رواية عمرالجابري بقلم الكاتبة زهرة البنفسج الجزء الثالث حصريه وجديده
رواية عمر_الجابري بقلم الكاتبة_زهرة_البنفسج الجزء_الثالث حصريه وجديده
رجعت من المدرسة وانا كثير متلبكة طلعت على غرفتي شفتها قايمة قاعدة عند الصبح وقعت وكسرت حرف المراية الطويلة بزاوية الغرفة وتيابي مشلوفة هون وهون.
لمېت كلشي وسحبت تيابي من الخزانة وطلعت من الغرفة وقلت ماما.. ماما.
علاء امك مو هون جوري. راحت على اجتماع ضروري.
سمعت صوت بابا تحت بالمطبخ.
جوري طيب.
صفقت الباب وانا كثير متلبكة كنت مجهزة شو بدي قول لماما بكل سهولة اما بابا فكان الموضوع صعب.. ورح يحطني بدوامة اسئلة الها اول مالها اخر.
سمعت صوت حركة التفتت شفت الهوا عم يحرك البرداية قربت من الشباك وسكرتو بقوة.
اخدت حمام سريع كل حماماتي بتكون سريعة اولا بسبب سوء نظري والخيالات يلي بتخليني حس حالي عمية ثانيا بسبب اني ممكن اتزحلق و اوقع باي لحظة بسبب سوء توازني. ثالثا هو الاختناق يلي بحس فيه لما بينكت المي على وجهي وجسمي.
طلعت من الحمام وانا لافة جسمي بالمنشفة شفت ظل عم يمر من قدامي. تيبست سحبت نظاراتي من الطاولة ولما حطيتن توضحت فورا الرؤية قدامي.
كانت البردية عم تتحرك والشباك مفتوح.
قربت وسكرتو مع اني متأكدة مية بالمية اني سكرتو قبل شوي.
لبست بجامتي بجامة عادية بنطلون ازرق غامق وكنزة بيضة عريضة نشفت شعري وربطو ذيل حصان وخصلات شعري السودي الفحمية وصلت لتحت خصري.
عدلت نظاراتي وسحبت بخاخ الربو بين ايدي وانزلت لتحت وانا عم قول بابا.
علاء انا هون بايا.
لما دخلت على المطبخ فاحت ريحة اللحمة والبطاطا يلي بتشل القلب بابا كان منحني على الفرن وعم يطالع صينية البطاطا بالفرن ويستفقدها.
جوري ريحة الاكل بتجنن.
علاء اي قربت تستوي. وهلق شوي بيجي اخوكي محمد واختك رهف من الجامعة وامك هلق اتصلت مسافة الطريق وجاية منحط الاكل ومناكل.
قربت على طنجرة على الڼار شلت الغطة وشفت المعكرونة جواتها حسيت قلبي عم يخفق متل العصفور.
جوري بسعادة بابا طبختلي معكرونة.
علاء بعرفك بتحبيها. وعملت لامك يالنجي بالبراد. واختك رهف بتحب القطايف انزلت اليوم على السوق وجبتو. وبما انو محمد بحب كلشي فرح يكون يوم سعدو.
صرنا نضحك.
صح كنا عيلة غنية بس بابا وماما كانو يعمل اي شي لحتى يعيشونا جو العيلة السليمة رفضت الماما وجود خدم لانو پتكره يكون حدا غريب بيناتنا. وبابا بيطبخلنا كل فترة والتانية مشان ماننحرم من اكل البيت.
رغم انشغالهم الدائم ابي بالمشفى وامي بالشركة او بتكون مسافرة الا انو كانو يعملو جهدن لحتى مايحرمونا من احتياجاتنا الاساسية وتواجدهم معنا.
علاء بابا جوري في شي بتمك بدك تحكي ماهيك
جوري اااا.. اي كيف عرفت.
ابتسملي بحنية ظهرت التجاعيد يلي بحبها على جبينو وقال انت بنتي معقول ما افهم تصرفاتك انت بطبعك هادية وقليلة الكلام اما لما يكون بدك تقولي شي بتصيري تروحي وتجي وانت متلبكة وبتهز برجلك وتحطي شعرك ورا دانيك متل امك.
ابتسمتلو.
جوري في موضوع مهم كنت بدي قلك عليه واخد اذنك.
ظهرت اللهفة على ملامحو واستناني لاحكي انا كانت طلباتي قليلة جدا لهيك بابا كان يستغل الفرصة بكل مرة لينفذلي طلباتي القليلة جدا بدون تردد.
علاء شو بدك حبيبتي حكيلي.
صرت اللعب باصابعي وقلتلو انا اليوم متضرة استقبل رفيقي عنا بالبيت لانو في وظيفة مهمة لازم نشتغل عليها سوا.
علاء.... طيب.
جوري ماعندك مشكلة
علاء لا.
جوري هو رفيق مو رفيقة.
علاء لو كنت رهف كنت قلقت بس انت جوري واكيد رفيقك رح يكون ذكي ومحترم متلك.
محترم جدا. تاني اسوء طالب بالمدرسة بعد عمر.
سمعنا صوت الباب عم يفتح دخلت ماما وقالت شو هلروايح الحلوة يسلمن حبيبي عذبت
