رواية بيت السلايف الفصل الثالث بقلم الكاتبه خديجه سيد حصريه وجديده

لينتفض من الفزع عندما سمع صوت صاړخة قادمة من غرفه ابنه فقال متسائلا
ايه الصوت ده 
هتفت زوجته بعدم مبالاة
تلاقي ابنك بيضرب جميله زي كل يوم تلاقي عملتله حاجه
تنهد بحنق قائلا
ادي اللي ابنك فالح فيه بيتشطر علي البنت انما تعليم وشغل فاشل وبيتشطر على البت الغلبانه إللي طول النهار في شغل البيت وهو بليل ضړب فيها عارفه البنت دي لو عرفت موضوع البيت والدكان هتطلع القديم والجديد علينا ومش بعيد تطردنا في الشارع
لوت شفتيها بسخرية هاتفة
في ايه مالك هي صعبانة عليك و لا ايه وبعدين ما انت كسبت زيك زينا . ادينا خذنا البيت و قاعدين فيه وانت فتحت الدكان بقاله مع انك ما كنتش راضي في الاول .
هز راسه باهتمام ليقول بتوجس 
يا وليه كنت خاېف لما تقولي للبنت ان ابوها كتب لينا البيت والدكان بتاع ابوها باسمنا خۏفت جميله متصدقش وتطلب اوراق اثبات بكده بس طلعت هبله وصدقت على طول بس الحمد لله ما طلبتش حاجه ده احنا كنا خلاص إيجار البيت عمال يكتر علينا وكنا هنطرد في الشارع .!
ام محمد پحده
هي كانت تقدر تكدبني ده انا خالتها يعني في مقام امها
قال بسخرية
لا ونعمه الام بصراحه . ما تقومي تسكتي ابنك عاوز انام من صوت الصړيخ ده .!
كانت فرحه جالسه على الاريكة بالصالة في منزلها متربعه بقدميها اعلاها وعلي حجرتها صحن كبير بداخله حبات ارز ابيض تلتقط حصاه السوداء منه وهي تتابع احد المسلسلات التركي بالتلفزيون باهتمام لتسمع صوت طرقات علي الباب
لتصيح دون نقل عينيها عن التلفزيون افتحي الباب يا ام العربي
تقدمت سيده قد تجاوزت الاربعين لتفتح الباب لتدخل صفيه بنت خالتهم واخت المرحومه ورد بلهفة تبحث بعينها عن شئ لتلوي شفتيها بخيبة امل لتتقدم متسائلة فرحه 
هو مش چلال رچع النهارده يا فرحه
هزت راسها بالايجاب دون النظر اليها لتقول صفيه بضيق 
ما تتحدتي امعايا عدل زي ما عتحدد امعاكي
عقدت حاجبيها بدهشة قائله پحده
في ايه يا بت مالك بتزعجي اكده ليه ما اني هزتلك راسي يعني ايوه
نظرت حولها بلهفة 
طب هو فين .
اجابت فرحه بعدم مبالاة 
خرچ مع عيسى ما اعرفش راحوا فين هماليني بجى
هتفت وهي تهمس مبتسمة برقة غير معهودة 
طب عيرچع مېتا اتوحشتو جوي
رفعت حاجبيها لاعلي قائله پحده
شوفي البت وجله حياها . ما تتحشمي يا بت عيب تجولي الحديت ديه
هزت راسها ببرود قائله باستفزاز
لا مش عيب فيها ايه ابن خالتي وفي حكم خطيبي
تساءلت مستنكرة 
واتخطبلك مېتا بجى
مسكت احد ضفايرها من تحت حجابها بدلع خالتي عديله هي اللي جالتلي انه عينه مني وطلبني منها اطلعي انتي منها بس يا فرحه
وضعت يدها فوق ذقنها بدهشة من وقحتها 
شوفي البنت وجله ادبها ده احنا ما كناش بنته على اكده
هو انتي حاسبه نفسك بنت يا معدوله
قالتها عديله من الخلف وهي تجلس اعلي كرسي متحرك هي ليست مشلوله لكنها لا تقدر أحيانا على السير التفتت فرحه بشهق 
بسم الله الرحمن الرحيم خضتيني يا مرات عمي
عديله بغيظ 
ايه يا اختي شوفتي امنا الغوله ولا ايه
نظرت اليها وهي تجز على اسنانها بضيق 
مش جصدي يا مرات عمي
عديله پحده 
بصيلي جوي يا بت تعالي ساعدينا رايدي اجعد على الكنبه
هزت رأسها بعدم فائدة لتتقدم منها لكن سبقت قبلها صفيه قائله 
تعالى يا خالتي واني اساعدك
جلست عديله بمساعدة صفيه و ابتسمت لها قائله
تسلمي يا حبيبتي