رواية بداية_ النهاية بقلم Bayan klib & Bayan sh الفصل السابع والثامن والتاسع والاخير حصريه وجديده

رواية بداية_ النهاية
بقلم Bayan klib Bayan sh
الفصل السابع والثامن والتاسع والاخير حصريه وجديده 
تاني يوم 
صحي لؤي بكير .. قعد بالتخت شوي ونظرو مسلط على السقف 
سمع صوت امو
ام لؤي انا جهزت الفطور يلا تعى نفطر سوا
لؤي يلا امي رح غسل واجي
وهو طالع رن عليه جاد
لؤي يالهذا الصباح
جاد بلشنا فزلكة
لؤي هههه لا اي قلي 
جاد جاهز انت ل مر لعندك ونطلع سوا 
لؤي لا لسع بدي افطر
جاد اممم معناتة استناني جاي افطر معك
لؤي ايوااا قول عشان هيگ متصل يلا تعا عم استناك بس ماتتأخر معدتي مافيها تنتظر
جاد يلا بشوفك
وبينما لؤي كان عم يغسل ويصحصح وأم لؤي وريم عم يحضروا السفرة رن الجرس
أم لؤي ريم حبيبتي افتحي الباب
راحت ريم تفتح ولما فتحت كاان جاد 
جاد اتلبك لما شاف ريم 
جاد بحروف متقطعة مرحبا
ريم بلبكة اهلين
جاد امم كيفك ريم
ريم وكأنو انعقد لسانها ماعد ردت وخدودها صاروا حمر
نط لؤي.. هلا تفضل ليش واقفين هون 
فاتت ريم تكمل مساعدة مع امها
لؤي يلا فوت 
لؤي لما شافهن بهالبكة حس في شي بس ماحب يظهر هالشي الهن
جاد السلام عليكم 
أبو لؤي وعليكم السلام هلا ابني تفضل
قعد جاد جنب أبو لؤي وعم يدردشوا
أم لؤي بفرحة يا اهلا وسهلا جاد كيفك
جاد اهلين فيكي خالتو الحمدلله كيفك انت كيف صحتك
أم لؤي الحمدلله نشكر الله.. يلا تفضلو السفرة جاهزة
لؤي يلا جاد يلا يابي 
ابو لؤي اي يلا 
اتجمعوا كلهن ع السفرة وبلشوا اكل
أم لؤي جاد ليش مابتجي كل يوم مع لؤي
لؤي دخيلك امي انا بالشغل مو خالص منو بدك يجي كمان معي
ام لؤي شو هالحكي هدا لم ابني .. 
أم لؤي بتزعل ع جاد لأنو عايش لحالو امو ماټت بمرض وبعدها ابوه رباه وخلاه يدرس وبعدين كمان ابوه ماټ
كان ع القعدة جاد عم يسرق نظرات ع ريم وريم عم تطلع عليه بخجل لؤي كان عم يراقب الوضع بصمت.
بعد ماخلصوا اكل 
جاد يسلم ايديكي خالتو ع هالسفرة 
أم لؤي الله يسلمك حبيبي 
لؤي انا رايح جهز حالي 
جاد ماشي بأنتظارك
__________
عند بيان 
صحيت متأخرة وبكسل قامت من التخت وراحت تاخذ دوش
بعد هيك راحت بأتجاه المطبخ كانت امها هنيك
بيان صباح الخير ماما
فاطمة صباح النور حبيبتي كيفك كيف صرتي
بيان الحمدلله انا منيحة
فاطمة تعي اقعدي هون عم اعملك فطور
باست بيان راسها 
بيان يسلم ايديكي يلا تعي نفطر سوا 
بعد ماطلع لؤي وجاد من البيت
لؤي لسع بكير مو
جاد اي مزبوط هلا لسع دوامنا مابلش
لؤي تمام تعا نروح ع الكافيه نشرب فنجان قهوة 
جاد اممم صح انت ماشربت قهوة ع الصبح
لؤي هههه لا بتعرف امي وعاداتها ممنوع القهوة قبل الفطور
جاد والله معها حق
عند بيان
بيان يسلم ايديكي ماما 
فاطمة الله يسلمك حبيبتي
بيان انا طالعة 
فاطمة رايحة ع الشركة
بيان لا طالعة ع الكافيه شوي حابة انسى شوي من اللي مريت فيه
فاطمة ماشي حبيبتي
راحت بيان ع غرفتها لبست ع السريع وبدون تخطيط انو شو بدها تلبس 
اخذت كتاب من كتبها وطلعت
حطت سماعات بأذنها وشغلت موسيقى وراحت ع الكافيه مشي..
