رواية بداية_ النهاية بقلم Bayan klib & Bayan sh الفصل السابع والثامن والتاسع والاخير حصريه وجديده

ع لؤي.. اي نحكي باللي بدك اياه
لؤي عم اسمعك انا
جاد اسمع لؤي انت صاحبي من زمان كتيير والله يشهد علي انو بحياتي ماعملت شي غلط معك وبصراحة اكتر انا انعجبت ب المستورة اختك ومو أي اعجاب لا انا من زمان حابب اتقدملها واطلبها ع سنة الله ورسوله بس خاېف
لؤي ومن شو خاېف
جاد اول شي هي حاليا عم تدرس وثاني شي واهم شي مابعرف اذا هي بتقبل فيني.
لؤي امممم بفهم منك انو بحياتك ماحكيت معها
جاد الله بيشهد غير السلام ماصار بينا
كان لؤي واثق بأختو ورفيقو بس بعد هالكلام اتطمن وارتاح وغير هيك هو من داخلو مبسوط لانو عارف منيح جاد شو..
لؤي طيب ولايهمك بيصير خير
جاد شو قصدك
ضحك لؤي بصوت عالي
جاد شبك ليش عم تضحك
لؤي شبك يازلمة اصفريت خلص قصدي انا بشوف .. بحكي مع اهلي ومع ريم
جاد بفرحة جد عم تحكي
لؤي ايي بس قوم اعملي قهوة وإلا بغير رأيي
جاد لاا شو تغير رأيك لعيونك انت شغل البلاستيشن ل اجي
راح جاد يعمل قهوة..
جاد لك احزر اليوم مين شفت
لؤي مين
جاد بيان
خفق قلب لؤي لما سمع بأسمها
لؤي لتأكيد بيان الرواي
جااد اي ماغيرها شفتها بسوبر ماركت ابو علي
لؤي افف جد ليكون مخربط
جاد لك لا مو مخربط وسلمت عليها
لؤي ايوا
لؤي مع حالو اكيد صاير شي قالب حياتها
جاد وهي احلى فنجان قهوة
لؤي يسلم ايديك يلا اتجهز للخسارة 
جاد شو رأيك اتصل ع الشباب يجو
لؤي اي تمام ليش لا يجو يشهدوا ع خسارتك
جاد اخذ وضعية انا ساكت ومستحمل
بداية_ النهاية
بقلم Bayan klib Bayan sh
الجزء_الثامن
بيوم كانت بيان قاعدة بمكتبها والملل مسيطر عليها .. راجعت اخر ملف وسكرتو 
رفعت ايديها لفوق ورجعت ظهرها لورا .. اففف زمان ما عملت رياضة وهالقعدة عملتلي تشنجات بكل جسمي 
مسكت تلفونها ودقت لياسمين .. كيفها عروستنا الحلوة 
باسمين مشتاقتلك يا روحي .. لي يا دبة ما بتيجي عندي ما انت بتعرفي انه العرس قرب ومضغوطة وبدي مساعدة 
بيان حقك على راسي غاليتي .. بس محضرتلك مفاجئة بتجنن 
ياسمين شو شو ..قولي ما فيي انطر 
بيان حجزتاك بال spa .. مساج جاكوزي ساونا حمام تركي وكل اللي بخطړ ببالك 
ياسمين بفرح .. لك هاي رفيقتي اللي بحبها 
بيان معناه انا جاي لعندك وبساعدك بكم شغلة 
ياسمين ناطرتك .. لا تتأخري 
بيان مسافة الطريق
__________ 
واقفة بعجقة السير عالاشارة .. وفجأة سيارة قدامها رجعت عليها 
بيان ېخرب بيتك من حالك 
نزلت معصبة من السيارة ونزل الرجال اللي كان بالسيارة 
بيان شو عملت انت .. في حدا هيك برجع بنص الطريق 
الرجال شو عم تتبليني انت .. انت اللي ضربتيني 
اڼصدمت بيان .. لك انت شو عم تخبص .. انت اللي رجعت عليي 
الرجال يا امة الله .. ضړبتني وبدها تبليني .. لك انتو النسوان ما بتعرفو تسوقوا لي بتركبو سيارات 
بيان نسواااان !!! 
