رواية رضوخ للعشق الأخير بقلم الكاتبه قسمة الشبيني حصريه وجديده
يشير للخزانة
_ الفلوس فى الدولاب خدى اللى انت عاوزاه
_ تعرف من يوم ما شوفتك وانا قولت انك هتبقا زوج صالح ينفع اخد ألف جنيه نكمل الشهر
_ ينفع يا امينة تعرفى انا بفرح لما تطلبى منى فلوس رغم أنه معاكى بحس انك بتعتمدى عليا
_ لا ده بخل منى بلاش مشاعر بلا هدف عيالك برة وعلى فكرة دورك في كتابة الهوم وورك مع زياد
لم تتوقف ضحكاته لتتجه نحوه مظهرة ڠضب وهمى وتجذب شقى سترته ليقترب منها بلا مقاومة
_ بطل تحلو كده خطړ عليك
عجز عن كبت ضحكاته كالعادة لكنه احاطها ونزع سترته فورا لتدفعه عنها
_ في هوم وورك مستنيك
وغادرت الغرفة عائدة للمطبخ بينما اتجه للخارج حيث يجلس طفليه جلس بجوار زياد الذى فتح كتابه فورا
_ ها يا استاذ زياد ورينى عملت ايه قولى الأول عامل ايه مع مس العربى الجديدة
_ عينيها زرقا
_ انا مالى بعينيها المهم بتفهم منها
_وبيضا وشعرها اصفر
اقترب برأسه من صغيره ليتابع هامسا
_ وانت عرفت لون شعرها ازاى
_ أصله ناعم اوى وبينزل من الطرحة
انتفضا معا على صوت أمينة التى تسمع الحوار منذ بدايته
_ يا سلااااام!!! عينيها زرقا ده انا هخلى عيشتك كلها زرقا
_ استنى بس يا أمينة ده عيل
_ وانت مهاوده في الكلام وبتوطى صوتك! عجباك ام عيون زرقا يا هلال خلاص ناوى تخونى
_ اخونك إيه بس يا أمينة استهدى بالله انا بستفهم من الواد
_ طيب مش قعدالكم فى البيت
_ لا حول ولا قوة إلا بالله استنى بس يا أمينة رايحة فين.. عاجبك يا عم زياد انت والمس بتاعتك
غادرت ركضا مستخدمة الدرج الخارجى بينما اتجه للغرفة فورا يعيد ارتداء سترته ثم يحاول اللحاق بها غادرت ووقفت بجوار البوابة ونظرت في الاتجاهين ثم جلست فوق الرصيف تنتظر أن يلحق بها هلال شعرت به يقترب ليتوقف بقلق
_ بتعملى إيه يا أمينة
_ بكعبل العربيات
تنهد ومسح شعره بإرتياح فهى لم تنتوى المغادرة من الأساس جلس بجوارها بنفس الوضعية لتنظر له باستنكار
_ بتعمل ايه
هدوس على العربيات اللى انت تكعبليها .
ضحكت معه ثم نظرت للداخل بترقب
_ لو طنط وداد شافتنا دلوقتى هتقول امته هتعقلوا علشان ولادكم !
_ بتقلق امى بزيادة على العيال بقولك ايه تعالى نطلع ونبعتهم يقعدوا معاها شوية زمانهم وحشوها
_ تصدق فكرة وبالمرة تصالحنى لأنى زعلانة من كلامك على ام عيون زرقا
_ أمينة انا عمرى ما ابص لغيرك كلمة ستات عندى ليها معنى واحد أمينة
_ ما أنا واثقة فيك يا هلال بس فرصة جت لى انكد عليك ولازم استغلها واعمل زعلانة وانت لازم تمشى على الخطة وتصالحنى
_ انا همشى على الخطة تمام بس الواد زياد عاوز رشوة دلوقتى علشان مانتهزقش بسببه
_ ايوه وطنط تقولى ده مش من كحك التفريقة ده اعز الولد
تقدم محيطا كتفيها برضا تام عن حياته التى تملأها مرحا وسعادة منذ رضخ لقلبه وتبعه حتى عشقها فوجد معها كل ما تمنى من سعادة ليثق أن رضوخه للعشق كان افضل قرار اتخذه بحياته تلاه فورا إتباع هذه المچنونة حتى اسكنها بيته بعد استعمارها قلبه.
لم يظن يوما أن أي رضوخ قد يرضى شخصية استقلالية مثله لكن مجرد رؤية نفسه بعينيها يعنى له السعادة.
تمت بحمد الله
