رواية المتناقض الحلقه الاولى بقلم الكاتب حازم الباشا حصريه وجديده
دخلت سحر الى مكتب امجد على كرسي تدفعه فتاه محجبه ترتدي ثياب قديمه وحذاء رياضي متهالك
فقام امجد من مكتبه واستقبلها بترحاب شديد وهو يقول اهلا بفنانتنا الكبيره
ثم صافحها بحراره متجاهلا بكل وقاحه تلك الفتاه المحجبه التي كانت قد مدت يدها لتصافحه
وبدا امجد يفحص الاشعه الخاصه بسحر ويقارن ما بين حالتها قبل العمليه التي اجراها دكتور مصطفى وبعدها
وعلامات الاندهاش تتكاثف على وجهه مما اثار الريبه في قلب الفتاه المحجبه فقالت بصوت قلق هو في ايه يا دكتور حضرتك بقالك ربع ساعه بتبص على الاشعه ... من فضلك قول اي حاجه وطمنا !!!
رمق امجد الفتاه بنظره ناريه ثم قال بصوت حاد ممكن يا شاطره تطلعي بره لحد ما اخلص كشف
تدخلت سحر بسرعه مخاطبه امجد بعد اذنك يا دكتور خليها معايا هبه بتدرس طب الفتاه التي تحتل الجهه اليمنى من الغلاف
ثم استطردت سحر بصوت خجول واكيد هي هتفهم كلامك احسن مني اصل انا فهمي على ادي وما كملتش تعليمي
زفر امجد وقال زي ما تحبي يا فنانه بس يؤسفني اقولك ان العمليه اللي عملها لك دكتور مصطفى دي كانت غلط من اساسها وحالتك بقت اصعب من الاول بكتير !!!
اڼهارت سحر پبكاء حار وقالت بصوت مخټنق يعني ايه يا دكتور انا هاعيش مكسحه كده لحد ما اموت !!!
رد امجد لا طبعا احنا ممكن نعمل عمليه جديده وترجعي تمشي بس عمليه كبيره زي دي هتكلفك في حدود ٢٠ مليون جنيه
اڼهارت سحر بالبكاء فبرغم شهرتها لم تكن تمتلك حتى ربع ذلك المبلغ الضخم
تدخلت هبه مره اخرى في الحوار وقالت ممكن حضرتك تشرح لي يعني ايه العمليه كانت غلط !!!
رد امجد بإختصار الدكتور مصطفى حاول يقلد الاسلوب بتاعي في النوعيه دي من العمليات
لكنه عمل ده بطريقه في منتهى الغباء ولما فشلت العمليه بعتلي الحاله عشان اصلح العك اللي هو عمله
ردت هبه بصوت منفعل دكتور مصطفى ده واحد من اشطر وانبل الدكاتره عندنا في الكليه ومستحيل يعمل حاجه زي كده
رد امجد بصوت ساخر قبل ما تهللي اوي كده يا شاطره ياريت تعرفي الاول الدكتور مصطفى الشطور النبيل خد كام في العمليه دي من مدام سحر
ردت هبه بنفس النبره الساخره طب خلي واحد تاني غير حضرتك يقول الكلام ده ده احنا دافعين عشر تلاف جنيه عشان كشف ربع ساعه !!! وكمان جايين بواسطه !!!
تجاهلها امجد وكأنها مجرد ذبابه تطن في الغرفه
حيث اغمض عينه واسترخى بطريقته المعتاده تمهيدا لاطلاق فكره شيطانيه جديده !!!
وفي غضون لحظات فتح امجد عينيه وقال لسحر
التي كانت لا تزال تنتحب اهدي يا ست الكل انا هارجعك ترقصي تاني واحسن من الاول كمان
ومن غير ما تدفعي ولا جنيه بس تسمعي كل اللي هاقولك عليه وتنفذيه بالحرف الواحد !!!
تهللت اسارير سحر وقالت بصوت متلهف انا هاعيش خدامه تحت رجليك بس رجعني امشي ارقص تاني
ضحك امجد وقال حاشا لله انا مش قصدي كده خالص
انا عاوزك تطلعي من هنا وتروحي على المحامي بتاعك وتخليه يعمل محضر في القسم ويرفع قضيه ضرر على دكتورمصطفى
وبعدها يطلع على نقابه الاطباء ويقدم فيه شكوى مرفق فيها صوره من الاشعه والتقارير دي كلها
تدخلت هبه في الحوار وقالت بحنق واضح انت ايه اللي بتطلبه ده يا دكتور
انت ليه عاوز تدمر الراجل اللي علمك وخلاك توصل للمكانه اللي انت فيها دي !!!
تدخلت سحر بصوت عصبي اخرسي يا هبه ولا كلمه زياده
سكتت هبه بينما قامت سحر بتلطيف الجواء وقالت وهي تودع امجد انا هاعمل كل اللي امرت بيه وبرضوا هافضل خدامه تحت رجليك لاخر عمري لو تحب طبعا
صافحها امجد واوصلها حتى باب مكتبه بينما تناول رزمه من المال ووضعها في حقيبه يد هبه قائلا بمنتهى الغطرسه اشتري لنفسك كام فستان تروحي بيهم الجامعه
ثم وجه كلامه لسحر قائلا ما يصحش الخدامه بتاعت سحر هانم تلبس هدوم بالشكل ده
خرجت هبه وهي تدفع كرسي سحر بعصبيه فقد كان كل همها ان تخرج متماسكه والا تنهمر دموعها امام ذلك الكائن البغيض
ثم توقفت فجأه استجمعت شجاعتها وتركت سحر واندفعت عائده لټقتحم مكتب امجد
حيث القت رزمه النقود على مكتبه وقالت بصوت مخټنق بالدموع على فكره انا مش خدامه انا فاضلي كام سنه وابقى دكتوره زيي زيك
وسحر دي تبقى اختي !!!! وانا كنت مقاطعها هي وفلوسها الغلط
واللي رجعني ليها انها في محنه والكل اتخلى عنها
وحاجه اخيره ... عاوزه اقولها لك ... انت بجد مش ممكن تكون بني ادم ... انت شيطان
وقبل ان يرد امجد كانت هبه قد خرجت من المكتب تاركه امجد غارقا في بحر عميق من الذهول !!!
انتهت الحلقه الاولى
اتمنى ان اعرف رأيكم في هذه الحلقه
