الفصل الأول النغم الحزين أستحقك سندي ولكن ملحمة صعيدي اجتماعي رومانسي خطېرة بقلمي فاطيما يوسف حصريه وجديده
الفصل_الأول النغم_الحزين أستحقك_سندي_ولكن ملحمة_صعيدي_اجتماعي_رومانسي_خطيرة بقلمي_فاطيما_يوسف حصريه وجديده
بسم الله الرحمن الرحيم
لا إله إلا أنت سبحانك إني كنت من الظالمين ولا حول ولا قوة إلا بالله العلي العظيم.
قبل القراءة ادعوا لي دعوة حلوة من قلبكم بالرزق الحلال وربنا ييسر لي حالي يا رب.
قبل ما نبدأ النهاردة ليلة الإسراء والمعراج وليلة الجمعه كمان ندعي بالرزق والخير والبركة وللوالدين و الأبناء وأمانة عليكم تدعو لي معاكم دعوة حلوة من قلبكم ربنا يوفقني وينجح كتابي
عطر_على_صراط_الألم
فاطيما_يوسف
مدينة_الأدباء_للنشر_والتوزيع
معرض_القاهرة_الدولي_للكتاب_2026
لقد رأيت أمامي أحد عشر سهما يتراشقون في صدري
فسألت أحدهم من أنت ولم تقصدني أنا وتسدد رميك نحوي
فأجابني أولهم وقال أنا وجعك وألمك ومهما قاومت فلن تستطيعي صدي
فابتلعت إجابته بجوف مر كالعلقم وسألت الآخر عن صفته كي أفهم وليتني ما سألت فقد تيقنت حينها ألا أسأل عن أشياء إن تبد لي تسؤني ولكنني تغشمت
فرد إجابته بأن صفته مصيري المدمر الذي يلازمني مهما فررت وحينها قررت أن أصمت وألا أستفهم أبدا بعد اليوم ولطريقي المظلم انتظرت.
بقلمي_فاطيما_يوسف
أحب على رجلك يا ابو مازن ترضى باللي اخوك طلبه منيك وتكتب علي وتنجيني من بطشه وطولة يده انت عارف كل يوم هيصبحني بعلقة وهيمسيني بعلقة واني ما ليش حد اروح له انت عارف بيت ابوي وامي أوضة وحمام واخده خواتي بالعافية وابوي هو كماني صاحب كاس والسېجارة العفشة ما هتفارقش يده هروح فين بالعيلين اللي معاي وكل يوم والتاني هيعرضني على الرجالة علشان ينفذ اللي في راسه وأني تعبت وما متحملهاش الپهدلة داي.
سند بقى واقف مش عارف يقول لها ايه كل يوم يشوف أخوه يمد ايده عليها ويبهدلها ويفرج الخلق عليهم بس مش قابلها على نفسه ان هو يعمل كده حاسس إن في حاجة غلط في الموضوع بس مش قادر يفهمها ورد عليها باللي قدر عليه
والله يا أم محمد كان على عيني إني اعز لك طلب بس اني كل يوم والتاني اټخانق وياه بسبب بهدلته ليكي بس الموضوع اللي هيطلبه مني دي صعيب علي وما هقدرش عليه ابدا ما هقبلهاش على كرامتي كراجل أتجوز طليقة أخوي .
بقت بتتوسل له وهي ماسكة طرف جلابيته وبتعيط بدل الدموع ډم لأنها جابت آخرها خلاص من طليقها سمير اللي كل يوم والتاني يبهدل فيها وكمان أمه هتساعده ان هو يستقوى عليها أكتر وأكتر وراحت استنجدت بأبوها بهدلها وطردها هي وعيالها
والله العظيم هعيش خدامة تحت رجليك اني مطالباش منيك غير انك تسترني عنيه ابوس يدك آني راضية ببهدلته حتى لو طلقتني إنت أحسن من غيرك كل يوم والتاني يجيب لي راجل واني ما قادراش على المعاملة الشينة داي اني ست هخاف ربنا واني والله هعيش خدامة تحت رجليك طول الشهور اللي انت هتتجوزني فيها مش هرفع عيني عن الارض واصل ولو طولت ما هوريكش وشي هعملها عاد بس تسترني من الهم دي.
