رواية بداية_ النهاية بقلم Bayan klib & Bayan sh الفصل السابع والثامن والتاسع والاخير حصريه وجديده

نشرب القهوة سوا
لؤي يلا جاييك ل حط اغراضي بالمكتب
جاد اوكيه
شربوا القهوة سوا وحكوا شوي بالشغل..
جاد لاتنسى اليوم لازم نطلع بكير
لؤي تمام يلا بشوفك
_____
رجعوا ريم وامها من السوق وبلشوا بالتحضيرات 
بعتت ريم مسج ل جوري ل تأكد عليها انو تجي.. وبعدين راحت اخذت دوش وبلشت تحضر حالها
_____
على اخر النهار توجه جاد لمكتب لؤي
جاد يلا لؤي خلينا نمشي بلا مانتأخر
اخذ لؤي نظرة ع الساعة
لؤي ماشي يلا روح 
اخذ غراضوا وطلعوا سوا ع بيت جاد
_____
خلصت بيان شغلها وطلعت 
ركبت بالسيارة وهي عم تفكر بالموعد.
وصلت ع البيت نزلت من السيارة وقبل ماتدخل ع البيت في صوت وقفها
مرحبا
التفتت بيان اهلين يامن 
يامن كيفك
بيان بأبتسامة خفيفة الحمدلله كيفك انت
يامن الحمدلله امم ممكن نقعد بشي مكان
بيان بإستغراب ليش
يامن بس في شي حابب قلك اياه
اتطلعت ع الساعة .. ماشي تروح نحكي بالكافيه
يامن لا بفضل بمكان ثاني
بيان طيب مثل مابدك 
يامن تفضلي نطلع بالسيارة
كانت بيان مترددة لهيگ ماقبلت
بيان انا بفضل اطلع بسيارتي
يامن ماشي مو مشكلة رح امشي قبلك
بيان اي 
طلع بالسيارة ومشي قبلها وهي وراه ماشية دون ماتعرف وين رايحين
بعد وقت وقف سيارتو بمكان بيان تعرفو
نزلت بيان من السيارة
بيان ليش جينا لهون
يامن بأبتسامة أول مرة شفتك هون تعي نفوت ناخذ نظرة ع الكتب الجديدة
بيان برضى ماشي
دخلوا وبلشوا ينتاقشوا حول مواضيع الروايات والكتاب.
وهن ضمن النقاش نطق يامن..
يامن بيان انا معجب فيكي
_______
عودة لعند جاد ولؤي 
وصلوا ع البيت وراح جاد اخذ دوش وبلش يجهز حالوا
رن الجرس وكان عامر
لؤي اهلا تفضل شو وين يامن مو معك
عامر لا طلع حكا انو في عندو شغلة
لؤي ايوا
طل عليهن جاد بلباس انيق
عامر اي شو هاد ماتبلا
جاد حليوة مو
لؤي ههههه اي كتير يلا خلونا نطلع
جاد يلا نمر ع ابو احمد ناخذوا معنا جاروا ل جاد زلمة كبير بالعمر والو هيبتو وبعرف جاد من هو وصغير
طلعوا وراحوا ع بيتوا اخذوه وانطلقوا بالسيارة
___________
عودة لعند بيان ويامن
يامن بيان انا معجب فيكي
التفتت بيان عليه واتطلعت فيه .. للحظة حست حالها بطلة برواية بين عالمها الخاص مع الكتب ظهر البطل ل يعترف بحبو.
وكملت معها كمان لما قلها
يامن تقبلي تتجوزيني
هون غاصت بيان بخيالها اكتر
بس معقول يكون يامت هو بطلها
بشو رح ترد عليه الايجاب ولا الرفض
وبينما هي غايصة بالخيال وعايشة الدور بفرحة تظهر عيونها قدامها نفس العيون الجاحدة شافتو عم يتطلع فيها بنظرات ڠضب ويامن جنبها ماسك باقة الورد عم يبتسم بحب.
صحيت من خيالها ع صوت يامن
يامن بيان
بيان اه اي شو
يامن سمعتيني
بيان اي مبلا سمعت
يامن اذا بدك خذي وقت بالتفكير ماعندي مشكلة.
