رواية بداية_ النهاية بقلم Bayan klib & Bayan sh الفصل السابع والثامن والتاسع والاخير حصريه وجديده

معو لعند الباب 
لؤي بشوفك
صارت دقات قلبها الف مابتعرف ليش اول مرة يصير معها هيك كلشي.. في شي غريب عم يصير بس كان حلو بالنسبة الها
بيان ان شاءالله 
لؤي انتبهي ع حالك وع امك واذا بدك شي حاكيني
بيان اوكيه 
لؤي سلام
بيان مع السلامة
راح لؤي وسكرت بيان الباب وارتكت عليه وبلشت تهدأ دقات قلبها.
_______ 
بعد ما انتهى الدوام 
جاد لؤي طالع اليوم ع الكافي
لؤي لا حاسس حالي تعبان بدي روح ع البيت ارتاح
جاد تمام انتبه ع حالك
لؤي اوكي وانت كمان بشوفك بكرى
جاد مع السلامة
طلع لؤي بأتجاه البيت وجاد طلع بطريق المطعم ل ياخذ اكل.
وصل لؤي ونده ع ريم...
ريم اي اخي
لؤي تعي اقعدي بدي احكي معك بشي
ريم اوكي
لؤي انت حاليا خلصت امتحاناتك وضل النتائج يعني حاليا مافي شي يلهيكي
ريم بعدم فهم اي
لؤي امممم بدي رأيك بموضوع بيخصك 
ريم شو هو
لؤي جاد 
لما سمعت بأسمو خفق قلبها وارتفعت حرارتها
لؤي جاد بدو يتقدملك
ريم .....
لؤي لا تاخذي قرار سريع شو ماكان خذي وقتك وفكري منيح وقبل كلشي أنا رح قلك رأيي الصريح فيه ولو قرارك بأيدي كنت اكيد قلت اي
ريم بخجل .. طيب رح فكر بالموضوع
لؤي ماشي بس مو تأخذي وقت وتكتري الزلمة عم يستنى ع ڼار يعني يكفي انا طولت عليه
ابتسمت ريم وراحت وقلبها رح يطلع من مكانواا
لطالما كانت تحلم بعيونو وتتخيل حالها عم تطلع فيهن وتعترفلو بمشاعرها الدفينة
___________ 
بعد أسبوع 
كانت بيان عم تجهز حالها وتجهز امها عشان يطلعوا.
اخذت بيان مفاتيح سيارتها ومسكت امها بالكرسي ومشيت فيها ع السيارة حاولت تقعدها بالسيارة فجأة اجى شخص ووقف جنبها 
.. بدك مساعدة
التفتت بيان ع الصوت 
بيان اي لو سمحت
ساعدها وقعد امها بالسيارة
بيان شكرا الك سؤال نحن ملتقين شي قبل حاسة انو شايفتك
ابتسم اي من فترة التقينا بالكافي ودار بينا حديث عن الرواية اللي كنت تقرأيها
بيان اه اي اتذكرت بس لا تواخذني نسيت اسمك
يامن اسمي يامن
بيان اي شكرا كتير الك شفت سبحان الله رجعنا التقينا صدفة
يامن اي صح ومحلاها من صدفة
ابتسمت بيان يلا عن اذنك لازم روح
يامن اذنك معك بس سؤال بيتك هون
بيان ايه هون .. يلا بالاذن 
يامن مع السلامة
راحت بيان ركبت بالسيارة وانطلقت فيها ويامن بقي وقت يراقبها..