الحيرة بتزداد في قلبه أكتر وأكتر هو كمان زهق من أخوه اللي كل يوم يلومه ويعاتبه ويعلي صوته عليه بسبب بهدلته لأهل بيته وفي الآخر هيعرضها على الرجالة ودي في عرفهم ما يصحش ابدا ورد عليها بحل يمكن يكون مناسب
شوفي يا ست نغم اني ممكن اامن لك مكان تعيشي فيه انت وابنك وبنتك اللي هما ولاد اخوي وهبعت لك شهرية كل شهر تكفيكي وزيادة وبلاها موضوع الجواز دي .
بقت تلط م على وشها وتض رب على رجليها وهي شايفة اللي هيحصل قدام لو عمل كده
اخوك مهيسيبنيش في حالي وكل يوم والتاني هياجي لي مكاني والناس في الكفر كلاتها عرفت اني مطلقة منيه وهيخلي سمعتي وسمعة ولادي في الارض وكل يوم والتاني هيبهدلني وهيمرمطني جوزي وأني خابراه زين اني اتبهدلت واتمرمطت ولا أب ولا جوز عدل حسبي الله ونعم الوكيل في اللي هيذلوني ويمرمطوني دي المۏت ارحم لي ياااااااارب.
سند بقى واقف محتار مش عارف يعمل لها ايه لكن كل كلمة قالتها عندها حق فيها لحد ما افكر كتير وكتير ورد عليها
قومي يا بت الناس روحي على شقتك وأني هشوف حل وياه واللي رايده ربنا هو اللي هيكون.
قامت نغم وهي حاسة أنها فقدت الأمل في ان سند هو كمان يقف جنبها ويساعدها ويطلعها من الورطة دي لكن خرجت وهي مکسورة والدنيا كلها في نظرها جاية عليها أبوها وطليقها وحتى أحن الناس اللي كان بيحن عليها أخو طليقها حست أن الدنيا كلها اتسدت في وشها روحت على بيتها وقعدت ضمت رجليها لصدرها وحطت راسها على رجليها وبترجع ل 10 سنين ورا قبل ما تتجوز لما كانت بنت 16 سنة الحيوية والجمال ظاهرين على وشها للأعمى
فلاش باك
خدي اهنه يا بت هو ما حدش قادر عليك ولا ايه انت ما تعرفيش أني أبقى مين وولد مين في البلد داي! أني ابن كبير البلد كلاتها ولما أكلمك تردي علي على طول وتقفي كمان.
نغم بصت له پغضب شديد وشدت ايديها منه ونزلت على وشه بالقلم لدرجة انه حط ايده على وشه وبقى واقف مصډوم وحذرته
يكش تكون ولد مين في البلد ما ليكش انك تمد يدك النجسة داي علي يا ملعۏن انت هم أهلك الكبارات دول هيعلموك تمد يدك على البنتة وهي ماشية قطع يدك.
سمير بقى واقف مصډوم لأول مرة تحصل إنه ينض رب كف على وشه ومن بنت فقرب منها وهو بيبص لها بنظرات بتطق شرار كانه هياكلها بعينيه ورد على كلامها بنظرات زي الچحيم بالضبط
بالك انتي لا هدفعك تمن القلم دي اضعافه اعتبري حالك بقيتي ملك سمير الناجي واعملي حسابك هدفع تمنك لابوكي وهعيشك عيشة ذل ما شفتيهاش في حياتك قبل سابق .
ضحكت باستهزاء وهي بتبص له من فوق لتحته وسخرت من كلامه وقالت له الكلمتين اللي جننوه قبل ما تمشي وتسيبه واقف يغ لي ڼار
هتعمل ايه يعني! ما حدش في الدنيا داي يقدر يجبرني على حاجة ما عايزاهاش حتى لو كنت ابن بارم ديله واوعاك في مرة تانية تشوفني في طريق وتمد يدك علي قبل سابق بهدلتك قدام الخلق وما اتعظتش وعلشان اكده كان لازم تاخد القلم دي يفوقك يا شمام انت.
بهدلته وسابته ومشيت ومرت الأيام وهو بيتواعد لها وروحت على بيتهم كانت راجعة وقتها من المدرسة هي في أولى ثانوي عام حلمها إن هي تبقى مهندسة كبيرة علشان تحقق أمل أمها فيها وأول ما دخلت بيتهم لقيت ابوها قاعد ماسك السېجارة بيلفها كالمعتاد بص لها من فوقها لتحتها وهو بيسألها
خدي اهنه يا بت المدرسين عطفوا عليكي بفلوس ايه النهاردة عايز أجيب سجاير يح رق ابو اللي جابوكي خدي اهنه.
والله يا ابوي ما حد اداني حاجة النهاردة انت عارف اني لما هاخد منيهم حاجة هرجع
