رواية نور الصعيد الفصل من ٢٧ الي ٢٨ للكاتبة رقية طارق

ندي من حضنها وهي تقول بهدوء نور انا عارفه ان دا مش وقته بس انتي لازم تعرفي حاجه
نور باستغراب حاجه ايه دي
ندي بتوتر قبل ما اقولك اي حاجه توعديني انك تسمعيني للاخر وتصدقيني
نور بهدوء قولي يا ندي سمعاكي
ندي اخذت شهيق وزفير عميق ثم قالت
ندي بهدوء نور انا اختك
الفصل ٢٨
قلت لأحلامي تعالي فتعالت
اخذت ندي شهيق وزفير اخرجت به كل ما تحمله في جوفها ثم قالت
ندي بهدوء انا اختك يا نور
نور بابتسامه طبعا اختي واكتر من اختي كمان
ندي بتوضيح نور انا مش قصدي كده انا قصدي ان انا اختك الحقيقيه بنت محمد الشافعي واللي في العنايه دي بتكون مامتك روقيه
فقدت نور القدره علي الاستيعاب عند هذه النقطه ثم قالت انا مش فاهمه حاجه اختي ازاي يعني وام مين اللي في العنايه جوه معلش
ندي بهدوء هفهمك كل حاجه بس لازم تيجي معايا دلوقتي
لتسحب ندي نور من يدها خارج المستشفي وذهبت نور معها بدون مقاومه تحاول استيعاب ما تقوله تلك الفتاه واتجهوا الي شقه ندي
نور بهدوء تحسد عليه ندي ممكن تفهميني احنا فين وبنعمل ايه هنا وايه الكلام اللي قولتيه دا
ندي فتحت باب الشقه ودخلت ثم قالت لنور ادخلي يا نور وانتي هتعرفي كل حاجه
وبالفعل دخلت نور لترا نهايه هذا الامر جلست علي اريكه في الصاله تنتظر تفسيرا
لتدخل ندي الي غرفه والدتها وتحضر معها بعض الاشياء ثم تاتي الي نور وتضع تلك الاشياء بجانبها قائله
ندي بهدوء من اكتر من ٢٠ سنه في قنا
كان في عيله كبيره اوي في الصعيد كان اسمها عيله الشافعي من اكبر العائلات في قنا الحج الشافعي الكبير بتاع العيله دي كان عنده ولدين الاول الكبير كان اسمه منصور
منصور حب بت من البندر والبنت دي كمان حبته لما عرض الموضوع علي ابوه ابوه رفض وقاله ان مش هيجوز واحده من البندر متعرفش اصولنا وعاداتنا وتقاليدنا وانه لو شاور بس نص بنات البلد هيلاقيهم قدامه الواد ثار علي ابوه ورفض وفعلا اتجوز البت اللي بيحبها ابوه ڠضب عليه وقاطعه قعد مقاطعه اكتر من ٣٠ سنه ابنه التاني بقا محمد كان الصغير شاف واحده عجبته وخطفت قلبه وعلشان كانت من الصعيد ومن عيله كبيره بس مش زي عيله الشافعي طبعا ابوه وافق واتجوزوا فعلا والبت حبته وهو كان بيحبها اكتر كل يوم عن اليوم اللي قبله بس دايما الدنيا مش بتدينا كل حاجه اخت جوزها واللي كانت اسمها سعاد كانت پتكرها علشان روقيه بيحكي وبيتحاكي البلد كله عن جمالها وادبها واخلاقها وعيلتها وكرهتها اكتر واكتر لما عرفت ان جوزها ابو عيالها كان يتجوزها عليها بس هي رفضته واللي اكتر واكتر ان الحج الشافعي كان بيثق فيها لدرجه ان كل مفتاح من مفاتيح اي حاجه في البيت معاها وكل الفلوس اللي في الخزنه تحت ايدها ومحمد دلوقتي اللي علي الحجر زي ما بيقولوا يعني هو اللي هيكوش علي كل حاجه بعدين ودا جننها اكتر يعني ايه يكوش علي كل حاجه يعني في الاخر هي هتاخد فتافيت ما هي البت وهو الراجل روقيه حبلت اول عيل سعاد وجوزها كانوا بيولعوا لما عرفوا لان كده الموضوع زاد عن الاول وممكن اللي جاي دا يتكتبله اراضي او فلوس بعدين
حاولوا بكل الطرق ان العيل دا ېموت بس كانت اراده ربنا اقوي منهم والعيل جا علي الدنيا بصحه كويسه كانت بنت زي القمر سموها نور علشان نورت حياتهم كانت