رواية الغزالة والصياد الفصل الاول والثاني والثالث بقلم سلمى خالد حصريه وجديده

كتر خوفه عليا اتجوزني وجابلي شقه صغيره كنت فرحانه بالعش الصغير إللي عايشه فيه مع حبيبي و ف يوم صحيت علي صوت الباب إللي بيخبط خبط مش طبيعي باباكي مكنش موجود روحت افتح الباب لقيت جيش لابس اسود ف اسود وف وسطيهم آتنين رجاله ليهم هيبه واحد كبير ف السن و التاني أصغر منه زي ما يكون ابنه بس إللي لفت نظري إنهم فيهم شبه من باباكي فوقت من الصدمه علي صوت الراجل الكبير
Flash back
عاوزه كام وتسيبي حفيدي
حفيد مين حضرتك أكيد غلطان ف العنوان
هههههه حتعملي فيها عبيطه بقولك إيه أنا عارف اشكالك كويس بس أنا معنديش مانع ادفع زياده واوعي تفكري إني مصدق إنك مش عارفه حاجه
حضرتك أنا فعلا مش عارفه ولا فاهمه حاجه حفيد مين حضرتك أنا لسه متجوزة جديد وزي ما إنت شايف أنا كمان لسه ف أول جوازي يعتي حتي معنديش أولاد
ههههههه لا بجد برافو تصدقي دخلت عليا بس برضه هاتي من الاخر عاوزه كام والمبلغ إللي حتقولي عليه ايا كان أنا حدفعه أنا معنديش اغلي من حفيدى
طيب وآحده وآحده عليا أنا بجد مش فاهمه بس محتاجه افهم بما إن حضرتك مصمم إن حفيدك عندي
جوزك الاستاذ مصطفي يبقي حفيدى
إزاي مش فاهمه أنا جوزي صحيح إسمه مصطفي بس جوزي ابن موظف صغير ف الشهر العقاري
هو قالك كده طيب ومالو سهلتي علينا كتير تاخدي كام وتسيبيه
ولا كنوز الدنيا تغنيني عن جوزي وحبيبي ولو هو صحيح ابنكم دا ميعارضش إنه جوزي واذا كان علي خوفكم من إني أكون طمعانه فيه ف اتطمن خالص أنا مش عاوزه غيره ف حياتي والاربع حيطان إللي عايشه فيهم ولا حطلب منكم أي حاجه
ههههههه لا هو آنتي مصدقه إنه أصلا بيحبك آنتي أصلا مجرد نزوه ف حياته هو لو كان بيعتبرك حاجه ف حياته كان قالك أصلا هو يبقي مين كان أتشرف قدام الناس بيكي لكن آنتي نزوه حاجه كده متشرفش خاېف الناس تعرف إنك مراته أو حتي تعرفيه لإنه بيستعر من معرفته بيكي لإنه خاطب بنت ناس محترمين وطبعا الناس دول مش من طبقتك هه باين عليكي حامل ولسه جوزك ميعرفش
نصيحه مني ليكي لو خاېفه علي إللي ف بطنك اختفي من أدامه ويا سلام لو كرهتيه فيكي وخلتيه يطلقك
لا طبعا عمري ما اتخلي عن جوزي دا كل حياتي
عمااااااار شوف شغلك يا عمار الاشكال دي شكلها مش بتعرف التفاهم بالذوق إحنا جربنا معاها بالذوق
مسك البودي جارد إللي إسمه عمار يديها وكان ضخم الچثه طول بعرض حاجه تخض وبدء يكتفها ويضرب فيها وبيحاول الاعتداء عليها لكن هي فضلت تقاوم لحد ما قوتها خلصت مبقيتش عارفه ولا حاسه بأي حاجه واغم عليها
فاقت وهي ف المستشفى بعد ما حد من الجيران أنفذها من الڼزيف إللي كان ممكن بسببه تفقد جنينها
اختفت فتره وبعد حوالي ١٠ ايام قرت ف الجرايد إنه أتجوز بنت واحد من اغني أغنياء البلد وكانت الفرحه باينه جدا علي وشه قررت تبدأ حياتها من أول وجديد بعيد عنه خلاص كل حاجه بقت واضحه فعلا كانت نزوه فعلا هي ملهاش أي قيمه ف حياته
End flash back
ظهرت جدتك وعرفت إنها هي إللي سجلتك حاولت تعرض عليا فلوس تساعدني علي المعيشه خصوصا إني كنت بشتغل مع الدراسه ومعايا طفله رضيعه مش معايا أي حد يرعاني او يرعي بنتي وربيتك وبقيتي عروسه تملي العين والقلب
والدك ظهر ف حياتي من آكتر من ٣ سنين وكنت عارفه أنو مراقبني بس أنا عملت نفسي مش واخده بالي يمكن يزهق ويبطل لكن كل الظروف كانت معاه لازم الاقيه طالعلي ف حته ف أي مكان بيساعد أو بعلاقاته بيخلص أوراق بيساعدني من غير ما اطلب حاجه خالص ولحد دلوقتي أنا رافضه وجوده ف حياتي علي قد حبي ليه مش حقولك بكرهه لكن خلاص اتعودت علي بعاده بقي قربه مني حاجه غير مرغوب فيها
ودي يا بنتي الحكايه من الأول للاخر ويا ريت تكون دي فعلا النهايه خلاص أنا تعبت وكمان خلاص أيامي ف الدنيا بقت معدوده مش حمل تعب زياده علي تعبي خلاص يا بنتي العمر مبقاش فيه بقيه
بعد الشړ عليكي يا ماما أنتي لو جرالك حاجه أنا مش حعرف أعيش من غيرك طيب شوفي إللي آنتي عاوزاه إيه وأنا اعمله
رد مصطفي. أنتم حترجعو معايا البيت
مين دول إللي حيروحو معاك إنت بالنسبة لينا راجل غريب مش علشان عرفت إنك بابا يبقي حتنازل لا لالالالالالا
لا طبعا حتيجو معانا مامتك أصلا لسه مراتي أنا مطلقتهاش ولا عمري ما حطلقها في حد يقدر يعيش من غير روحه دا أنا حسيت إن أنا عايش بس لما عرفت إللي حصل وعرفت إن عندي بنت ارجوكي متحرمنيش منكم بعد ما لقيتكم
بعد الحاح جامد من والدها ووالدتها وافقت داليدا علي إنها ترجع ولكن كانت المفاجاه. 
تفتكرو إيه هي المفاجأه إللي صدمة داليدا 
عاوزه أعرف توقعاتكم للحلقه إللي جايه واكن مني كل الاحترام والتقدير
سلمي كحله