رواية رضوخ للعشق الفصل التاسع عشر بقلم الكاتبه قسمة الشبيني حصريه وجديده

من ملامح محاميه
انا مااعرفش الاكياس دى بتاعة مين
عموما مش مهم المهم عندنا أن الحرز قانونى يعنى القضية كلها فشنك وانت براءة يفرج عن المتهم من سراى النيابة مالم يكن مطلوبا على ذمة قضايا أخرى 
ظل هلال ينظر له وكأنه غير مستوعب أن عليه الفرار من هذا المكان بلا إبطاء لينهض المحامى
أقل من ساعة نخلص الإجراءات وتروح حمدالله على سلامتك يا هلال الحمدلله جت سليمة بس لازم تشوف مين اللى بيحاول يأذيك بالشكل ده 
ما إن فتح الباب حتى كانت أول المستقبلين للمحامى الذى تهدأ ابتسامته من المخاۏف ثم تتبعها كلماته
الحمدلله التقرير لصالح هلال وهيفرج عنه من سراى النيابة هنخلص الإجراءات ويروح معاكم 
راحة تامة علت الوجوه بينما اسرعت أمينة نحوه
بجد يا هلال الکابوس ده خلص
بجد يا أمينة خلاص روحى بقا وانا هاجى لك البيت
لا هنروح سوا بس لما نعمل مشوار الأول
نظر الجميع نحو جمال بدهشة لكنه تابع بنفس الهدوء
خلص لنا الإجراءات يا استاذ واحنا فى انتظارك 
ظلت برفقة صديقتها وأبيها وعمها وابنه وعرفة ينتظرون جميعا خروج هلال برفقة المحامى ولم تستغرق الإجراءات الكثير من الوقت وكان هلال يقترب منهم أمام سراى النيابة وقد توج وجهه بسعادة رغم شحوب ملامحه الواضح تلقاه والده بين ذراعيه وكأنه لم يصدق بعد أنه انتهى من هذا الکابوس ليربت جمال فوق كتفيهما معا والمحامى يشير لهم منصرفا
تعالوا محتاجين نتكلم انا هعدى عليك يا استاذ فى المكتب 
إحنا لازم نسافر علطول أمه قلباها محزنة
تعلقت عينا هلال بتلك الابتسامة التى تخصه بها مع نظرة حانية محملة بالشغف لا يمكن لقلبه تغافلها ويعجز عن مبادلتها فتلك المبادلة ستعنى زرعها بين اضلعه إلى أجل لا يعلم هو نفسه نهايته 
احاطه أبيها بذراعه وهو يدفعه لنزع عينيه عنها ملقيا به خارج نعيمه الخاص
تعالوا هنقعد ونتكلم لأن مفيش وقت انا كمان لازم انزل البلد
نازل البلد تعمل ايه يا بابا
مشوار يا حبيبتي لازم اعمله وهبقى مطمن ومرات عمك هنا معاكى
ليه انت نازل لوحدك يا جمال
لا يا سليمان مشوار لازم اعمله وانت معايا بس انت لوحدك 
تعجب عرفة ما يدور حوله لكنه ينتظر أن يفصح جمال عن مكنون صدره طامرا مكنون صدره هو المحمل بمخاوفه التى تتكاثر 
اتجه الجميع لمقهى قريب واجتمعوا حول طاولة واحدة ليبدأ جمال حديثه فورا مظهرا مدى تعجله الذى يظهر مخاوفه أيضا
هلال انت لسه عاوز تجوز أمينة
اتسعت الأعين مع هذا التساؤل الذى لا يفهم ايهم سبب طرحه بهذا التوقيت لكن هلال سارع أيضا بتأكيد حسن نواياه
طبعا يا عمى هو حضرتك غيرت رأيك 
لم يجب جمال بل نظر نحو ابنته
وانت يا أمينة
تلفتت حولها مستنكرة هذا السؤال على هذا العموم بحضور الجميع ومنهم هلال نفسه طفى دليل الخجل مظللا ملامحها
ايوه يا بابا
تهلل فى غير موضعه مع هذا التوتر الذى يسود الأجواء يسيطر على ملامح هلال فيعلن سعادته بهذا الإعلان الذي نطق به لسانها
انت عاوز إيه يا جمال
كان تساؤل عرفة يدور بكل العقول لكنه كان البادئ فى طرحه لينظر نحوه جمال بثقة
عاوز نكتب كتابهم دلوقتى حالا انت وسليمان شهود وانا وبنتى هنا مفيش داعى نأجل خصوصا أن فى محاولات لتعطيل الجوازة يبقى علشان ننهى الحوار نجوزهم فعلا 
زاد تهلل قسمات هلال
وانا مستعد نكتب حالا
يا ابنى استنى شوية! انا