رواية الغزالة والصياد الفصل الاول والثاني والثالث بقلم سلمى خالد حصريه وجديده
رواية الغزالة والصياد الفصل الاول والثاني والثالث بقلم سلمى خالد حصريه وجديده
داليدا بنوته جميله هاديه ورقيقه لكن وقت الجد تلاقيها تعرف تتصرف هاديه لكن بتعرف تاخد حقها لسانها وقت اللزوم بيبيقي زي المبرد كل إللي يشوفها يحبها
يونس شاب وسيم جذاب صعب بنت تشوفه متحبوش راسي وتقيل مش أي بنت تعجبه مش أي وآحده تتدخل دماغه لما بيكون عاوز حاجه بيعرف ياخدها مهما كانت
ميار صديقه يونس أو هي بتقول كده من بره لكن ف الحقيقه هي بتحبه ومش مخلياه يغيب عن عنيها زي ما بيقولو كده شريره الفيلم
أدم صاحب يونس الانتيم بيحب ميار وعارف إنها بتحب يونس وبرضه متأكد إن يونس مستحيل يفكر فيها هي بالنسبه ل يونس صديقه وبس جدع وصاحب صاحبه مستحيل مهما كان مشغول يتأخر عن يونس
أمل صاحبه داليدا صديقه بجد الواحد يقدر يعتمد عليها حافظه اسرار داليدا وحلاله العقد ولما آلأتنين بيتجمعو ف مكان واحد صعب متحصلش مصېبه وربنا يستر علي القصه
يامن الصديق الثالث ل يونس وادم بعد التخرج إشتغل معاهم شويه وقرر ينقل نفسه لفرع الشركه ف لندن وحنعرف ليه ف القصه
الفصل الأول والثاني والثالث
صباح الخير يا داليا
صباح الفل علي أحل عيون ف الدنيا
آنتي يا بنتي مش حتبطلي بكش خالص يلا قومي افطري عندك كليه بدري خلاص هانت كلها كام شهر وتخلصي
حاضر علشان خاطر عيون القمر بس
فطرت داليدا ونزلت راحت الكليه ومامتها راحت الشغل ومرت الايام إللي كلها زي بعضها وف يوم كانت داليدا خارجه من الكليه رن تليفونها كان رقم مامتها لكن مش مامتها إللي ردت كان صوت غريب
آلو داليدا معايا
آيوه مين حضرتك
أنا عمك مصطفي يا بنتي معرفه والدتك
أهلا بحضرتك بس معلش حضرتك بتتكلم من تليفون ماما ليه
أصل يا بنتي أنا كنت بخلص شويه حاجات ف الشغل عند مامتك ولما خلصنا شوفتها تعبانه شويه عرضت عليها أوصلها وهي وافقت ولسه العربيه حتطلع لقيتها أغمي عليها أخدتها وديتها مستشفي ولما فاقت أول حاجه قالتها أنا عاوزه أشوف بنتي داليدا
داليدا بخضه وحزن أنا جايه مسافه السكه
خرجت داليدا من الكليه بتجري خبطت ف عربيه وقعت علي الارض بس الحمد لله محصلش حاجه
خرج إللي كان راكب العربيه وبكل غرور بصلها كده من فوق ل تحت وقالها
مش تبصي قدامك ولا اتعميتي كده خبطي العربيه كنتي حتطبقيها
بصتله داليدا وبقها مفتوح من صډمه إللي سمعته دا كان في وآحده ممكن كانت ټموت وهو كل إللي هامه العربيه إللي كانت حتتطبق
تلاقي أمك إللي جايبهالك إنت عارف لو كنت فاضيلك كنت رديت عليك رد يليق بيك بس حظك إني مش فايقه ارد عليك يلا روح لحالك
وكملت داليدا جري وسط لمه الناس واستغراب منه علي الكلام إللي أول مره يسمعه دا مفيش بنت شافته إلا ووقعت ف غرامه من أول نظره دي الوحيده إللي هزقته وايه ادام الناس كلها
ركب عربيته وهو ف قمه غضبه وبيحلف إنه لازم يعرفها مين هو وإزاي بنت مطلعتش من البيضه تقف وترد عليه بس للأسف م يعرفش حاجه عنها ولا حتي إسمها
ركبت داليدا تاكسي وراحت علي المستشفي دخلت علي الاستقبال
لوسمحتي في مريضه هنا باسم سوسن عبد السلام عاوزه أعرف مكانها فين
حضرتك مين
أنا بنتها
انسه داليدا اتفضلي معايا أنا حوصلك لوالدتك
مشيت داليدا مع واحد من موظفين الاستقبال وهي مش فاهمه حاجه مستشفي خاصه وحد بيوصلها ل مامتها لا إيه ده كمان جناح مخصوص لا أنا لازم افهم أنا مش فاهمه حاجه