يامن اخخخ محلاكي ..عيونك صاروا غرامي
___________ 
بنفس الوقت دخل لؤي لبيتو .. المكان الوحيد اللي بشعر فيه بالدفى .. راجع من شغلو تعبان ومرهق لدرجة رهيبة .. بس كانت ابتسامة اهلو بتنسيه الدنيا وما فيها 
نده لريم بصوت عالي 
ريم اهلين لولو
لؤي وليه ريم كم مرة قلتلك ماتناديني لولو.. شوفي كنت جايبلك شوكلا بس هلا ماعد في
ريم بحزن لااا
كمل لؤي ع الغرفة ولحقتو ريم وعم تنادي عليه.. وامهن جوا عم تضحك عليهن
ريم لؤي بلا غلاظة عطيني شوكلا
لؤي خلص تعي خذيهن
ريم بفرحة اخذتهن وقعدت جنبو
ريم لؤي من فترة حكينا عن موضوع
لؤي موضوع جاد
ريم بخجل اي
زبط لؤي قعدتوا .. اي وشو قررتي
ريم طول هي الفترة كنت عم فكر وصليت استخارة وبالنهاية وصلت لقرار
لؤي بحماس اكتر ايييي
ريم اممم موافقة
لؤي ابتسم وضمھا مبروك ياعمري وصدقيني مارح ټندمي ع قرارك.
ريم ان شاءالله
لؤي يلا باي انا رايح خبر جاد وخليه يعزمني هلا ع شي مكان
ريم هههههه ماشي
حمل لؤي تلفونو ورن ع جاد
جاد اي حبيب
لؤي قوم البس جاي اخذك ونطلع ع الكافيه في شي بدي قلك اياه
جاد امم يلا
___________
وصلت بيان ع مركز السجون 
وكان ناجي برا عم ينتظرها.
طلعت من السيارة وقرب لعندها ليساعدها ينزلوا امها
ناجي مرحبا كيفك
بيان اهلين استاذ
ناجي كيفك خالتي
فاطمة الحمدلله كيفك انت
ناجي الحمدلله مشاءالله اليوم وجهك مأشرق بهالابتسامة الحلوة
بيان لكن بدها تبتسم جاية تشوف حبيب قلبها
ناجي هههه اي يلا فينا ندخل انا حكيت معهن
اخذت بيان نفس عميق واطلقت بعدو تنهيدة.. يلا 
دخلو ومشي معهن عنصر واخذهن لمكان الزيارة
قعدوا جوا ينتظروا عاصم
بعد وقت طل عليهن عاصم وجنبو شرطي ماسكو فكلو الكلبشة ودخلو
ركض عاصم ع امو وارتمى بحضنها وصار يبكي وامو تبكي معو 
وبيان دموعها تنزل عليه وع امها وع اللي صار فيهن
ناجي شد حيلك عاصم اهدى وانت بيان لازم تكوني قوية عشان امك
بعد وقت من البكي عاصم انتبه انو امو ع كرسي متحرك
عاصم امي شو صاير معك
بيان كانت بدها تحكي بس اخذت نفس وهدت حالها
فاطمة مافي شي ياعمري انت كيفك طمني عنك
_________ 
وصلوا جاد ولؤي ع الكافيه 
قعدوا وطلبوا قهوة
اخد جاد نظرة سريعة على ملامح لؤي واستشعر القلق .. اي قلي شو في
لؤي امممم شو بتعطيني ل قلك
جاد 
لؤي يلا شو الموضوع بيخصك ها
حس جاد انو بخصوص ريم.. لك لؤي احكي
حمل قنجان القهوة واخد رشفة بكل برادة .. نووو 
بلش جاد يفور ويغلى ودقات قلبو تعلى .. لك احكي بعزمك ع شاورما 
لؤي شاورما بتضحك علي
جاد ياخي اللي بدك اياه
لؤي ببرادة اكتر طيب 
جاد مع حالو عشان مايسمعوا ويغير رأيو ياخي شو مستفز
لؤي من فترة حكيت مع ريم بخصوص الموضوع اللي بينا
جاد بحماس اي
لؤي وخبرتها تفكر منيح قبل اي قرار تاخذه
جاد اي
لؤي واليوم خبرتني بقرارها النهائي
شرب جاد مي وتابع مع لؤي
لؤي للاسف مافي نصيب ريم ماوافقت
جاد جد بتحكي
لؤي بجدية اي
حس جاد پسكين انغرز بقلبو 
لؤي ېخرب بيتك شبك هيك نشف الډم من وجهك .. اشرب مي وبرد ع قلبك لأنو هي وافقت 
اتطلع جاد ع لؤي بعيون حمراء يازلمة ما اغلظك .. دمك سمييك
لؤي ههههه خلص خلص بس امانة شوف وجهك كيف صار
جاد حل عني لؤي بس جد هي وافقت
هز راسو لؤي بإيجابب .. ايمت مابتحب نحن بأنتظارك
قرب جاد ع لؤي وباسو .. ولك يسعدك احلى ابن احمى
لؤي . هدي لسع ماصار شي
جاد هههه ماشي رح حاكي الشباب يجو نشرب شي وبعدين الكن مني اطيب حلوان
لؤي اي هيك ها
حاكى جاد يامن وعامر لحتى يجوا عالكافيه .. 
