الفصل الأول النغم الحزين أستحقك سندي ولكن ملحمة صعيدي اجتماعي رومانسي خطېرة بقلمي فاطيما يوسف حصريه وجديده

وقت بعد اكده لو شفتك هتعامل أمي وحش ولا هتخلي شيماء تقعد القعدة داي ولا تمد يدك على وشها أني ليا كلام تاني.
ورميت له الفلوس في وشه وشدت أختها
وراحت قربت من أمها وباستها من راسها وطبطبت عليها وهي بتسألها عن صحتها
طمنيني عنك يا حبيبتي تعبتي في الجلسة النهاردة معلش ما عرفتش أعدي عليكي الشغل كان كثير علي.
طبطبت أمها على ضهرها وهي بتطمنها
ما تقلقيش يا حبيبتي أني زينة وخيتك الصغيرة كانت هترعاني كيف ما انت موصياها علي ربنا يخليكي ليا وما يحرمنيش منك يا سندي ويعينك على حملك التقيل يا بتي.
ابتسمت لأمها ابتسامتها البشوشة رغم تعب الدنيا اللي فيها إلا إنها عمرها ما تحسسها بأي حاجة من تلاها دايما تقول لها إنها بخير وإنها أحسن واحدة في الدنيا دايما تبين لها إنها قوية رغم إنها بسبب الظروف اللي هم عايشينها بسبب أبوهم الجاحد بتقعد مع نفسها وټعيط كثير من غير ما حد يحس بيها لأن الضعف مش مسموح لها بيه.
واطمنت على أمها وداوتها ودخلت تذاكر لنص الليل ونامت على نفسها علشان تقوم من قبل الفجر تروح تشتغل قبل المدرسة شوية وبعدين ترجع.

