حياه فيما يرضي الله الحلقه الحاديه والاربعون حتى الحلقه الخمسون حصريه وجديده

إن بعض الظن إثم ولا تجسسوا ولا يغتب بعضكم بعضا مي الله غالب بغيت نسمع ونعرف واش يهدروا سمعتو قالوا واش راح نقلك يوليدي نت قصدت الدار وانا منردكش مرحبا بيك انا راي راي بنتي وهي مولاتو نتا نت باغية دير تعدد ونت على حساب قولك قلت قادر وراح دير العدل وعندك المال يعني قادر وكي نشوفو لربؤ سبحانو راه محلل ربعة نساءيقول تعالى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة النساء ويقول في آية أخرى ولن تستطيعوا أن تعدلوا بين النساء ولو حرصتم وانا راني امام ونعرف مليح الدين انا دوك مراح نقلك والو رايي من راي بنتي ومدام جيت من الباب الواسع مراحش نردوك ان شاء الله
الجزء
قالوا راح نهدر معاها ايلا قبلت راه نردلك بالخبر زادو هدروا شوي وجا نايض انا كي سمعتو راح يخرج هربت نجري كون نحصل تبهديلة دخلت لبيتي وانا ننهج من جيهة خاڤت نحصل والجيهة لاخرى من الشي لسمعتو يعني صح اويس بغا يخطبني قلبي كان فرحان 
مي عقلي كان متناقض مع قلبي يعني صح بعد حبي ليه لكان مزال مكبوث في قلبي لكنت ديما نتفكره ومزالني واسكو هو انا راه عجبتو وحبني باه جا يخطب وانو كي جا يهدر معاي ممكن على اساس هدا الموضوع ممبعد تفكرت مرته قلت يعني هي قبلت هديك الليلة مدنيش الرقاد من التخمام خصوصا بقيت نخمم اني اسكو راح نقبل ونرضى بزواج هدا ولالا ومن جيهة خلاف خفت اني نقبل وراح نتضلم من هدا الزواج وخصوصا انو هو متزوج يعني راح نروح على ضرة وراح نضلم ولية كيما انا وتتخرب دارها ممكن متتقبلش هدا الزواج في هديك الليلة كلاني راسي من التخمام كي جيت نرقد دعيت ربي يسهلي اموري ورقدت للهم إني عبدك وابن عبدك وابن أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي اللهم يسر أمري واشرح صدري وارزقني التسهيل في اموري كلها عاجلا غير آجل
الجزء
صباح جديد واحداث جديدة نضت على ضوء الشمس وانا نحك في عيني مزالني مشبعتش رقاد نضت توضيت صليت دعيت ربي يغفرلي بيسك رجعت خطرات نتهاون في صلاتي ومنفضنش دخلت لكوزينتة لرجعتلي ادمان كنت نبغي نطيب ونوع في الماكلة كنت ڼموت على الفن والنضام وحتى ماما علمتني كلش من نهار حبست لقراية سلمت على ماما لقيتها تغسل في الخضرة سقسيتها على بابا قاټلي كالعادة راح الصباح قټلها علاه منوضتنيش قاټلي شفت