رواية رضوخ للعشق الأخير بقلم الكاتبه قسمة الشبيني حصريه وجديده
رواية رضوخ للعشق الأخير بقلم الكاتبه قسمة الشبيني حصريه وجديده
قبل ما انزل خاتمة كتاباتى عاوزة أقول كلمة صغيرة من يوم الثلاثاء الماضي طلبت منكم رفع الألبوم بألف كومنت وطبعا ده ماحصلش لحد دلوقتي ودى مش أول مرة اطلب دعم وتبخلوا بيه طبعا لا أنكر فضل وذوق ناس كتير بس انا بتكلم عن السواد الأعظم من أعضاء الجروب.
عامة انا هنزل الخاتمة للرواية حالا فى نفس المنشور بس حبيت اقول أنها خاتمة كتاباتى كمان يعنى مفيش روايات بقلمى هتتنشر تانى ماعدا قصة هتنزل على جروب في العيد لأنى وعدت بيها ومااحبش ارجع في كلمتى.
أسعد الله ايامكم وشكرا لكل شخص آمن بقلمى بس انا تعبت ومابقاش فيا جهد للمقاومة
أراكم على خير.
__________________
مر عدة أشهر نجح خلالها هلال بإقصاء كل مخاۏف أمينة سواء المتعلقة بعلاقتهما أو التابعة لتعرضها للتعدى وأصبحت الحياة تسير بسلاسة أكثر وانتظم كل منهما في عمله لكن مؤخرا تعانى أمينة من أول وعكة صحية شديدة منذ زواجها ليرى هلال من خلال تعاملها مع الأدوية والجرعات كم عانت في حياتها القصيرة.
تم تحديد موعد لزفاف مهيب وجمال بنفس اليوم وبدأت الإعدادات للزفاف الوشيك لتشعر أمينة بالتقصير نتيجة تلك الوعكة الصحية رغم أن صديقتها ملمة بحالتها بشكل كامل .
عاد هلال للمنزل مساءا فى الموعد المحدد لجرعة أمينة والتى تحقن نفسها بها حقن وريدى بطئ رفعت عينيها فور دخوله ليقترب فورا
_ اتأخرت عليكى معلش
_ ماتخافش يا هلال انا متعودة على كده
تلك النبرة المكتومة التى تعبر عن سوء حالة صدرها وعدم تمكنها من التنفس تؤلمه بشدة .
أنهت جرعتها لينظف هو الفوضى حولها بسرعة
_ ارتاحى يا أمينة وانا هجهز الأكل
_ مش جعانة يا هلال
_ مفيش الكلام ده المفروض تاكلى قبل المضاد الحيوي انا بردو شايف جرام مرتين كتير اوى
ابتسمت بشحوب زاد مع صعوبة التنفس التى تزداد بينما اتجه للخزانة لتبديل ملابسه انتبه لصوت تنفسها العالى لينظر نحوها فيفزع لما يراه من تلاحق أنفاسها وشعورها بالاختناق مع ألم بالصدر نبأ به ضغطها فوق صدرها
_ مالك يا أمينة
اسرع يقدم لها البخاخ الذى لم يفد نهائيا ولم تهدأ أنفاسها بل ازدادت توترا وهى تتمسك به
_ ودينى الصيدلية المضاد عمل لى حساسية محتاجة تركيبة مضاد حساسية
بالكاد استمع لصوتها ليحملها فورا إلى الخارج يعلم مدى حساسيتها لرؤيتها بهذا الضعف لذا أتجه للدرج الخارجى بعيدا عن أنظار أهل المنزل .
فى خلال دقائق كان يتجه للمشفى فهو لا يثق سوى بالأطباء.
لم تقو على السير ورفض استخدام المقعد المتحرك ليحملها نحو الطوارئ ويلحق به طبيب وممرضة
_ مالها حصل إيه
_ اخدت حقنة مضاد حيوي بس كانت واخدة امبارح وعاملة اختبار حساسية.
_ طيب معلش اهدا اوقات الجسم بيعمل رد فعل غير طبيعي مع الأدوية عارف اسم الحقنة
_ هى عندها ربو . ايوه معايا الروشتة
أمر الطبيب لها بتركيبة دوائية فورا وجلسة تنفس لتهدئة حالة الرئتين مع دخول مهيب الفزع
_ فى إيه يا هلال
_ انت عرفت منين
_ سلمى شافتكم فى العربية وهى مروحة كلمت جمال وهو كلمنى لأنه فى القاهرة
_ الحمدلله خير .
بدأت أنفاسها تهدأ لتغمض عينيها فيهزها هلال
_ أمينة مالك
_ كويسة يا هلال باخد نفسى
_ خليها ترتاح يا هلال بلاش كلام
مر نصف ساعة تقريبا قبل أن يعود الطبيب للغرفة متفقدا تحسن حالتها
_ حاسة انك قادرة تتنفسى ولا تاخدى جلسة تانية
_ لا احسن
_ لاحظتى بقع حمراء أو كدمات أو حكة قبل ما تيجى
_ مالحقتش يا دكتور
حدة هلال لم توقف
