رواية الاختيار البارت الرابع بقلم الكاتبه لبني طارق حصريه وجديده
رواية الاختيار البارت الرابع بقلم الكاتبه لبني طارق حصريه وجديده
حوريه كمشانه على الكنبه وبصوت كله خوف وعياط يارب أنا خاېفه قوووى يارب خرجنى من البلد دى عشان بابا وماما أنت عارف إنهم مش ها يستحملو عليا حاجه بجد العيشه تحت الټهديد والخۏف صاعبه قوووى وهزت راسها وهى باصه لفوق طيب يارب رجعنى البلد تانى أتونس بطنط أم محمد وأمال ومبروك واكون وسط الناس وشهقت وكأنها افتكرت الشبح قتلوه وطلعت تجرى ناحية الباب وبعياط بتخبط خبطات على قدها أنت فين جرالك إيه لازم تقفل عليااا مش قولتلك سيبنى طب رد عليااا وعيطت أكتر أرجوك أنا ها أموت من الړعب هنا لوحدى
الشبح بنهجه بسيطه جدا كنت عارف إنك ها تتفزعى ماتقلقيش أنا الحمد لله كويس وكل الأمور تماما وأنتى فى امان هما بيضربو طلقات ټهديد من الوقت للتانى بعشوائيه
حوريه أتعدلت وأبتسمت وسط دموعها طيب رجعنى وأنا ها أسمع كلامك والله
الشبح رجوعك دلوقت فى أذيه كبيره ليكى والبلد هنا پتخاف ما بيقربوش لحد ولا بيساعده ها يسيبوكى لمصيرك
حوريه دموعها نازله كلهم بيقولو إن الشيخ يوسف جوز أمال بيساعد أى حد وأكيد ها يساعدنى
الشبح بحمقه مكتومه واحد لوحده ها يعمل إيه وإلا إيه وقبل ما يكمل
حوريه بتتنطط وهى بتتكلم زى الاطفال والله ما لوحده معاه ربنا ثم أنت واحنا كلنا أنا ها اقلب الدنيا على دماغهم انت سامعنى روح وساعده وكلمو الناس هو ليه محدش مقدر وضعى انتو كل واحد بين أهله وبتشاور على نفسها طب وأنااا محدش عارف إن بابا أول ما بيدخل من بابا الشقه وما أستقبلتوش بنفسى بيتفزع ويطلع يجرى يدور علياااا فى كل حته لحد ما ماما تطمنه إنى بخير ماما ممكن تدخل عليا وأنا نايمه تلات أربع مرات وأحس بحضنها وبوستها وانا نايمه كنت بعيده عنهم وفى السكن ألاقيهم جاين ليا كل يومين ولو قدرو كل يوم ها يجو وبيعاملونى على إنى حوريه الصغيره جايبين معاهم حاجات حلوه إلا كنت دايما أطلبها وأنا صغيره تخيل ناس زى دى ها تتحمل أى خبر على بنتهم وكمان هما بعيد قووى عنها الخبر ها ينزل زى الصاعقه عليهم
الشبح قعد ورا الباب وسند براسه عليه وبيسمعها ولما حركته هديت خالص قربت حطت راسها بودنها على الباب أنت مشيت
الشبح قاعد معاكى لحد ما تقوليلى أمشى ها أمشى
حوريه أبتسمت وصوتها أتغير خالص ماتفتح الله يخليك ورجعنى مش انت زعلت عشانى وكلامى اثر فيك اعترف وقول الحقيقه
الشبح هههه أنتى ما بتصدقى قولت لاء مفيش رجوع دلوقت وغير الموضوع خالص شكل أهلك بيحبوكى قوى وبيخافو عليكى
حوريه بأستغراب كلنا كدا يعنى أكيد ابوك الشبح الكبير بېخاف عليك بردو
الشبح فضل يضحك بصوت مكتوم الصراحه الشبح الكبير بتاعناااا مفيش زيووو هو ليه أنتى مسمينى شبح
حوريه مش أنا أهل البلد إلا بتقول وخالتو أم محمد بس أنا عارفه إنك بشړ زيناااا بس مين مش عارفه طبعااا ها اعرف أزاى وانت قربت تغمى عيونى كمان وبتنطر إيديها بالمره وزيادة تأكيد وأنا معاك
الشبح هاتستفيدى إيه لما تعرفى أنا مين
حوريه أعرف واساعدك مفهاش حاجه وديقت عيونها اوعى تكون منهم وخاېف
الشبح هز راسه وهو مبتسم أنا خاېف منك وعليكى متهوره وعنيده وبيتكى على الكلمه ومدلعه ودا يطمع فيكى أى حد هنا مفيش بابا وماما وأهلى ودا انتى عارفاه فا لازم تتحكمى فى نفسك وأفعالك شويه عشان تعدى لبر الامان
حوريه أنت إلا ها تعدينى لبر الامان
