حياه فيما يرضي الله الحلقه الحاديه والاربعون حتى الحلقه الخمسون حصريه وجديده
وبلعيني ملقيت حتى مخرج غير ندعي ربي وخلاص بيك حالتي رجعت تهبدل لجامي شافني هداك النهار شافني اليوم بقيت ندعي في قلبي ونعاود في هدا الدعاءاللهم أعني ولا تعن علي وانصرني ولا تنصر علي وامكر لي ولا تمكر بي واهدني ويسر الهدى لي وانصرني على من بغى علي رب اجعلني لك شكارا لك ذكارا لك رهابا لك مطواعا لك مخبتا إليك أواها منبيا
كانوا وصلوا انا مشفت حتى واحد غير اويس لجا ديراكث في عيني جا يجري غطاني لقا لخيمار في الارض رفدو وحطو على راسي بغا يحطه على وجهي كي قاسني وليت نازع وجهي كلو كان في حالة مخبش نوضني رفدني ولخرين رفدو مرتو انا تشوكيت قلت كاين واحد يخلي مرتو يرفدوها الرجال ويروح لوحدة اخرى ولا ممكن مشفهمش ناضت هي سبقت تجري قدمه قاټلو انا مرتك ولا هي ولا حلتلك رجليها باه خاېف وخطبتها وفي هديك لحضة وصل بابا وسمعها جا يجري لعندي شفت الدمعة في عينيها شدني من يد اويس كنت بسيف طالعة في الدروج اويس كي سمع مرتو واش قالت
الجزء 48
كي سمع مرتو واش قالت رجع وجهو حمر وعينيه خارجة منهم الڼار من جيهة تبهدل قدام صحابه ومن جيهة تبهدل من مرته خزر ليها وضربها بكف طاحت قالها كلبة حسابك من بعد وډخلها يجر فيها للدار وبلع الباب جا يجر ي لعندنا شدني من ايدي الاخرى. طلعنا للدار ماما طاحت قدامي وتبكي شافت في اويس وهبطت راسها حتى هو مبغاش يهدر معها ولا ينقشه دخلنا لصالو شاف بابا في اويس قالو واش هدا لنشوف فيه قالو والله ياعمي راني كيفك جاوو عندنا قالوا راهم طردو زوز عباد مكنتش علبالي بلي مرتي خلاص اصلا كانت في دراهم وزيد لجاوو خبرونا مقلوناش بلي بنات وكي جيت عادا عرفت انا كنت نازع في حالة قالي بابا هياي تروحي نديك لسبيطار مبغيتش اصلا مكنت باغية نقابل حتى واحد ويشوفني بالحالة هادي انا نضت عونتني ماما اصلا كنت بسيف نمشي على خاطر تعثرت في دروج هدوا طهري نحسها مقسومة تسطحت في فراشي غطاتني ماما بقات معاي حتى داتني عيني ورقدت مفقتش حتى على صوت الادان معرفتو مغرب ولا عيشاء شفت نحاتي من جيهة تاقة كانت تبان ضلمة ويبان غير ضوء الطريق نضت نحس في جسمي مدقدق نضت بسيف دخلت للدوش شفت في وجهي معرفتش روحي تقول خربشني قط ماشي عبد توضيت بسيف كان الچرح ېحرق كي غسلت وجهي وايدي بالماء لقيت ماما في الكوزينة شافتني جات باستني قالتلي لباس عملتلها براسي مليحة سقسيتها واشمن وقت احنا رانا فيه قاټلي العشاء رحت قضيت صلاتي وقريت سورة الملك دعيت ربي يهديها مبغيتش ندعي عليها
ن
خليها بينها وبين خالقها
الجزء 49
انا نضت وانا نسمع في دواس كان صوت عياطهم واصل لبيتي فتحت تاقة سمعتو يعيط عليها وصوت التكسار داير حالة وصوت عيطها محبش انا بقيت حالة فمي قلت سور راه يضرب بفيها يالطيف لكان هدا بشړ معندوش رحمة انا كنت نسمع برك ومقدرش نحمل هدا الصوت ياربي مزال راجل يرفد يدو على مرأة او انا لتعريفي لرجولة كان غالط انا اظن ان ليس كل رجل دكر وانما الرجال الحقيقيون لا ينتطرون عمرا محدد حتى يصبحون رجال انما تلدهم امهاتهم رجالا اتحدث عن الرجال وليس اشباه الرجال
سهلا جدا ان تكون ذكر وسط النساء٠٠٠٠ لكن ليس سهلا أن تكون رجل وسط الرجال
أن تولد ذكر فهذا قدرك أما أن تكون رجلا فهذا صنع يدك
ثوب الرجولة غالى ولا يليق على اي أحد
الرجولة مواقف تسطرها الأيام
الرجوله صفه وليست شكلا ..الرجوله شجاعه وبطوله وقوة ومواجهه وصدق ذكرها الله في كتابه في مواضع كثيرة كقوله من المؤمنين رجال صدقو ماعاهدو الله عليه ومواضع كثيره لم يقل الله ذكور بل قال جل شأنه رجال
الجزء 50
هدا هو تعريفي لرجولة وممكن كل انسان عندو تعريف خليتهم هكداك يتعياطو ورجت لفراشي لقيت ماما دخلت حطاتلي لبلا قدامي قټلها لالا والله مقادرة قاټلي كولي تتقوتي قټلها خلي مبعد كي نجوع راح ناكل غطاتني وبلعت التاقة كنت نسيستها مفتوحة حتى هي سمعتهم قالت الله يهدي سرهم يارب باستني وبلعت الباب جبدت تلفوني فتحتو دخلت للفيس تصفحته شوي نغير الجو طبطب بابا دخل جا باسني من راسي وحطلي صاشي في حجري هدر معايا شوي قالي في أمان الله خرج فتحتها لقيت فيها مقلشات شيكولا شيبس جوز لوز وبززاف حوايج ولقيت صاشي خلاف فها دواء نتاع لوجه تعشيت ورفدت لماعن غسلتهم وحطيتهم في السلة وعاودت دخلت للدوش توضيت وحطيت لدواء طفيت الضوء وبقيت ناكل في الشيكولا ونكونكثي مع بنات كنت دخلة في قروب بنات نتاع تجويد القران كانوا يحكوا على الدين والدنيا الله يبارك كانوا كامل متربيات وسلفيين حافطين لكتاب الله وحتى كانوا من مختلف ااولايات كي عييت قريت الاذكار ورقدت
أصبحنا وأصبح الملك لله رب العالمين
قريت ماتيسر من القران كي أدن نضت صليت دعيت ربي كي ناض بابا وماما زدت صليت معاهم جماعة انا رجعت نرقد وبابا بقا يقرا في المصحف ماما بغات تطيب مسمن باه يفطر بيه ويروح يخدم. . حياة في ما يرضي الله ...
يتبع