الرجال انا بدي حق تصليح السيارة حالا .. او تفضلي معي عالشرطة .. 
بيان شرطة شو .. لك ضړبني وبكى وسبقني واشتكى 
حمل تلفونو ودق للشرطة 
الرجال ما بدك تعطيني حقي براحتك .. الشرطة رح تجبلي حقي وزيادة 
بلش التوتر يظهر على معالم وجه بيان بعد ما انذكرت كلمة شرطة .. ومرق شريط اللي صار معها خلال ثواني 
قربت عالرجال.. عمو .. اذا بدك خلينا نحلها ودي وبلاها الشرطة .. خلص شوف قدي بدك وانا رح اراضيك 
الرجال بعصبية .. ابدا .. انا بدي الشرطة تحلها 
رجعت بيان لسيارتها لتحاول تلاقي حل لهاي المشكلة .. دقت لياسمين وخبرتها باللي صار 
بعد شوي وصلت الشرطة .. وباشرت بسؤال بيان والرجال اللي ضربها .. كل واحد حكى شي ..
طلب الشرطي من بيان والرجال يركنو السيارات على جنب ويتفضلو لفرع الشرطة بالبوكس 
دخلوا عالفرع وطلب منهن العنصر يقعدو بشي محل 
قعدت بيان وكل جسمها برجف .. اخر مرة دخلت لهون ما طلعت لبعد شهرين شافت فيهن الذل والقهر من الكل 
تقدم منها الشرطي .. تفضلي يا مدام من هون 
وقفت ورجليها بقصفو .. حضرة الشرطي احكي معو وخلينا نحلها ودي وبلا محاضر .. انا جاهزة لاي تعويض 
الشرطي تفضلي هلئ وبعدها بنشوف 
ډخلها على غرفة فاضية .. قلبها بدق بسرعة .. ما عرفت تقعد ولا تبقى واقفة 
.. ما رح تبطلي مشاكل  
وقف قلبها بس سمعت هالصوت .. صوت بتعرفو منيح كتير .. هالبحة مو غريبة عنها 
التفتت لتشوفو واقف قدامها بكل هيبة .. لؤي!! قصدي حضرة المحقق!!! 
لؤي بإستفزاز .. شو حبيتي الفرع وقررتي كل فترة تعمليلنا زيارة .. قرب عليها.. ولا حبيتي تشوفيني وقلتي بعمل مشكلة وباجي عالفرع بكل شياكة 
بيان پخوف.. انا والله ما ضربتلو السيارة .. هو رجع على سيارتي وبتبلاني 
لؤي ارتاحي .. لي بترجفي هيك .. مو هو الغلطان خلص .. انا طلبت يسحبولي تسجيلات الكاميرا اللي بالشارع
ارتاحت بيان نوعا ما وهديت 
لؤي بتحبي تشربي شي .. اطلبلك لمون 
هزت بيان راسها بدون ما تجاوب
ثواني وكانت كاسة العصير قدامها 
لؤي اشربي العصير .. انا رح ارجعلك 
طلع لؤي من الغرفة .. توجه لعند الشخص اللي ضړب سيارة بيان 
لؤي خلص فيك تمشي 
الرجال اي خدمة يا باشا ايمتى ما احتجتي رح تلاقيني 
ابتسم لؤي ابتسامة صفرا ورجع لعند بيان 
لؤي هديتي 
بيان شو رح تعمل .. انا قلتلو.. 
قاطعها .. خلص انا حليتها لا تقلقي 
بيان يعني.. 
