمتياز .. بعد التخرج اتدربت عند المحامي ناجي الصايغ وكانت إيده اليمين وكانت معو بكل خطوة .. بعد التدريب اشتغلت مباشرة بشركة الراوي للعقارات .. مديرة الشؤون القانونية بالشركة .. 
عمر حلو .. وبالوقت الحالي .. كيف بتقضي وقتها 
اميرة عادي ما عندها لا فوتات ولا طلعلت .. غير يوم الجمعة بتطلع من ال ٨ الصبح وبتروح تقعد ساعتين لحالها بكافي الصداقة .. وبعدها بتروح عالمكتبة بتقرأ كتب تاريخية .. وبعدها بتتوجه للنادي .. روتينية بشكل عام 
عمر حلو .. 
اميرة وبالنسبة لشخصيتها ماقدرت اجمع كتيير معلومات عنها... بس الواضح انها مغرورة وهيگ
ابتسم عمر ابتسامة جانبية وحكى بقلبوايه بيطلعلها
انيرة بتأمرني بشي تاني استاذ 
عمر شكرا الك فيكي تروحي..
أميرة العفو استاذ..
_________ 
بمكتب بيان
سكرت اخر ملف واخدت نظرة سريعة عالساعة 
رجعت راسها لورا واخدت نفس .. العمر بيخلص والشغل ما بيخلص 
رفعت سماعة التلفون .. ميادة خبرتي رؤساء الاقسام بالاجتماع .. ايه عالساعة وحدة .. بدي الكل يكون موجود .. سلام 
قامت عن الكرسي وحملت جزدانها والموبايل وتوجهت لمكتب عاصم 
بيان عاصم بمكتبه  
لانا ايه موجود تفضلي 
طرقت عالباب ودخلت .. انا راجعة عالبيت بدك مني شي  
عاصم لا فيكي تروحي 
بيان ايمتى بتخلص
عاصم عندي اجتماع رح اتأخر خبري امي 
بيان بدك كون معك  
عاصم لا مو بحاجة لانا معي رح خليها تسجل ملاحظات وتخبرك 
بيان يلا بخاطرك بشوفك بالبيت 
عاصم انتبهي ع حالك 
طلعت من الشركة وتوجهت لسيارتها .. ركبت وانطلقت .. وقفت عالاشارة وكانت زحمة اخر النهار 
نقزت فجأة بعد ما ضړب شي على قزاز السيارة الامامي 
حطتت ايدها على قلبها .. يا ربي دخيلك شو هذا 
حركت مساحات السيارة على امل يروح الۏسخ اللي نزل عالسيارة .. بس بالعكس بهاي الحركة زادت الطين بله وانعدمت الرؤية قدامها 
ضوت الاشارة وصار لازم تتحرك .. وبذات الوقت ما كانت شايفة شي قدامها 
عليت اصوات الزمامير من السيارات اللي وراها وهدا الشي خلاها تتحرك وتعرض حالها للخطړ 
مشت شوي وهي عم تحاول تشوف مكان جنب الطريق تقدر توقف فيه اعطت اشارة لليمين ووقفت السيارة عجنب الطريق ونزلت منها .. حاولت تمسح الۏسخ بس كان عم يزيد
جابت تلفونها من السيارة وحاوت ادق لعاصم او لانا بس ما كان في رد .. عصبت كتير وضړبت عجل السيارة برجلها 
وقفت وراها سيارة مرسيدس سودا .. 
نزل منها واحد وتوجه لبيان .. انسة بدك مساعدة 
التفتت بيان للصوت .. استاذ عمر 
الټفت عمر لقزاز السيارة .. شو هذا كيف كنتي ماشية وهي هيك 
حكتلو بيان شو صار 
عمر انسة اذا سمحتي تفضلي معي لحتى وصلك عالبيت ورح خلي الشوفير يحل الموضوع 
بيان لااا لا ما بقدر 
عمر لا ما بصير ما رح اتركك هون بالطريق لحالك.. بدك عاصم يزعل مني
حاولت بيان تبرر لعمر او حتى كانت عم تبرر لحالها وتقنع حالها انو ما فيها شي اذا طلعت معو .. انا حاولت احكي مع عاصم بس ما رد 
عمر لكن تفضلي معي 
اخدت نفس عميق .. ماشي .. تفضل
ركبت بالسيارة جنب عمر بالمقعد الامامي .. مسكت تلفونها وبعتت رسالة لعاصم عاصم صار معي حاډث بسيط ورجعت مع عمر بيك للبيت 
رن التلفون باسم عاصم 
اخدت نفس وردت ... ايه اخي .. لا لا تقلق كلو تمام .. بس اوصل البيت بنحكي .. لا بقلك ما في شي خطېر انا منيحة .. اخي خلص بس اوصل البيت بنحكي .. سلام 
اطلع عليها عمر بطرف عينه .. قلتيلو انك معي 
بيان طبعا 
عمر بما انه عاصم بعرف انك معي حابب اعزمك على فنجان قهوة 
بيان بحزم.. شكرا الك بس بفضل روح عالبيت .. متل ما سمعت اخي رح يجي ع البيت 
عمر على راحتك ..
كملوا طريقهن للبيت بدون ولا اي كلمة 
بعد ثلث ساعة وصلوا للبيت 
التفتت بيان على عمر .. شكرا كتير الك .. ما بعرف كيف ردلك جميلك 
عمر اذا بتقبلي