رواية رضوخ للعشق الفصل الخامس بقلم الكاتبه قسمة الشبيني حصريه وجديده

وتوه عقول العيال اللي زيك .
ضحك هلال لتنظر له پغضب تنهره لكنه لم يهتم وتابع ضحكه لتتأفف بضيق هو الأخ ده متبرمج على الضحك بس اوووف .
ظل عرفة لوقت ليس بقليل بينما تعمد فرج التأخر فى مقابلته بشكل لاحظه الجميع لكن استطاعت أمينة أن تشتت العقول عن التشاحن بما تثيره من ضحكات وبعد انتهاء الزيارة التى انتهت بشكل رسمى لمقابلة فرج الجافة لهما صحب جمال عرفة وهلال للباب لتنظر أمينة نحو جدها معاتبة وقد بدأت تتشكك فى كل نواياه ثم تلحق بهم .
نادت بصوت خفيض عمو عرفة .. عمو عرفة
دار ثلاثتهم ينظرون لها لتقول ماتتاخرش فى الزيارة بقا أنا عندى عرض على حتة دوبلكس تحفة علشانك
وقف عرفة يظنها تتحدث بأمر جدى ليتساءل فين ومساحتها قد ايه و
أوقفت تتابع تساؤلاته وأشارت نحو صدرها هنا فى البطين الأيمن وانت داخل من مدخل قلبى كده علطول على ايدك اليمين .. تشطيب سوبر لوكس والمساحة براااااح بقا ماتعدش
ابتسم أبيها وهلال بينما تقدم منها عرفة بود وانا شارى يا بشمهندسة بس اشمعنا البطين فاكرانى عجوز ولا إيه 
اقتربت منه وهمست لا عجوز إيه ما فى اسانسير انا بقرب لك المسافات يا حجيج .
ارتفع حاجبه الأيمن وهو يتساءل والسعر بقا
حكت ذقنها تدعى التفكير ثم تنهدت وهى تشير خلفه بص مش بحب الفصال وزى بعضه هاخد الواد هلال ده وخلاص.
ضحك عرفة وهمس لها تعرفى يا أمينة الواد هلال ده ليه حق يمسك فيكى بأديه الاتنين .
رفعت رأسها بكبر متعمد ايوه ما أنا لقطة .
ربت عرفة فوق رأسها وغادر يتبعه هلال الذى يتلفت ليفوز بنظرات قصيرة العمر منها ..
اقترب منها أبيها لتقول بجدية بابا انا محتاجة اتكلم مع عمى سليمان شوية اظن هو الشخص الوحيد الواضح فى العيلة دى .
احاطها جمال كارهة العيلة يا أمينة 
هزت رأسها نفيا لا طبعا يا بابا انا بحبهم مش علشانهم انا بحبهم علشانك ومهما يعملوا هفضل احبهم بس انا محتاجة افهم كويس حاسة فى حاجات كتير غامضة ومش عارفة ازاى جدى اللى طلب منى اتجوز هلال وهو بيعاملهم بالشكل ده.
ربت فوق كتفها وسارا معا نحو مجلس الجد والعم لتقول أمينة عمو سليمان انا عاوزة فستان الخطوبة على حسابك وتيجى معايا وانا بشتريه ولن اقبل الرفض أو المساومة .
انهت جملتها التحذيرية التى أسرت ضحكات خفيفة عبرت شفتى سليمان الذى قال وإنى أقدر ارفض ده أقل واجب شوفى عاوزة تروحى امته
جلست بجوار جدها بأريحية ربما يفتقد إليها بعضا من رجال هذا المنزل وهذا ما يزيد تشبث جدها بها وإن لم يظهره فهى تملك شجاعة سيحتاج إليها كثيرا .. مطت شفتيها تعبر عن حيرتها فى تحديد موعد ثم قالت روح الغيط وتعالى بسرعة ولا ابعت