__________ 
بعد ما خلصت بيان وامها الزيارة اتشكروا ناجي ورجعوا ع البيت.
دخلت بيان امها عالغرفة لحتى ترتاح 
بيان مامي بدك مني شي انا طالعة شوي 
فاطمة لا حبيبتي ديري بالك ع حالك
طلعت بيان حكت مع ياسمين واتفقت انو يلتقوا سوا
وصلت بيان ع الكافيه قبل ياسمين وراحت ع الطاولة اللي متعودة تقعد عليها
يامن شاف بيان وبقي مركز نظروا عليها
يامن بأبتسامة شوفوا مين هنيك
اتطلعوا كلهن ع الجهة الثانية وكانت بيان قاعدة وماسكة تلفونها
لؤي بقي عم يتطلع فيها ويراقب بتمعن كل حركاتها
عامر شو يامن صاير تلتلقي فيها كتير
يامن اي وهالشي عم يصير بالصدفة
عامر امممم
انتبه لؤي ع حديثهن ولف ع جهتهن.. شو قصدكن
يامن هي البنت اللي خبرتگن عنها 
انزعج لؤي من هالكلام وقام بدو يروح ع طاولة بيان
عامر شو لوين رايح
يامن كأنو رايح لعندها
جاد لؤي بيعرفها ل بيان كمان بس ليش رايح لعندها
وقبل مايوصل لؤي شاف بنت سبقتوا لعند بيان وسلموا ع بعض
لف لؤي بدو يرجع 
بهاللحظة انتبهت بيان عليه لؤي
الټفت لؤي ع الصوت
بيان اه اي هذا انت فكرت مشبهة عليك
ابتسم لؤي ابتسامة خفيفة لا انا كيفك وكيف الوالدة
بيان الحمدلله انت كيفك
لؤي تمام 
بيان تفضل اقعد معنا
لؤي لا شكرا انا جيت لعند رفقاتي هن قاعدين هنيك
اتطلعت بيان مكان ما أشر وشافت جاد وكمان يامن
بيان يامن صديقك 
هز لؤي راسوا بإيجاب .. ليش من وين بتعرفيه 
سألها هالسؤال وكأنو عم يحقق معها 
بيان انو لا مابعرفو بس التقينا بالصدفة كم مرة
لؤي اممم حكالها بصوت خاڤت ليش اتلبكت ليكون مثل الروايات بسبب عطري الخاص او جمالي
استغربت بيان من هالكلام بس خجلت وصار قلبها يدق بسرعة.. انا لازم ارجع لعند رفيقتي
لؤي بثقة اوكي بشوفك بكرى هون وبنفس الوقت
بيان بعدم فهم مابعرف هي عزيمة ولا واجب ولا شو
لؤي اللي بيناسبك بس المهم تعي
بيان اممم بشوف
لؤي روحي
بيان باي
__________ 
رجع لؤي لعند الشباب ولاحظ ع يامن انو مزعوج.