بيان يامن اسمعني منيح انا ما شفتك غير كم مرة وانت هلا عم تعرض عليي الزواج كيف هيك
يامن مابتأمني بالحب من أول نظرة
بيان مبلا بس ماتوقعت هيك بهالسرعة
يامن الحب ما الو لا مكان ولا زمان محدد
بيان صح كلامك 
ابتسمت لما اتذكرت ابتسامتو 
يامن واقف وناطر أي كلمة منها
بيان بحدة بس انا مابدي اتجوز وبتمنالك حياة سعيدة
ومشيت 
لحقها يامن.. طيب فكري بالموضوع شوي
بيان يامن لو سمحت.
راحت وتركت ورها قلب مكسور ذنبوا انو اعطى مشاعرو ل الشخص الغلط او بوقت غلط.
مابعرف ليش بيصير هيك أو ليش بنحب الشخص اللي مابيحبنا او بنحب الشخص اللي بيحب غيرنا وكل حدا واقع بغرام حدا
رجعت بيان ع البيت وزتت حالها ع التخت بتعب وهي عم تتذكر شو صار معها بعدين راحت تبدل تيابها ل تتغدا مع امها.
وصلوا الشباب ع بيت ابو لؤي استقبلهن ابو لؤي بحرارة ودخلوا قعدوا .. راح لؤي لعند ريم 
دق الباب 
ريم تفضل 
فات لؤي وشافها كانت لابسة فستان سكري ناعم عليه الماسات طويل بكمام شيفوت .. وفاردة شعرها الاشقر وحاطة مكياج خفيف.
قرب لؤي لعندها ومسك خدوها ياعمري طالعة كتير حلوة
ريم جد لؤي
لؤي لك انت ملكة جمال العالم الله يسعدلي اياكي
ريم ياعمري انت ويسعدك وافرح فيك.
جوري اييي خلص حاجتكن مشاعر ترى عيوني دمعوا
لؤي ليش غيرانة منا
جوي هيگ لأنو ماعندي اخ
ريم اخخخ نفسي مرة تلتقوا وما تتجاكروا
بحكم صداقة جوري وريم والاوقات اللي يقضوها سوا لؤي بيعتبر جوري متل اختو وفي مزح كتيير بينهم 
لؤي يلا انا طالع وعقبال عندك جوجو
جوري قاعدة ع قلبك 
لؤي ههههه هيگ شي
جوري الله وكيلك وحياة الخالقك ماني مفارقگ
لؤي الله يعيني
رجع لؤي لبرا وضيفهن قهوة
استلم ابو احمد الحديث وطلب ريم ل جاد
وطبعا ابو لؤي كان موافق واتفقوا سوا ع كلشي وانو العرس بعد فترة قصيرة لأنو جاد جاهز بس ضل انو ياخذ ريم ويروح
ابو احمد لكن خلينا نقرأ الفاتحة
ابو لؤي يلا بسم الله الرحمن الرحيم
ومن جوا ريم طايرة من الفرحة وجاد نفس الشي ومو مصدق ايمت يشوفها.
ضيف لؤي الحلو للموجودين وكانت قعدة حلوة كتير مليانة حب فرح وضحكات.
_______ 
عند بيان
بعد ماخلصت غداء شربت امها الدواء وقعدوا شربوا شاي سوا.
اخذت بيان نظرة ع الساعة وبلشت قلبها ينبض.. ماما انا عندي شغلة رايحة جهز حالي
فاطمة ماشي حبيبتي 
دخلت بيان ع غرفتها فتحت الخزانة ومحتارة شو تلبس
بعدين قررت تلبس بنطلون اسود بظي ابيض وفوقها جاكيت جلد. بوط ابيض وشنتة ايد بيضة ممزوحة بالأسود وفردت شعرها الاسود حطت كحلة سوداء اللي زادت من جمال عيونها الخضر والزرق
بخت عطر بكمية كبيرة .. واخيرا اخذت نظرة اخيرة ع حالها بالمرآية رمت بوسة لحالها بالهوا وطلعت.
