الفاروق عمر بن الخطاب الجزء الخامس والسادس

💢احنا سنة ١٣ هجري والجيش خلاص خارج وسيدنا عمر بن الخطاب ينصح أبو عبيد الثقفى قبل ما يخرج للقتال ويقول له شوية نصايح وقال له : « لا تحدِثَنَّ أمراً حتى تستشير أصحاب رسول الله"» ✋

ويتحرك الجيش من المدينة .. رايح على العراق ( على بلاد الفُرس ) .. وفى الطريق تحصل تلات معارك مش هنحكى تفاصيلهم لأن حتى كتب التاريخ مافيهاش تفاصيل كتيرة عنهم ، والتلات معارك واحدة اسمها النمارق وواحدة اسمها السقّاطية وواحدة اسمها باقسياثا .. وأنتصر المسلمين فيهم كلهم بقيادة أبو عُبيد الثقفي رغم أنها كانت معارك شديدة جداً 💪✌🏼

فى موقف بس جميل هنحكيه ،بعد ما أنتصر المسلمين فى واحدة من المعارك دى .. فأهل البلد حبوا يتوددوا لأبو عُبيد الثقفى بعد ما أنتصر عشان يحسسوه انهم معاه .. فعزموه هو والجيش على الأكل .. فجهزوا الأكل وراحوا لأبو عُبيد الثقفىّ بقصعة مليانة لحم مشوى وحاجات كتير .. فأبو عُبيد بص للأكل ( ده قائد الجيش) ،فقال لهم : هل أطعمتم الجُند مثله ؟ فقالوا : لا لم يتيسر لنا ، فقال : إذاً لا يسعنى ما لم يسع الجيش ،أدفعوا عنى هذا الطعام ..
فمشيوا وبعدين رجعوا تانى وعزموا عليه أنه يأكل ..
فقال: هل أطعمتم الجُند مثله ؟ فقالوا: والله أطعمنا الجُند أولا قبل أن نأتيك بالطعام ً..
فقال : إذاً الآن فنعم .. وبدأ يأكل ..

فأول ما حطوا الأكل قام وقف على هضبة ينادى الجيش ويقول .. أجلسوا كلوا معى فلن آكل لقمة بدونكم ( رغم أنه عارف أن الجنود لسه واكلين ) شايفين القائد أبو عبيد كان جميل إزاى ! .. قد إيه جيوش المسلمين كلها حب وعدل وتسامح ومساواة عشان كده كان كل ما جيش المسلمين يدخل بلد .. كانت البلد تنبهر جدا بجيش المسلمين 🤗

💢طيب أتحرك أبو عُبيد الثقفي بالجيش ووصلوا لبلاد الفُرس وأنضم لجيش المسلمين اللى كان هناك اللى كان قائدهم "المُثنى بن حارثة".. وعند منطقة فيها جسر ضخم جداً هتحصل معركة شديدة .. شخصية أبو عُبيد شخصية جميلة وهو شخص عادل جداً بس متحمس جداً والحماسة الزايدة بتبقى فى غير موضعها أحياناً وبتسبب كوارث .. وللأسف هتحصل کاړثة هنعرفها سوا فى معركة الجسر اللى ضد الفرس ✋✋

طيب مين قائد جيش الفرس ؟ واحد اسمه رستم ..
أصل كِسّرَى حاكم الفرس ماټ وتولى ابنه يَزّدَجُردْ الحكم بس كان قاصر .. فمسك الحكم مؤقتا واحد اسمه "رستم"، ( على فكرى كلمة " كِسّرَى " دى لقب حكام الفرس عموما .. فالابن بردو هيطلق عليه اسم كِسّرَى )

المهم تولى رستم القيادة .. معاك كام جندى يا رستم ؟🤔
حوالى ٧٠ ألف جندى !! ومعايا كمان نوع جديد من الأسلحة سلاح مُخيف !! سلاح منتشر جداً فى بلاد الفُرس وغريب على المسلمين .. إيه هو ؟ الأفيال ✋✋ ...
جنود الفرس مش كلهم هيركبوا على الخيول .. لأ .. فى منهم هيركب أفيال .. وطبعا ده سلاح المسلمين مش مهيئين له نفسياً ولا حتى خيول المسلمين .. لأن الخيول پتخاف من الأفيال ( الفيل ضخم جداً ومجرد ما يدهس البنى آدم بېموت فى ساعتها ) ..

الفرس معاهم كَم فيل ؟ ١٠ أفيال ، وهيحطوهم فى مقدمة الجيش .. طيب جيش المسلمين كام جندى ؟🤔
حوالى ١٠ آلاف يعنى قليل أوى بالمقارنه بأعداد جيش الفرس

وصل جيش المسلمين عند ضفة النهر .. فبيبصوا الناحية التانية فلاقوا مين واقف ؟ قائد جيش بلاد الفرس وجيشه الكبير وفى المقدمة لاقوا أفيال .. شكل الأفيال مهيب .. وعلى كل فيل راكب جندى ماسك سيفه والأفيال كلها بيتقدمهم فيل أبيض كبير راكب عليه قائد قوى تم تعيينه عن طريق رستم وكان اسمه "بهمن جاذويه" ..

فدلوقتى المسلمين واقفين على ضفة النهر والفرس واقفين على الضفة التانية فهيحصل مُراسلة بين جيش المسلمين وبين جيش الفرس عشان نوصل لإتفاق ( لازم قبل أى حرب يحصل بين الجيشين مفاوضات ممكن يحصل أتفاق وصلح .. وبرده ممكن مايحصلش صلح ويتم القتال فى الآخر ..

💥 ياترى ايه اللي هيحصل في معركه الجسر 🤔✋..

رضي الله عن عمر الفاروق وعن الصحابه والتابعين وصلي اللهم وبارك على سيدنا محمد وعلى آل سيدنا محمد ❤️

هنكمل بكره ان شاء الله
صحابه_رسول_الله ﷺ
💢💢💢💢💢💢💢💢💢