رواية زهره لا تدبل الفصل الثامن عشر بقلم الكاتبه أماني سيد حصريه وجديده

علاقتهم
فى استراحه المصنع كان رأفت يجلس برفقه تلك المراه يتناولون الغداء الذى اعدته فاطمه من أجله
ايه رأيك يا رأفت اكلى عجبك
تسلم ايدك ماكلتش اكل بالجمال ده قبل كده
معقول مراتك مش بتعملك اكل
لا اكلها وحش أوى مابتطبخش اصلا بتفضل تقولى تعبانه من الشغل وعايزه انام
ايه ده معقول
أه والله بصى منظرها عامل ازاى عمرك شوفتيها جايبه فطار ولا غدا ولا حتى عملالى ساندوتش فول
تصدق لا ربنا يعينك عليها
عارفه هى السبب انى اطلق مراتى الاولى فضلت تبعتلى رسايل وتبعت لمراتى رسايل لحد ما وقعتنا فى بعض ولما اطلقنا جتلى وفضلت تعيطلى صعبت عليا واتجوزتها وبقيت اصرف عليها هى وبنتها لحد ما اهل جوزها المتوفى عرفوا واخدوا بنتهم
طيب وطليقتك عامل معاها ايه
انفصلنا بالمعروف وادتها كل حقوقها وكمان بصرف على ابنى ببعتله نفقه
انا قولت عليك كده ابن اصول برضو بس
بقولك ايه يا رأفت الناس بدأت تتكلم علينا وانا بصراحه مش عجبنى الوضع ده انا عايزاك يا تيجى تكلم اهلى يا نفضها سيره
لا ازاى بس اى حد يتكلم عليكى هخرسلك لسانه
تخرسهم بأنك تيجى تتقدملى غير كده كل واحد من طريق
لا حدديلى معاد مع اهلك الجمعه الجايه
بجد
طبعا دانتى اللى فى القلب وعوض ربنا ليا
تسلم يا حبيبي
قاطعت حديثهم سعاد وهى تنادى على رأفت پغضب
رأفت خد هنا عايزاك
استنى شويه وجايلك مش شيفانى بتكلم مع فاطمه
تحب اجبلك شجره واتنين لمون
لو تعرفى هاتى
خلاص يا رأفت الاستراحه خلصت انا هروح شغلى وهكلم اهلى وعلى معادنا بقى
تمام يا روحى فى حفظ الله
ثم ذهب بعد ذلك لسعاد وبدأ يتحدث معها بملل
خير يا سعاد عايزه ايه
عايزه اعرف علاقتك ايه بالبت دى
مافيش بينا علاقه كانت بتاكل عزمت عليا اعدت كلت معاها
يا شيخ ليه محروم من الاكل.
اه محروم من الاكل ماشفتكيش مره جهزتى فطار ولا غدا وقولتى تعالى نقعد ما بعض سيبانى اشحت اكل من زمايلنا وجايه بكل بجاحه تتكلمى يا شيخه روحى بقى
وتركها وذهب ليكمل عمله ونظرت سعاد في اثره بحسره فهى لم تصدق حديثه وليس معهت دليل تواجهه به
مر اسبوع واتى يوم الجمعة وذهب رأفت ليتقدم لفاطمه فى انسه فى ٣٧ من عمرها ويظلوا اهلها يتغطوا عليها فى مسأله الزواج إلى أن تحول الزواج لهاجس لديها وعندما تقدم رأفت لها وافقوا أهلها فورا وبداؤا بسؤاله عن زوجته
ومراتك يابنى هتعمل معاها ايه
انا وهى على خلاف وخلاص هنطلق وجودنا مع بعض مسأله وقت
إحنا مش عايزين نكون السبب فى خړاب بيت حد
بالعكس دى هى السبب فى طلاقى من مراتى الاولى بسبب انها كانت بتبعت ليها رسايل