___
دخلو جاد ولؤي عالكافيه طلبوا قهوة وقعدا يتحادثوا
لؤي اي جاد 
جاد اي شو
لؤي مو ناوي تتجوز يعني ماعم تفكر بهالشي
جاد اممممم وانت ليش عم تسأل 
لؤي ولاشي تعرف قديش نحن النا رفقة بس ولا مرة حكينا بقصص الحب والزواج ولا حتى البنات
جاد اي صح معك حق بس دخيلك ليش لنحكي بقصص معتة قصص الشغل احسن.
لؤي بحدة وبلشت علامات الڠضب تظهر عليه.. لكن شو هي النظرات اللي كنت تطلع فيها ع اختي
اتطلع عليه جاد پصدمة وسكت
لؤي پغضب ماترد
جاد شاف بعيون لؤي نظرة تجاهوا اول مرة يشوفوا .. لؤي دير بالك تفهمني غلط
لؤي لكن شو قصتك
جاد طيب اسمع 
لؤي هات لشوف احكي 
وقبل مايبلش جاد بالحكي دخلت بيان من الباب والټفت لؤي الها 
مشت لناحهن ل تقعد ع شي طاولة ف انتبهت الهن
بيان بصوت خاڤت مرحبا
جاد ولؤي اهلين
سكتوا شوي وجاد حس انو بتم بيان في حكي 
جاد استاذة بيان فيكي شي
بيان لا ابدا 
رن تلفون جاد 
جاد عن اذنكن طالع احكي
لؤي ماشي
كانت بيان بدها تمشي تقعد ع الكرسي
لؤي تعي بيان اقعدي هون
بيان بس بخاف ازعجكن
لؤي بحدة لا 
قعدت بيان وهي ملبكة
لؤي شو بتحبي تشربي
بيان مابعرف رح اخذ عصير
لؤي بأستغراب عصير
بيان اممم
لؤي طلبلها عصير وحط ايدو ع الطاولة وركا دقنو عليها واتطلع بعيونها وقال
لؤي احكي عم اسمعك
رجع جاد مستعجل .. لؤي انا لازم روح هلا ح تجي معي
لؤي لا روح انت وانا بلحقك
جاد ماشي
لؤي بنظرة حادة النا قعدة بعدين
رمقوا جاد بنفس النظرة .. اختار المكان والوقت اللي بدك اياه وانا جاهز
بعدين وجه نظره لبيان.. الى اللقاء استاذة بيان
بيان مع السلامة حضرة الضابط
راح جاد ورجع لؤي لوضعيتوا 
لؤي اي محاميتنا العظيمة عم اسمعك
مسكت بيان كاسة المي وشربتها 
بيان احم اي في براسي اسئلة بتمنى تعطيني اجوبتهن
لؤي تفضلي اسألي
بيان جد لمى هي اللي قټلت عمر
لؤي بتشكي بصدقنا 
بيان اكيد لا بس ماتوقعت انها تعمل هيك طيب ليش قتلتوا ممكن السبب يكون مقنع
لؤي معك حق يمكن صعب تصدقي لانو عاشوا سوا كتير بس بالنهاية الكذب والخېانة تخلي الواحد يعمل كتير شغلات بس اكيد هاالشي مابيغفر للقتل.
