رواية التائهه الفصل الاول بقلم الكاتبه إيمان محمد حصريه وجديده
رواية التائهه الفصل الاول بقلم الكاتبه إيمان محمد حصريه وجديده
حين هبطت الطائرة تفاجئ فادي بصديقه يوسف يستقبله بترحاب عاش من شافك يا وحش.
إنت بتعمل إيه هنا!
زوى يوسف جانب فمه ساخرا لأ واضح إنك فرحان برؤيتي.
حمحم فادى بحرج مش قصدى يا يوسف إنت عارف.
قضب يوسف جبينه بضيق مصطنع إخص عليك وأنا اللى سبت الغسيل منقوع والمواعين بصابونها وسربت العيال عند الجيران عشان أجي أقابلك يا وحش.
إتسعت عينا فادي ووضع كفه على فم يوسف ليسكته الله يخربيتك فضحتني أنا مش لوحدي.
دفعه يوسف بضيق إوعى كده كتمت نفسي إيه ده ريحة إيدك مزعجه!
نظر فادي إلى يده ثم إلى يوسف وأسرع بوضعها على فم يوسف مجددا طب أهوه شم يا حبيبي مش جاي تقابليني إستلم بقى.
دفعه يوسف ليلتقف أنفاسه يخريبت مخك أنا بكره ريحة الجلد الجديد.
زوى فادي جانب فمه ساخرا إبقى قول لأمك الكلام ده.
رفع يوسف حاجبه متعجبا أمي!!
فأومأ له ببسمة بلهاء ثم أوضح أصل هيا اللى مهدياني بالشنطه وحلفت مانا مسافر إلا بيها على العموم شكرا لإستقبالك اللى مكنلوش لزمه.
قضم شفته السفلية بغيظ وعيناه تبرق بوعيد جعل فادي يتراجع للخلف خطوتين ويرفع كلا يديه مستسلما وقبل أن يتحدث وجد وجه يوسف هدأ وتجمد وهو ينظر خلفه فتتبع نظره ليجده ينظر إلى كارما التى ټتشاجر مع الحمال من أجل حقائبها الثمينة وحين وصلت لم تنتبه لوجود يوسف وتأففت بضيق.
مش كانو ينزلونا باريس عالأقل أعمل شوبنج حلو هعمل إيه أنا ف لندن!
فأجابتها ملك بملل إحنا مش جايين نتفسح يا كارما.
فأشاحت الأخرى بوجهها عنها بضيق فإلتقت عيناه بعينان ظنت أنها لن تراهما مجددا عينان ظنت أنها نسيت عشقهما وتجمدت دمائها لنظراته المشتاقة وتعجب كل من كان حولهما عدا فادي لحالتهما الصامتة تلك حتى أتى المشرف ليخبرهم بضرورة التحرك فأفاقا من شرودهما.
تجمعوا حول المشرف الذى أعطاهم إسم وعنوان الفندق تقدروا تروحوا مطرح ما يعجبكم شرط مفيش تأخير لبليل بس متصرفوش فلوسكم كلها عشان هتحتاجو تشتروا مؤن للرحله إحنا هنسافر لأقرب مدينه للجزيره ومنها هناخد مركب للجزيره وهناك هنقابل المسؤليين اللى هيرشدونا على النظام هناك بس هناك مفيش بيع وشړا أكل الشړا من المدينه كل واحد هيشترى من فلوسه فبلاش تضيعوها هنا ولو معكوش دولارات كفايه أو نسيتو تغيروا عمله ف مصر فى بنك قريب من الفندق تقدروا تبدلو هناك لأنهم ف المدينه بيتعاملو بالعملات الدوليه زى الدولار والإسترلينى واليورو العمله المصريه بالنسبه ليهم غير متداوله لأن نادرا ما بيجي مصريين هنا أي أسئله
صمت الجميع فإبتسم بوقار ممتاز يبقى نتحرك اللي هيروح أي مكان لازم يخطرني بيه وممنوع التأخير.
نظر فادي إلى نسمه التى تنظر بداخل حقيبتها بحزن فإقترب ببطأ وهمس لها إيه اللى مضايقك
إرتبكت وأغلقت حقيبتها سريعا وإرتدتها متصنعة الهدوء مفيش حاجه عن إذنك.
قضب جبينه وهو يتابعها تبتعد عنه وتوترها الواضح يزيده قلقا وإذا بيد تربت على كتفه ودون أن يستدير كان يعلم أنه يوسف مالك ياصاحبي
مش عارف مالها كانت كويسه لحد ما المشرف وقف يتكلم.
إنت مش سبق وقولتلي إن ظروفها الماديه وحشه وأبوها وأمها ميتين مش كده
أومأ له بصمت فأردف يوسف طيب ياجدع مفهومه.
قضب جبينه للحظه ثم أدرك مقصده كيف غفل عن هذا مؤكد ليس معها مالا وفيرا وتذكر أنها كانت تبدو مرتاحه حين قيل أن الرحله مجانيه لكن يبدو أنهم كان المقصد من مجانية الرحلة هو الإقامة وثمن التذاكر فقط المشكله
