رواية من الحب ماقتل الفصل الواحد والعشرين والثاني والعشرون والثالث والعشرون والرابع والعشرون والخامس والعشرون بقلم حبيبه الشاهد حصريه وجديده
انا عارفه هتقولي بنت اخويا و زي بنتي بس لا يا حج هي مراته و الراجل كرامته من كرامة مراته
محمد بص بعيد و هو زعلان من جواه على اللي حصل_ سبيه يومين و هبقى اكلمه انا نازل المحل
قال كلامه و نزل بصت لطيفه و قامت طلعت شقه عمار خبطت فتحلها عمار بصلها بجمود
نفين بهدوء_ هتسبني واقفه قدام الباب كدا كتير
عمار بتنهيده_ اتفضلي
نفين دخلت و هي بتدور عليها بعنيها_ فين خلود
خلود خرجت من الاوضه لما سمعت صوتها و قالت_ انا هنا يا مرات عمي
نفين تاملت ملامحها بحزن شديد و قالت_ تعالي يا خلود عايزكي
قعدت خلود جنبها و اتفاجئت ب نفين بتحضنها بحنيه و قال بسعادة_ معلش يا حبيبتي متزعليش من عمك هو ميقصدش
خلود بهدوء_ مفيش حاجه حصلت عشان ازعل منه هو في مقام بابا الله يرحمه
نفين بابتسامة_ الف مبروك يا روح قلبي
رفعت وشها بصت على عمار و قالت بسعادة_ الف مبروك يا حبيبي عشت و هشوف ولادك أنت و اخوك قدام عنيه
عمار قعد قدامها و قال_ ربنا يطولنا في عمرك
نفين بهدوء_ متزعلش من ابوك هو بس كان متفاجئ من الموضوع بس هو والله فرحان جدا و حتا كان عايز يطلع يشوفك بس انا قولتله لا سيبه يومين يهدي اعصابه و قالي ان هيعملك فرح الحاره كلها تتحالف بيها
خلود بعتراض_ بس انا مش عاوزه اعمل فرح بابا مكملش سنه على ۏفاته
نفين_ ليه بس يا حبيبتي لازم يتعملك فرح و تفرحي زي بقيت البنات
عمار بهدوء_ سبيها يا ماما على راحتها انا مكنتش هعمل فرح عشان عمي هنعمل حفله صغيره بمناسبة تخرجها و نعتبر الحفله دي الفرح اي رايك
نفين_ ماشي يا حبيبي اللي تعوزه بس عايزك تنزلها تقعد معايا تحت في الشقه لغيط الفرح
يتبع.......
