رواية عمرالجابري بقلم الكاتبة زهرة البنفسج الجزء الثالث حصريه وجديده

صفو ههههههه.
جوري هههههههه
معتصم ليش عم تضحكي
جوري لانك صدقت.
اڼصدم اطلع علي بقرف وبعد عني.
كنت هم كڈب اخفيت خجلي وحاولت كون قوية شوي. 
مع اني للحظة ضعفت لما شميت ريحة عطرو وكان قريب مني.
وضربات قلبي كانت عم تنبض پجنون جواتي.
انفتح الباب باسلوب هجومي التفتت انو ومعتصم لنشوف كانت امي ماسكة صينية فوقها كاسات عصير وكيك بشوكولا وقالتنا بابتسامة مريبة ان شاء الله مرتاحين
جوري شكرا ماما.
معتصم هي امك!!!
وقف وقرب منها. مسك اصابعها وباسهن وقال فكرتك اختا لجوري الكبيرة.
امي اطلعت عليه پصدمة واحراج بعدين ضحكت وقالت لا لا انا امها لجوري.
معتصم كم عمرك خالة
ياسمين 51 سنة
شفت الصدمة بعيونو وهل مرة ماكان عم يمثل وقت قال مبين عليك اصغر مبين عليك بال 30.
كنت بعرف هاد الشي امي كانت نحيفة وجسمها رشيق ومعتنية بملامح وجهها بالاضافة لعيونها وشعرها الاسود.
لهيك كان يبين انها اصغر من عمرها.
معتصم هاتي عنك خالة هاتي.
مسك الصينية وحطها على الطاولة
ياسمين انا رح اطلع واذا لزمكم شي ندهولي.
قلبت عيوني وقت فتحت الباب على الاخر وسندتو بالطاولة امي كثير عم تبالغ. او لا.
القيت نظرة على معتصم يلي شرب من كاسة العصير.
وكنت عم اتسائل شو ممكن يخلي هيك ثعلب يقعد معي ببيتي ويحكي معي تقولي صلنا عشر سنين اصدقاء.
اطلعت علي ابتسمت فورا وهو ردلي ياها بابتسامة حلوة كثير.
اكتشفت انو معتصم بدو تأسيس من الصفر مابيفهم حتى عملية التقسيم كيف بتصير اما جدول الضړب كان كارثي. 
وعجزت تقريبا فهمو حرف لانو هو من جوا ماكان بدو يفهم اصلا.
وكثير تعبت وانا عم حاول فهمو كان طايش كثير شي يلعب بالقلم.. وشي يصفن وشي يزت كلام ساخر وشي نكت ويعمل حالو نهفة.
سكرت الكتاب وقلت خلص لهون كثير منيح صرت بتعرف القسمة وحفظت ضړب ال.
معتصم خلصنا بهلسرعة.
جوري صلنا ساعتين قاعدين.
معتصم عنجد! ماحسيت هاد دليل انك انسة كويسة صيري معلمة صف كثير بيلبقلك. شاطرة وبشعة هههههه
جوري هههههه وانت بيلبقلك تصير مهرج.
معتصم مهرج
جوري لانو المهرج بيعمل حالو نهفة كمان والناس بالاخر بتكون عم تضحك على شكلو هههههه
زورني.
انا بلعت الضحكة فورا.
معتصم رح سامحك لانك عم تدرسيني المرة الجاية مارح مشيلك ياها.
جوري طيب.
حمل شنتايتو وقف وانا مشيت معو للباب.
معتصم بكرة بشوفك بالمكتبة.
جوري تمام.
سكرت الباب وطلعت فورا على غرفتي طالعت كتبي وبلشت ادرس وعوض الساعتين يلي ضيعتن على معتصم.
فجأة بينفتح الباب وبيتسكر بقوة.
رهف شو الك شغل مع معتصم الحاكم
جوري ولا شي.
رهف كيف ولا شي. انتي بتعرفي مين هاد!
جوري معتصم الحاكم مو هيك
رهف هاد الشب مابينلعب معو اذا اغراك بكام كلمة حلواتك مو يعني انو هو بحبك.
جوري بعرف.
رهف شوفي بينك وبينو لكن
جوري مشتركين بوظيفة وعم نشتغل عليها.
رهف بدك تقنعيني انو معتصم الحاكم كان قاعد تحت عم يحل الوظيفة معك.
الټفت لعندها بكرسيوقلتلها انت شو بدك مني رهف
رهف بدي مصلحتك انت اختي.
جوري من ايمت انا اختك ايمت قررتي اني اختك قبل مايعرفو رفقاتك ولا قبل
رهف ااااا. انا بس
جوري بليز رهف طلعي بدي ادرس.
رهف انا رح انزل واحكي لبابا مين هاد معتصم. ورح نشوف رأيو بالموضوع.
جوري رهففففف!!!!
رهف نعم!
وقفت ومشيت لعندها ومسكت ايدها. كنت انا وياها نفس الطول عصرت ايدها بين اصابعي وقلتلها بصوت مليان قهر انت بتخجلي مني وبحياتك ماعترفتي فيني قدام الناس لهيك كنت عم اتسائل ايمت بلشتي تهتمي بحياتي وتعتبريني اختك!!
خجلت وبعدت نظرها عني.
جوري بصوت مهتز بليز خليك متل ما انت ولا تدحشي حالك بحياتي الشخصية.
رهف بس معتصم.
جوري مافي شي بيني وبين معتصم انا الاولى بصفي وهو بدو مين
يعطي دروس بعدين لا تخافي معتصم مابيطلع على امثالي الحمدلله كل الناس عندها وجهة نظر مثل وجهة نظرك تجاهي.. اني شي بشع وبخجل.
تركتها ومشيت وقعدت على كرسي وقلتلها وانا عم قلب بكتابي طلعي برا. عندي دراسة بدي خلصها.
رهف جوري انا اسفة.
جوري....
سمعتها عم تفتح الباب وتطلع شهقت وغطيت وجهي وقت بلشت دموعي تنزل متل الشلال على عيوني.
انا كمان.
ما اخترت كيف بدها تكون حياتي.
انا كمان.
ماكان بدي اتورط مع شخصية مثل معتصم.
انا كل يلي كان بدي ياه انو تتوقف نظرات الشفقة والقرف يلي كانت تلاحقني كل يلي بدي ياه انو الناس تعتقني وتبطل تسمعني كلام جارح.
انا كمان عندي مشاعر. انا ماني حجر انا بشوف وبسمع وبنكسر ومشاعري بتتحطم كمان.
كل يلي بدي ياه كون وحدي.
كون بعيدة.
كون معزولة.
لما بكون معزولة مابعود بسمع مابعود بشوف.
بكون مرتاحة.
يتبع