قاطعها .. انسي .. المهم قوليلي كيفك  
استغربت بيان من اسلوبو .. حمدلله .. بخير 
لؤي والوالدة كيف صحتها .. انا حابب اعملكن زيارة 
بيان طبعا .. اكيد بتشرف 
لؤي انا رح ابعت العنصر ليصلح السيارة 
بيان لا ما في لزوم .. اساسا ما فيها شي .. خدوش صغيرة.. شكرا لإهتمامك .. انا صار لازم امشي 
وقف لؤي بكل اكابرية وراح لجهتها وصافحها .. انبسطت لاني شفتك اليوم 
تورترت بيان .. وانا .. وانا اكتر 
لؤي بس اذا ممكن رقم تلفونك لحتى ابعتلك ايمتى رح اجي عندكن 
بيان اكيد .. اعطيني تلفونك لسجل الرقم 
اخدت التلفون منو تحت نظراتو المتواصلة .. سجلت الرقم وودعتو 
____________
بعد يومين 
صحيت بيان من النوم مڤزوعة .. اطلعت عالساعة كانت ١٠ .. رمت الغطا برجليها .. بسبب هالشي وقعت عالارض 
ضړبت ايدها على راسها .. يا ربي راحت عليي نومة 
مسكت تلفونها شافت ياسمين باعتلها الف رسالة 
بيان افففف ياه كيف ما بصحى عالمنبه 
بسرعة راحت عالحمام عملت دش سريع ولبست تيابها وطلعت 
وهي بالسيارة دقت لياسمين.. حبيبتي والله ما بعرف كيف صار هيك .. انا بالطريق .. يلا سلام 
وصلت عند ياسمين وساعدتها بترتيبات العرس .. هييك لاخر النهار 
وقفت بيان قدام ياسمين والدموع بعيونها .. حبيبة قلبي .. خلص رح تتركيني 
حضنتها ياسمين بكل حب .. معا للابد 
فجأة دخلت صبية صغيرة لغرفة ياسمين 
ركضت على ياسمين وحضنتها .. هالشي دايق بيان اللي كانت تعتبر ياسمين من املاكها الشخصية .. 
التفتت ياسمين على بيان .. بلاه هدا البوز بيان .. تعالي اعرفك .. اشرت بإيدها على الصبية.. هاي ريم رفيقة اختي .. ريم هاي البست بيان .. رفيقة الطفولة والمراهقة والشباب 
صافحت ريم بيان .. واخيرا تعرفت عليكي .. كتير طلبت من ياسمين تعرفني عليكي من كتر ما بتحكي عنك .. الله يخليكو لبعض 
بيان وياسمين .. تسلمي 
ريم يلا مو وقت تعارف .. العريس ناطر على ڼار تحت 
رجعت ياسمين ارتمت بحضن بيان وصارت تبكي 
بيان لك هبول بكفي رح تنزعي الميك اب .. لا تخليها تكبر براسي والحقكوا عشهر العسل
بقاعة كبيرة كان مرجود فيها كتير ناس لحتى يحتفلوا بياسمين ومحمد .. 
دخلت ياسمين مع ابوها اللي بدورو سلمها لمحمد ووصاه عليها 
قعدو العرسان بالمكان المخصص لالهن لحتى الناس تهنيهن
طلعت ببان لعند العرسان بفستانها الاسود المخمل لحتى تهني العرسان وتوخد كم صورة للذكرى 
خلص العرس على خير 
__________ 
تاني يوم صحيت بيان مكسلة ومكسرة من الرقص والفقش بعتت مسج لللسكرتيرة انها ما رح تيجي عالشغل ورجعت نامت 
وقبل ما عينها تغفي وصلتها مسج .. 