بيان عم تستمع لكلامو وتهز راسها بأيجاب
لؤي والسبب هو انو عمر كڈب عليها كل هالسنين كان معيشها بكذبة انو هي مابتجيب ولاد وفوق هدا كان محسسها انو مفضل عليها انو ماطلقها او تجوز عليها طبعا قبل ما يلتقي فيكي. 
هون بيان غمضت عيونها واخذت نفس اتذكرت اليوم اللي التقت فيه اللي صار بحياتها اسمو يوم الظلام
كمل لؤي كلامو.. لمى حامل 
هون اڼصدمت بيان 
كمل لؤي بس عمر عقيم
صدمة ثانية اكبر ل بيان
بيان لحظة لحظة شوي ماعد استوعبت انت شو عم تحكي 
كيف لمى حامل وعمر عقيم وانت كيف عرفت هالشي طيب بلكي هالشي كڈب
اتطلع لؤي عليها بنظرة غباء
لؤي اشربي مي واهدي ل فهمك القصة
بيان ام ماشي
حكا لؤي ل بيان كلشي اعترفت فيه لمى.
بهاليوم بيان تلقت ضربات كتير واكتشفت حالها قديش غبية...
لؤي لقيت اجوبة ع اسئلة ولا لسع في عندك اشارات استفهام ع شي
بيان بۏجع لااا لقيت اجوبة واكتر من الأجوبة بس سؤال واحد. انا اللي كنت غبية ولا اللي حولي اذكياء بطريقة حقېرة.
لؤي بأبتسامة الاثنين سوا
اتطلعت بيان عليه.. صح معك حق
لؤي تمام منيح هلا عرفتي قديشك غبية وكلمة محامية مابتليق فيكي
كلامو كان مثل السکين اللي عم يغرز بقلبها ۏجع داخلي استقر جواتهانزلت دمعة من عينها ومسكتها فورا
لؤي انا عندي شغل وماضل عندي وقت اكتر 
وقف وطالع محرمة من جيبتو
لؤي امسحي دموعك فيها احسن لأن بيان الرواي مابتمسح دموعها بأيدها المحارم احسن 
راح لؤي وترك وراه شمعة عم تذوب من نارها. 
الڼار اللي شعلتها مافي حدا عم يطفيها بالعكس كلوا عم يزيد عليها.
مسحت دموعها وطلبت قهوة وفتحت الكتاب ل تقرأ وتنسى..
عاصم بهالوقت ماكان مهتم لشي وكان بعيد كل البعد عن البيت وحتى الشغل بس عم يحاكي المدراء ع التلفون ل يمشوا الشغل
ولؤي وجاد عم يجمعوا كل المعلومات ويشتغلوا بدقة ع قضية تهريب ووتجارة الممنوعات.
بالليل .. شرطة محاوطة المكان .. سيارات من كل جهة .. بعد يومين مراقبة انعرف مكانو .. فيلا بإطلالة عالبحر 
الضابط جاد اشر بإيده لوحدة من المجموعات لحتى يتقدموا حسب الخطة 
واشر للمجموعة التانية لحتى يروحو لورا الفيلا 
واشر لمجموعتو للاقټحام 
خلال ثواني كانت قوات الشرطة داخل الفيلا .. قسم بقى بالطابق السفلي وقسم للطابق الارضي .. والباقي للطابق العلوي
اقتحم جاد واللي معو غرفة النوم .. كان عاصم بالغرفة ومعو وحدة 
جد عاصم الراوي انت رهن الاعتقال .. المكان كلو محاصر .. تفضل معنا بهدوء .. صړخ.. جيبوووووه 
مسكوه تنين وجروه لبرا
بعد اسبوع بالمحكمة 
عاصم خلف القبضان وراسوا نازل ع الارض 
وامو وبيان بين الحضور قلبهن رح يطلع من مكانوا.