في أوضة سند ومراتة كان قاعد بينفخ بضيق لأن هي مهملة فيه جدا وما بتديهوش حقه كزوج ومهما يلومها أو يعاتبها ما يفرقش معاها فقرر المرة داي إن هو يهددها فراح لها الأوضة اللي نايمة فيها مع ولادها صحاها من النوم اللي غرقانة فيه
قومي يا هانم رايدك في كلمتين معايزش أعلي صوتي علشان البنت ما تقلقش في نومتها.
اتململت في نومها وهي بترفع الغطا عليها وتبعد يدي
أني تعبانة طول النهار ومهلوكة وما قادراش أتكلم دلوك يا سند خلينا الصبح عاد.
قومي بقول لك علشان أني خلقي ضيق ولا طايقك ولا طايق نفسي ولا طايق الدنيا باللي فيها.
نفخت بض يق وقامت من على السرير وعينيها مليانة نوم ومشيت جنبه راحت على أوضتهم وأول ما دخلت قعدت على السرير وسندت ظهرها وغمضت عينيها وقالت له
يلا خد اللي انت رايده ما تطولش علشان أني تعبانة ولا في صحة ولا فيا حيل ليك.
زقها في كتفها وهو بيفوقها
انت إيه يا بني آدمة ما هتحسيش كيف الستات ومن إمتى وسند هيتعامل وياكي بالطريقة داي
لازم تشوفي لك حل في موضوع البرود بتاعك دي خلاص أني آخري جاب آخره وما هتحملش أكتر من اكده واصل.
بكل برود زي كل مرة ردت عليه وقالت له
واني ما قلتلكش اتحملني مېت مرة قلت لك اتجوز أني خلاص ما رايدهوش الموضوع دي ولا ليا فيه حيل أني عايشة أربي عيالي وصحتي على كدهم وطلعني من نفوخك.
والله عال أول مرة أشوف ست في الدنيا تطلب من جوزها يتجوز عليها بالسهولة داي ما عايزش أجيب مرة أب لأولادي ماعايزش أفرق البيت انظبطي زيك زي أي ست هتدي حقوقها لجوزها وهي ملهوفة عليه.
الستات اللي هتتحدت عنيهم دول فاضيين وما وراهمش حاجة وعندهم اللي هيخدموهم أما أني ولا هحب الخدامين أقرف منهم وما أحبش آكل ولا ألبس غير من عمايل يدي واني طول النهار تحت رجلين ولادك وبصراحة اكده الموضوع اللي انت هتطلبه مني داي كل يوم والتاني حاساه عبق علي ومانيش طايقاه ما هحسش فيه غير بالۏجع وبس وتضييع الوقت والراحة لجسمي.
ضړب سند كف على كف من طريقتها
والله مستغربك معقولة يكون في صنف حريم كيفك اكده يا دعاء بالرغم من إنك متعلمة إلا إنك ما هتفهميش حاجة عن معاملة جوزك وكمان عن احتياجات كل ست.
ما هو انت ما قادرش تفهم إن أني ما هحسش بالاحتياجات داي ما رايدهاش واصل واني من زمان أتحايل عليك تروح تتجوز وانت اللي رافض.
طب لما انت اكده اتجوزت ليه لما انت عارفة حالك مش ست زي الستات ورافضة حتى تتعالجي ليه ربطتيني بيكي
أني كنت عايزة أخلف والحمد لله خلفت وبقى لي عيال هراعيهم في صغرهم وهيراعوني في كبري وموضوع اللقاء الزوجي دي ما هحبهوش واصل واني متربية من صغري إن الحاجة اللي ما هحسهاش وما أحبهاش ما أعملهاش.
بس انت بطريقتك وبكلامك داي هتخلفي الطبيعة البشرية اللي ربنا خلق الست عليها
أهو ربنا خلق الستات كلاتها هتحس بالحاجة داي إلا أني ما هحسش بيها واصل وفي كتير منهم هيقضوا حياتهم وهيعيشوها من غير ما اللي قدامهم يحس أما أني هحس بالۏجع والقرف من الموضوع دي وكمان بطني  هتوجعني في كل مرة كنت هحاول ڠصب عني لكن كل محاولاتي بقت بالفشل أني ما عايزاش الموضوع دي يا سند فطلعني من دماغك وروح اتجوز وإذا كان على العيال اطمن عليهم أني ما هسيبش البيت ولا هتطلق منيك.
كانت جابت آخره خلاص لما صارحته بكلامها ده قولا وفعلا حاول معاها كتير بكل الطرق إن هي تبقى إنسانة طبيعية حتى لو كان هيمارس حقوقه معاها كزوج بطريقة الشدة مرة واللين مرة تانية والمسايسة مرة تالتة لكن في كل مرة كانت تثبت له إن هي مش قادرة تمارس الموضوع ده وفوق طاقتها فنفخ بضيق وشاور على الباب وهو بيقول لها
روحي نامي جنب ولادك بس يكون في معلومك إني راجل ولي حقوق وهتجوز.
ردت عليه وهي بتتتاوب وكأنه قال كلام عادي خالص
تبقى كسبت في جميل وعملت في معروف وريحتني من تلاك خليني أربي عيالي بهدوء وألف مبروك مقدما.
مع كل رد بترده كان بينصدم أكتر إزاي تكون دي ست طبيعية زيها زي أي ست وكل ده متحملها علشان بنته وابنه ما يتأثروش لأنه هيحبهم أكتر ما بيحب نفسه وقعد يكلم حاله
ربنا يسامحك يا أمي على الجوازة داي اللي ما كنتش رايدها من الأول وانت تقولي لي يا بنت خالتك يا هغضب عليك ربنا يسامحك.

وبتمر الأيام ونغم  ارتاحت نفسيا لحد ما في مرة لقيت طليقها داخل عليها براجل غريب فسألته
مين دي يا سمير وايه اللي جابك حداي اهنه اللي بيناتنا انتهى وربنا خلصني منيك ومن عشرتك السودة. 
سمير  كان بيبص لها بشوق ورغبه واخدها على جنب وهو بيقول لها 
وحشتيني يا نغومتي وحشني حضنك وايامك ودلعك ليا ولياليكي ما هعرفش اشوف ست غيرك. 
نفضت ايديه وهي هتبص له بقرف
وه هو دلوك حليت في عينيك! قبل سابق كنت ھټموټني في يدك وهتقولي يا باردة ومكنتش في نظرك ست كيف الستات.
وكملت كلامها وهي بتحذره پغضب
بعد يدك داي عني كاني لسه هجد عليك واصل! عملتها قبل سابق واختت مني نصيبك قبل ما تجبرني على جوازي منيك لكن دلوك  ما هسمحلكش تعملها يا سمير  وسيبك من حوار وحشتك لأني خلاص الحمد لله ربنا خلصني منكم ومن عشرتك للابد وما هتعرفش ترجع لي تاني ابدا مهما عملت ودي حكم الله شوف بقى هتعارض حكم الله كيف 
مرر لسانه على شفايفه وهو بيتغزل فيها وفي شراستها