فتحت نص عين وفتحت التلفون كانت رسالة من رقم مو محفوظ عندها بين الأسماء 
فتحتها .. فيني اعملكن زيارة اليوم لحتى اطمن عالوالدة 
رمت التلفون بعد ما قرأت الرسالة ورجعت نامت 
فجأة قامت بسرعة وقعدت عالتخت .. فتحت الرسالة كمان مرة وقرأتها عشر مرات واستقرت على رد 
مين معي  
تأخر الرد .. صارت ټلعن حالها على سخافتها 
بعد دقايق لؤي 
ابتسمت نص ابتسامة 
اهلا حضرة المحقق .. بتشرف بأي وقت بناسبك  
اليوم عالساعة خمسة  
اهلا وسهلا حضرة المحقق  
قامت من فرشتها وركضت لغرفة امها وحضنتها .. يسعدلي هالصباح 
فاطمة صباح الفل حبيبتي
بيان اليوم جاي عنا ضيف .. المحقق اللي كان ماسك القضية
فاطمة پخوف .. خير بنتي بس ما يكون في شي !!
بيان لا مامي .. بس هو عرف باللي صار معنا وحابب يطمن عليكي
اطلعت فاطمة بعيون بنتها .. وشو سر هالسعادة اللي بعيونك 
تنحنحت بيان .. لا مامي عادي عادي .. يلا قومي لساعدك خلينا نفطر
عند المساء كانت بيان مجهزة حالها 
لابسة فستان اسود ناعم كم بس شفاف طولو لعند الركبة وكعب اسود هادي ورافعة شعرها بتسريحة بسيطة وحاطة كحل اسود ومسكرة بس
نزلت عالصالة اعطت امها الدوا وقعدت جنبها
شوي وقامت لعند الباب اطلعت بالعين ورجعت تمشي بالصالون بتوتر
فاطمة لك بنت خيلتيني اقعدي شبك
حاولت تخفي توترها.. مافي شي ماما
فاطمة امممم 
اخدت نظرة سريعة ع الساعة ونفخت 
فاطمة بيون في شي حابة تحكيلي اياه
بيان لا مامي مافي شي
رن الجرس 
زاد توترها وحكت وهي عم ترتب تيابه.. انا بفتح
فاطمة ليش في غيرك يفتح 
طبعت بوسة ع راس امها وراحت تفتح الباب
دخل لؤي وحامل معو باقة ورد وباكيت شوكولا
بيان اهلا وسهلا تفضل حضرة المحقق
لؤي مساالخير كيفك وبلاها هي حضرة المحقق
اتطلع بعيونها .. لؤي اسمي لؤي
ضحكت بيان.. اوك تفضل
دخل لؤي وسلم ع فاطمة.. الحمدلله ع سلامتك خالتو
قعد لؤي جنبها بكل وقار
فاطمة الله يسلمك شرفتنا
بيان شو بتحب تشرب
لؤي أي شي مع خالتو ام عاصم
حزنت فاطمة لما انذكر اسمو
لؤي زعلانة مني شي
فاطمة لا ليش بدي ازعل منك يا ابني 
لؤي فكرت هيك لأنو انا اللي كشفت عاصم ودخلتو السچن
فاطمة لا يا ابني انت ما الك دخل بالعكس انت عم تعمل واجبك وانا بعترف انو ابني غلط ولازم يتعاقب ع هالشي بس بضل قلب الأم بيحن
لؤي يسلم هالتم والله كلامك دواء
ابتسمت بيان ع الكلام اللي حكتوا امها وقدمت القهوة الهن وقعدت
كانوا بيان ولؤي يتبادلوا نظرات من شوي لتانية ويحكوا بمواضيع شغل بعدين استلمت الحديث فاطمة وكانت تسأل لؤي عن كتير مواضيع كأنها شي محقق جنائي 
مضي الوقت بسرعة كانوا مبسوطين
لؤي يلا عن اذنكن انا صار لازم روح 
فاطمة لك ابني خليك عنا والله انبسطنا فيك
لؤي تسلميلي والله لا يمل بس عندي شوية شغل 
بيان اهلا وسهلا شرفتنا
لؤي تسلمي يلا عم ننتظر زيارتكن عنا ها
فاطمة ان شاءالله 
بيان هههه بنشوف 
مشيت بيان