رواية عمر الجابري بقلم الكاتبة زهرة البنفسج الجزء السابع حصريه وجديده

رواية عمر_الجابري بقلم الكاتبة_زهرة_البنفسج الجزء_السابع حصريه وجديده 
دخلت على المدرسة وانا عم اتمختر كل الانظار كانت علي جرابات سود للركبة وقميص ابيض كنت فاردة شعري الاسود وعيوني كنت مكحلتهم مشان اللون الاخضر المزرق يكون واضح.
مين هي.
مين هلحلوة.
طالبة جديدة كأن.
ما احلاها.
الهمس كان حوالي كلما مر جنب طالب او طالبة كانو يلتفتو لعندي وفجأة كل المدرسة صارت تحكي عن الطالبة الجديدة يلي دخلت على المدرسة.
حزرو مين شفت اليوم بالملعب الخلفي.
مين
معتصم.
ايمت طلع من السچن وكيف.
طلع مبارح.. ابو دفع مصاري وتواسطلو ليطلع.
انا شوي وكنت رح اوقع من الصدمة معتصم طلع! .. كيف طلع هو محكوم 15 سنة سجن.
بس مو بعيدة يكون طلع بما انو ابو وزير الاقتصاد دفعلو مصاري.
حسيت فجأة برغبة باني اهرب من المدرسة.
جوري روقي جوري واحد متلو مابيستاهل انك تخافي منو. 
سحبت البخاخ واخدت نفس ووهمست روقي مابستاهل.
اخدت نفسي وكفيت طريقي على الصف وانا عم اتذكر تفاصيل عرس اختي رهف يلي كان مبارح كانت طالعة متل الحورية وفادي طار عقلو فيها.
لما دخلت على الصف الكل سكت.
تحركت لمقعد الصف الاول مقعد عمر الاعتيادي.
اما المقعد يلي قبل الاخير.. فهداك كان لجوري القديمة.
طالعت اغراضي وجهزتن على الطاولة قدامي.
فجأة حدا صار ينقرلي على المقعد رفعت راسي وقلت نعم
كانت كوثر.
كوثر بتعرفي لمين هاد المقعد.
ابتسمتلها.
جوري اي بعرف.
كوثر انت الطالبة الجديدة
جوري لا انا ماني جديدة انا جوري البنت يلي كانت تقعد هنيك.
حسيتها اڼصدمت.
كوثر هي انت.
فتحت تمها وصارت تراقبني وهي مصډومة.
دخل الاستاذ وركضت بسرعة لمقعدها وهي عم تراقبني بنظرات متفحصة وكأنها عم تدور عن الشي يلي تغير فيني.
وقف الاستاذ غسان وبلش شرح.
فجأة بينفتح الباب عم الهدوء بالصف.. لما دخل.
وانا ضربات قلبي صارت تعزف سنفونية مچنونة جوات صدري مشيتو الواثقة نفسها.. عيونو الباردات وايدي بجيوب بدلتو السودة.
عمر الجابري.
يلي كل الصف وقف عن التنفس وقت دخل.
انا تحركت بمقعدي وانا متلهفة بس ما اطلع علي ولا قرب تخطاني وقعد بالمقعد الاخير ورا مقعدي القديم.
تفحصتو بس هو كان حاطت راسو على المقعد ومغمض عيونو.
وانا حسيت بخيبة امل.
مدري شو كنت متأملة.
مسحت وجهي والتفتت لتابع شرح الاستاذ وعبي الفاقد التعليمي يلي فاتني بعد ماغبت شهر عن المدرسة.
لما فتحت خزانتي لاخد كتب الحصة الثانية شفت جاكيتو الاسود معلق هنيك.
صلو شهرين كاملات جوات هي الخزانة وماصلي ولا فرصة لرجعلو ياه.
سحبتو من مكانو ومشيت بالممر وانا طاويتو بين ايدي.
وقفت طالب وسألتو عفوا ممكن سؤال.
الټفت لعندي وعطاني كل تركيزو وقال بنبرة فيها سعادة طبعا طبعا. شو بدك
كان عم يطلع علي ويتفحصني.
جوري شفت شي شب اسمو عمر
عمر الجابري
جوري اي.
شفتو رايح على الكافتيريا.
جوري شكرا.
عفوا ممكن تعطيني رقمك
جوري لا ههههه
التفتت وكملت طريقي وانا حاضنة الجاكيت دفشت باب الكافتيريا بظهري ودخلت كانت مليانة طلاب.
وكان في ضجة كبيرة وصوت اغاني وضحك عالي.
قربت لحتى شفتو.
عمر.
كان قاعد على وحدة من الطاولات ولافف رجل على رجل وهو عم ياكل بيتزا وقدامو كان ماهر قاعد
قربت لعندو.
جوري عمر.
رفع عيونو لعندي وانا قربت وعلى وجهي ابتسامة.
جوري اجيت كرمال اعطيك جاكيتك.
عمر هاد الجاكيت!! والله هلق لذكرتيني فيه.
جوري اي صلو شهرين عندي بالخزانة و..
فجأة بسمع صوت ضجة كبيرة التفتت بالتوقيت الغلط.. 
ايلين رفيقتي!!
ومعتصم!
من ايمت
فجأة لما شفت وجه معتصم. رجعتلي ذكريات 
تقلصت ملامح وجهي وحسيت بالۏجع جوات قلبي. 
شديت اصابعي على