محكمة 
القاضي بعد الاطلاع على الادلة والاثباتات بتورط المتهم عاصم رضوان الراوي بتجارة الممنوعات وإدخالها على البلاد بطرق غير قانونية والاشتراك مع عصابات خارج البلاد .. حكمت المحكمة على المتهم عاصم رضوان الراوي بخمسة وعشرين سنة مع الاشغال الشاقة .. رفعت الجلسة.
صړخت بيان لاااااا 
وامها اڼهارت وغابت عن الوعي 
وعاصم من جوا عم ېصرخ پجنون 
بس بعد شوو
طلعت بيان بسيارة الاسعاف مع امها وقت وصلت السيارة ع المشفى دخلوها فورا ع العناية المشددة...
بيان بقيت برا عم تبكي وترجف 
وامها جوا بين الحياة والمۏت.
________ 
واقفة قدام باب العناية المركزة والدموع على خدودها .. ضربتين على الراس بتوجع .. من جهة امها روح قلبها بين الحياة والمۏت .. وعاصم توأم روحها اخوها الوحيد راح للهلاك برجليه .. اڼهارت عالارض .. حطت ايديها على راسها وشدت بكل قوتها .. ما في غيرو الطمع اللي دمر العيلة .. حبهن للمصاري والمناصب دمر عيلة كاملة
بعد شوي طلع الدكتور من عند ام بيان 
ركضت بيان لعنده .. طمني دكتور .. 
الدكتور بروتينية .. جلطة حادة بالدماغ ادت لشلل نصفي بالمنطقة السفلية 
بيان پخوف .. يعني رح تفيق !! فينا نعالجها 
الدكتور حاليا ما رح نقدر نعمل شي .. بدنا ننطر ٢٤ ساعة وبعدها بنشوف 
بيان فيني شوفها 
الدكتور حاليا لا ..بالاذن 
توجهت بيان لعند الباب وعيونها مورمة .. امي لا تتركيني .. ما بقيلي حدا من بعدك .. بترجاكي امي كوني قوية .. 
_____________ 
بعد اسبوعين 
دخلت بيان لعند امها عالغرفة .. كيفها ست الحبايب 
فاطمة بتعب .. حمدلله .. نحمده ونشكره على كل شي 
بيان ماما بكفي حزن 
فاطمة واخوكي 
بيان پغضب مكبوت.. امي اسمحيلي .. عاصم جنى على حالو .. لا وبدل ما يتعظ كمل بشغلو الۏسخ مشان يكبر اكتر كان مفكر رح ينفذ بعملتو .. 
فاطمة لا تحكي عن اخوكي هيك انا متأكدة انو ما بعملها وكلو هدا تبلي 
بيان اي تبلي امي .. كل الادلة ضدو .. وبعدين لي عم ادافعي عنو .. عارفة ابنك قتل كم شب بعمر الوردة وكم ام ماټ ابنها من ورا الزفت اللي كان يدخلو عالبلد .. امي ادعيلو احسن شي 
فاطمة رح ادعيلو .. بس بدي انت كمان تدعيلو .. 
بيان الله يسامحو امي .. الله يسامحو .. لا تفكري اني زعلانة او حاقدة عليه .. لا ابدا .. انا بحبو ومن حبي اله هيك بحكي 
فاطمة الله يسامحك يا امي 
بيان يلا امي خلينا نروح 
ساعدت امها وقعدتها عالكرسي المتحرك وحملت الشنطة وجرتها لبرا الغرفة والمشفى كلو 
بعد شهرين 
دخلت بيان لمكتب ناجي الصايغ .. وقفت قدام السكرتيرة وطلبت تقابلو 
دخلت للمكتب واستقبلها ناجي بحرارة 
قعدت عالكرسي المقابل للمكتب .. كانت متوترة وخجلانة كتير 
ناجي خير بيان .. شبك متوترة 
بيان بخجل .. ما بعرف شو بدي قول .. جد خجلانة منك 
ناجي انت متل بنتي .. قولي بدون حواجز 
بيان حابة ارجع اشتغل عندك بالمكتب لفترة .. 
ناحي احلا خبر .. ما بدها كل هالخجل .. انا