لؤي يلا شباب خلونا نمشي 
جاد اي يلا 
عامر اممم رايحين ناكل الحلوان مو 
جاد اي تكرمو
مشيوا الشباب لجهة الباب وقبل مايطلعوا دخلت ريم ومعها رفيقتها جوري
والتقت عيون ريم بعيون جاد
جاد حس كأنو اليوم حظو السعيد ابتسم بس اختفت ابتسامتوا لما نكشو لؤي ورمقو بنظرة ڠضب 
وريم نزلت عيونها عنو وجهتهن ع لؤي
لؤي ريمو شو عم تعملي هون 
ريم وهي خدودها حمر جيت انا وجوري نشوف رفقاتتا
لؤي اممم اوكي انبسطوا بوقتكن يلا شباب 
طلع جاد وعامر بالڠصب لأنو عامر لما شاف جوري طبس فيها
عامر لؤي
لؤي اي
عامر امم مين هي اللي مع ريم
لؤي رفيقتها
عامر امم الله يستر عليها
لؤي امين
جاد لك يامن شبك حسك مخفي
يامن ولاشي
___________
بعد مادخلت ريم وجوري ع الكافيه توجهوا ع طاولة بيان وياسمين
سلموا ع بعض وقعدوا
بيان اي صبايا شو تحبوا تشربوا
ريم انا باخذ عصير
جوري وانا كمان 
بيان اي تكرموا
_____________ 
عند الشباب
دخل جاد ولؤي ع محل الحلويات ل يشتروا وبقي عامر ويامن بالسيارة
عامر لك شبك انت جحشت
يامن بأنزعاج مابعرف ياخي انزعجت من تصرف لؤي
عامر كبر عقلك وافردها هلئ وبالبيت نكمل حديثنا
نفخ يامن پغضب ماشي
رجعوا جاد ولؤي
جاد وهي اطيب حلوان
عامر لك عشت 
يامن يسلمهن
لؤي والله غير شكل 
جاد صحتين وهنا ان شاءالله بتفرح فيكن كلكن
عامر وهو عم ياكل آمين
_______ 
انتهى اليوم ع خير بفرحة عند بعض وحزن عند بعض.
بس الحياة هيك طبعا ممكن اليوم الفرحة من نصيبك بس بكرى من نصيب غيرك
غفيت بيان بعد تفكير وتوتر عشان اليوم الثاني
ولؤي غفي ع ابتسامة بعد مااتذكر بيان اتذكر ابتسامتها لون عيون وربكتها لما تكون معو هو بس.
وريم وجاد طبعا نايمن بعمق وهن داخلين عالم الحب وقلوبهن عم تطير وتعلي بسمائو.
عامر عم يتذكر جوري وملامحها الناعمة الملفتة وبداخلوا شعور غريب وجديد عليه.
يامن عم يتقلب بالتخت بأنزعاج ويتذكر كيف كان لؤي عم يحكي مع بيان ويخطفلها نظرات.
غفي بعد مااخذ قرار ومصر مع نفسو انوو ينفذوا 
عاصم هو الكرت الخسران بكل اللعبة .. لحق شهواتو وطمعو ونسي انو في رب الكون اللي شايف وعارف ما فالقلوب.. بس دايما في طريق للتوبة والله غفور رحيم 
عاصم قاعد ع سجادة الصلاة رافع ايديه ل ربو وعم يدعيه ل يغفرلوا ذنبو
كنتوا متوقعين عاصم يعمل هيك 
عاصم واخيرا اعترف بذنبوا وقرر يكفر عنو.
خلينا واقعين ومتأكدين انو بهالدنيا مافي شي رح يضل ع حالو ممكن بساعة الانسان يتغير 
بس المهم انو يتغير للاحسن مو للاسوء
إذا شفت غيرك عم يغلط لا تسيئ الو بس ادعيوا بالهداية. ولا تفكر انك افضل من حدا لانه ممكن بلحظة الله يهديه ويضلك انت.
بداية_ النهاية
بقلم Bayan klib Bayan sh 
الجزء_التاسع_والاخير
اشرقت شمس يوم جديد
صحيت بيان ع رنة المنبه وگ العادة جهزت حالها وطلعت ع الشغل.
ولؤي نفس الشي صحي وفطر مع اهلو وخبرهن انو اليوم رح يزورهن جاد بخصوص موضوع ريم.
بعدين طلع لؤي ع الشغل
وريم وامها خلصو اشغالهن وراحو ع السوق يجيبوا كم غرض
وصل لؤي ع الشغل ولقى جاد قبلوا
لؤي صباح الخير
جاد بحماس صباح الورد
لؤي ياصباح يافتاح
جاد فوت تعا