ركبت بالسيارة وانطلقت بطريقها للكافيه .
________ 
بعد وقت راحو الضيوف وبقي جاد عند بيت ابو لؤي.
نده ابو لؤي ع ريم ل تجي
كانت ريم كتير خجلانة ف مسكتها امها من ايدها وطلعت معها.
أم لؤي السلام عليكم
ردوا الكل وعليكم السلام
ريم مرحبا
ردوا اهلين 
رفع جاد راسو ليشوفها كانت طالعة حلوة كتير وبعيونو شافها اجمل شي بالكون 
قرب ابو لؤي منها وحضنها وباركلها .. وبعدها قرب لؤي وارتمت بحضنو .. طبع بوسة على راسها وباركلها .
__________ 
وصلت بيان ع الكافيه نزلت وعم تمشي بخطوات ثقيلة خطرلها انو يكون جوا ع يستناها.
بس دخلت كان لسع مو واصل راحت واختارت مكان هادي.
تقدم لعندها النادل
النادل شو بتحبي تطلبي
بيان امم خليها شوي ثانية
النادل تمام 
_________
دخلت ريم وضيفت جاد قهوة
جاد شكرا
ريم بأبتسامة العفو
ام لؤي لؤي اجا دورك جهز حالك لنخطبلك 
لما امو حكت هيك اتذكر بيان وكمان اتذكر الموعد اللي بينهم اتطلع ع الساعة كان مارق شي نص ساعة
نط بسرعة وراح ع غرفتوا .. رتب حالوا اخذ غراضوا وطلع
لؤي انا طالع عندي شغلة ضرورية
جاد شو عندك
لؤي بعدين بنحكي سلام
أم لؤي الله معك ابني
ابو لؤي مع السلامة
ركب لؤي بسيارتوا وانطلق بسرعة
بيان قاعدة عم تستنى وكل شوي تطلع ع الساعة
_________ 
وصل لؤي نزل من السيارة واخذ نفس رتب شعروا ودخل ع الكافيه
وقف عم يدور عليها بعيونوا لما شافها قاعدة وضامة ايديها ع بعض مشي لناحها سحب الكرسي وقعد
لؤي مرحبا
بيان هلا
لؤي بعتذر ع التأخير بس كان في ظرف خاص
بيان امم مو مشكلة 
لؤي من زمان عم تستني
بيان لا ماالي ربع ساعة
لؤي امم منيح لكن ماخليتك تنتظري كتير لحالك
بيان بغيظ وابتسامة مصطنعة اي مو كتير
لؤي طيب خلينا نطلب شي شو تحبي تشربي
بيان عصير بارد 
لؤي عصير طيب تكرمي
لؤي لو سمحت واحد عصير و واحد قهوة باردة
الټفت لؤي عليها .. اي كيفك وكيف الوالدة
بيان الحمدلله كيفك انت والاهل
لؤي الحمدلله عاصم كيفو عم تزوروه 
بيان الحمدلله يعني مو كتير
لؤي ايوا تمام
بيان اي انت كيف شغلك
لؤي غير شكل
بيان امم حلو
لؤي وانت لساتك عم تشتغلي عند المحامي ناجي
بيان اي الحمدلله استعدت رخصتي وعن قريب رح افتح المكتب حاليا عم اشتغل عليه
لؤي حلو كتير بتمنى هالمرة ماتضيعي فرصتك وتعيشي بشكل صح يليق بالقانون اللي درستيه
حست بيان بأنزعاج.. اتطلعت بعيونو .. ليش مصر انك تهيني عفكرة نحن بشړ وبنغلط
اتطلع لؤي بعيونها نفس النظرة.. وانا بتمنى انك تتعملي من غلطتك
بقيو وقت يتطلعوا بعيون بعض
لؤي كنت تحبيه لعمر
رجعت بيان ظهرها وركزت قعدتها
بيان ليش عم تسأل
لؤي انو سؤال عادي
بيان لؤي اتطلع حواليك نحن بمكان عام يعني مو مكانك الخاص لتحقق معي
لؤي اممم حلو طيب بشو بدنا نحكي
بيان مابعرف ع كيفك مو انت اللي دعيتني لهون
سكت لؤي وهو عم يتطلع فيها
بيان شبك
لؤي شو رأيك نصير اصدقاء
ضحكت بيان.. طيب قبلت بس في شرط
لؤي شو هو
بيان انك ما تحاكيني بكلامك قاسې
لؤي ما انا عشان هيك بدي نصير اصدقاء 
بيان مين عينك رقيب علي
لؤي انا 
بيان لؤي بلا مسخرتك هلا
لؤي ماعم اتمسخر شي مرة حكيت معك غير الجد
بيان .. 
