رواية رضوخ للعشق الفصل التاسع عشر بقلم الكاتبه قسمة الشبيني حصريه وجديده

خاېف يا جمال نعمل كده يبقى فى خطړ اكبر
حك جمال جبينه فهو نفسه يراوده هذا الخۏف لكنه يخشى أكثر أن تكن وحيدة فى المواجهة
وهم الاتنين مع بعض أقوى يا عرفة هم هيقدروا يحموا بعض
أعلن عرفة عن تخبطه بزفره حارة ليلتزم الجميع الصمت لحظات الذى قاطعه هلال
عمى معاه حق يا أبا مش بس هنقوى بعض احنا كمان هنطمن بعض إذا موافقة يا أمينة بينا نطلع على أقرب مأذون
توترت نظراتها ليعفيها أبيها من المزيد من الحرج وهو يستقيم معلنا قرارها
يلا بينا
تحرك الرجال بينما أمسكت مها كف أمينة توقف تقدمها وهى تفرج عن تخبط صدرها
أمينة انت اتجننتى! ازاى ترضى تتجوزى بالطريقة دى ده لسه خارج من قضية! واذا حتى مدبرة يبقى اللى قدر يعمل كده علشان يبعدك عنه هيعمل اكتر من كده انت ازاى مطمنة على حياتك معاه ازاى 
رفعت أمينة كفها وتلمست وجنة مها بشفقة واضحة
قلبى بيطمن جمبه يا مها أنا أقوى وأهدى وهو معايا الخۏف مالوش مكان بنا لأنى لو خۏفت منه عمره ما هيبقى أمانى وانا شيفاه أمانى 
دارت أعين مها تعبر عن حيرة وفوضى تدور برأسها
مفيش أمان قرب راجل يا أمينة الراجل نفسه مش أمان أمانك جواكى منك بنفسك مش بحد تانى 
ابتسمت أمينة بمودة
أمانى مش مع راجل يا مها أمانى حب حب هيحمينى
يلا يا أمينة واقفة ليه
قاطع صوت جمال تدفق مخاۏف مها التى تعبر عنها لتصمت وتتقدم عن أمينة نفسها متهربة بقلبها من فيض هذه المشاعر التى تبث الضعف فى نفسها 
جلسوا جميعا بتلك الغرفة الصغيرة للمأذون وجمال قبالة هلال الذى تشع سعادته من قسماته المعبرة أنهى المأذون عمله بقوله
بارك الله لكما وبارك عليكما وجمع بينكما في خير
انتفض مهيب ملتقطا المنديل رغم أنه لا منافسة عليه لكن منافسته تبدو داخلية عبر خجل أمينة عن سعادتها التى سمحت لها بالتحليق فوق صفحة وجهها نظرت نحو صديقتها الواجمة ثم هزتها برفق
مالك يا مها
هزت رأسها ورسمت ابتسامة فوق شفتيها فورا
ابدا مبارك يا أمينة ربنا يسعدك
زاد اتساع ابتسامتها وهى ترى التهنئة التى يحظى بها هلال وسرعان ما انتقلت إليها مع ضمة دافئة من صدر أبيها وعمها على حد سواء 
غادروا مكتب المأذون ليتباطئ هلال سامحا لهم بالتقدم ليجذب كفها نحوه
مبارك يا أمينة
بارك الله فيك يا هلال على إيه
ساد ملامحه إحباط واضح انجلى فور ضحكتها التى تعلن بها نيلها منه بإدعاء التجاهل ليجذبها نحوه أكثر
كان نفسى كتب كتابنا يكون قدام الدنيا كلها انت زعلانة
كل اللى يهمونى من الدنيا معايا ازعل ليه
بجد يا أمينة يعنى انا اهمك
لا طبعا هتجوزك صدقة جارية على روحى
وسحبت نفسها مستغلة لحظة الصدمة لتفر من أمامه لاحقة الجميع وقف لحظة يهز رأسه شاعرا بالغباء قبل أن يلحق بها 
اتجه جمال نحو سيارته مباشرة
أمينة روحى مع مها انا مسافر البلد سليمان تعالى معايا وانت يا مهيب خليك مع والدتك وأمينة لحد ما ارجع
طيب ماتيجو معايا فى العربية يا جماعة
إحنا وراك يا عرفة اصلى هرجع بالعربية الليلة طوالى 
انطلقت السيارتين بينما ظل هلال بصحبتهم لحظات وأمينة تشعر بالعجب من تصرفات أبيها مؤخرا لكن هلال اتجه نحوها ليمسك كفها ويتجه نحو سيارته
معلش يا مها وصلى مهيب معاكى انا عاوز أمينة فى حاجة وهروحها بعد شوية
استنى بس انت مش تعبان وعاوز