حياه فيما يرضي الله الحلقه الحاديه والاربعون حتى الحلقه الخمسون حصريه وجديده

نعسانة مبغيتش نفسدلك رقدك على بيها خليتك قټلها ربي يخليك ليا وبستها سربتلي لحليب وقاطو شربت قټلها راح نخمل لحالة قاټلي براحتك نضت فتحت تواقي قابلني اويس راح يركب في لوطو كان كيما خرج من الدار طلع راسو لتاقة شافني انا تخبيت كي سمعت راح وقفت وقلبي يخبط شوفتو تخليني ننسا روحي حتى شكون أنا كملت مع الميناج رجعت الحالة تشعل شعيل وكل خطړة منين نشوف في ماما نلقاه تشوف معاي بغيت نسقسيها مي حبست حسيتها باغية تقول حاجة مي منعرف لاه مبغياش سربينا تغدينا كان بابا مجاش لغداء ماما راحت تريح وانا فرزت لكوزينة وسيقتها كي أدن الطهر صليته وقريت القرأن زاد ادن العصر زدت صليته وقريت اذكار المساء مشيت لكوزينة لكيما قتلكم اصلا نقتل بيها الفيد جامي نقلق منها ولا بالعكس نلقا راحتي كي نكون نتفنن في الطياب.....
جزء 46 _50
لبست االطابلية وبديت نوجد في الخضرة لخاطر انا كي نبغي نطيب نوجد واش نحتاج كامل باه نعرف نخدم اي انا قلت بسم الله وانا نسمع في مرأة ټعيط بصوتها يالكلبة يالخانزة يالموسخة اسمحولي على الكلمات لي راح نقولهم لبنات أسفة شللت يدي ومسحته ولبست خماري لقيت ماما تاني باغية تشوف شكون على الرغم اني عرفتها بلي مرت اويس طبطبت فالباب وهي مزالت تهدر وټعيط افتحي يخطافة الرجال وبقات تعاود فيها شفت مع ماما وهي تاني لقيتها تشوف فيا وحالة فمها في واش تقول لان احنا كنا ديما محتارمين وجامي الجوراين سمعو حسنا ولا سمعو حاجة فينا الحمد لله كانت اول مرة يصرانا موقف كيما هكدا قدام دارنا وماشي دار ولا دار الشيخ ٠٠٠٠ شافت فيا ماما وفتحت الباب مامبا مسلمتش عليها شافتني ديراكث تلاحت ليا شدتني وكانت شدتني على غفلة معرفتش كيفاه ندافع على روحي جبدتني لقدام لباب وهي كانت الله يبارك. قرونططاي كنت نبان معاها كي الفلوسة كانت الباب مفتوح وهي جرتني في الدروج كانو بلاك شي خمس درجات قدام لباب حسيت طهري تقسمت ماما حاولت تفك بيناتنا مي مقدرتلهاش بقات تخبش فيا وشعري نتفتو وهي والله مسكتت ياخطافة يالمرخس يلي مشبعاش ماكلة في كرشك من وجهك اويس يالغاملة
الجزء 47
وشافت تاني في ماما لي كانت تبكي دموعها ويدان وانا كثر قالت الامهات معرفوش يربو بناتهم يبعتوهم عند الرجال وهدرة كلام عيب بززاف وانا تالمو جامي تطرطدت مع انسان مقدرتش نرد ومقدرتش نفك روحي منها كانو الجوراين اكل يتفرجو مبغاوش يجو ويدخلوا روحهم اصلا كانو نصهم رجال انا مامبا معرفتش نبعدلها يديها مني كنت شادة خماري برك مي واشمن خمار بقا تفرج فيا ليسوا ولميسواش تجمعت الناس علينا وهي مزالها مطلقاتنيش حتى شفنا الدرك يجروو انا تهبدلت يأرض انشقي