لؤي تذكري أول مرة التقينا
رجعت ظهرها لورا ورفعت راسها.. اي
لؤي ليش هيك نفختي ريشك.. المهم تذكري لما قلتلك بلا ماتعرفي مين انا 
بيان اممم بس لما عرفت ماتغير شي
لؤي اي بس من هلا ورايح رح يتغير
بيان كيف يعني
لؤي بدي منك تعتذري ع الموقف اللي صار
رفعت بيان حاجبها .. ايوا بفهم انو دعوتك اليوم الي عشان اعتذر
لؤي هز راسو وابتسم
بيان اتفرزت منو وقامت لتمشي
مسكها من ايدها.. اقعدي لسع عم نحكي يعني عيب تمشي هيك
بيان الحكي معك بيوجع الراس
ضحك لؤي وبيان عم تطلع فيه وصارت تضحك ع ضحكتوا
لؤي بفهم انو هالضحكة بداية الصداقة
بيان اوك خليها تكون هيك
لؤي تاكلي حلو
بيان بأستغراب حلو
لؤي اي اليوم كانت خطبة اختي ف خلينا نتحلى سوا وبدل المناسبة في تنتين .. الصداقة وخطبتها وعن قريب بعرفك عليها 
بيان اوگ 
بيان لسع مابتعرف انو ريم رفيقة ياسمين هي نفسها اختو ل لؤي
لؤي يلا نمشي
بيان يلا .. 
__________
بعد مرور شهر...
بيان ولؤي التقوا كتير سوا وكانت علاقتهن عم تتعمق كانوا يقضوا اوقات حلوة سوا مليانة بالضحكات والاحاديث اللي تعبر عن حياتهن.
بيان خلص تجهيز مكتبها وقررت انو تبلش شغلها فيه.
جاد وريم عم يحضروا لعرسهن القريب بعد ماعاشوا شهر حب مع بعض
طلعت بيان من مكتب ناجي وركبت السيارة ل تروح ع الموعد مع الصبايا
اجتمعوا الصبايا قدام محل فساتين زفاف
ياسمين جوري ريم وأم لؤي 
نزلت بيان من السيارة وسلمت عليهن واتعرفت ع أم لؤي
ودخلوا سوا لينقوا فستان مع ريم
بيان ريم تعي شوفي هالفستان شو حلو
ريم ايي هذا كتير حلو وهنيك كمان شفت واحد حلو اففف انا محتارة 
ياسمين روقي ماتحتاري فوتي وجربي الفساتين وشوفي انو واحد رح يعجبك اكتر
ريم اممم ماشي
دخلت ريم ل تجرب الفساتين 
وبيان لسع عم تاخذ نظرة 
بيان ياسمين تعي شوفي شو حلو
ياسمين ايي كتير عفكرة رح يلبقلك كتير
بيان هههههه اي ممكن 
جوري فوتي جربيه 
ياسمين اييي فوتي
بيان اممم اوك 
جوري وانا لكن رح ادور ع واحد وجربو
ياسمين ضل انا بس يلا راحت علي جربت وخلصت
طلت ريم بفستان 
ياسمين وجوري واوو كتير حلو 
ريم جد صبايا 
أم لؤي مشاء الله طالعة كتير حلوة
ريم عيونك الحلوين ماما وين بيان 
بيان ليكني
كانت بيان لابسة فستان ابيض طويل ع قد الجسم وعليه لؤلؤ وكمامو شفاف 
انبهروا كلهن بجمالها وجمال جسمها اللي حلاه اكتر للفستان 
بيان حلو
ريم كتير