نوفيلا صدفة لم تكن عابرة للكاتبة شمس محمد الفصل الثالث والرابع حصريه وجديده

نوفيلا صدفة لم تكن عابرة للكاتبة شمس محمد الفصل الثالث والرابع حصريه وجديده 
حينما أقول أنك جميلة أقصد أنك تشبهين نجوم السماء لربما مضيئة و قوية ولامعة لكنك بعيدة و قد يكون هذا هو عيبك الوحيد.
صفعه رائف على وجهه ثم قال بغل دفين كتمه في قلبه لفترة طويلة من ذلك الفظ
أتمنى القلم دا يكون عرفك أنا مين أنا رائف العزايزي يعني لو على الشړ ناوي ف محسوبك ليه غاوي
جخظت عيني منة بذهول حتى الجمتها الصدمة من فعل رائف الذي اسودت عينيه بظلمة ثم اقترب من ماجد يمسك تلابيبه ثم ألصق ظهره بالحائط خلفه ثم تحدث بنفس الغل وهو يضربه بالحائط خلفه.
مفيش دكر بيمد أيده على بنات الناس حتى لو تخصه إلا لو شبه دكر بقى ساعتها فيها كلام تاني
تحدث ماجد بصوت مخټنق إثر كف رائف الموضوع على عنقه أبعد إيدك يالا بدل ما اضيعك أنا أبعد أحسنلك
قام رائف بالضغط على عنقه أكثر ثم قال پغضب هات اللي عندك كله و أنا شاري
اقتربت منة في تلك اللحظة منهما تقول بتوسل سيبه يا رائف لو سمحت سيبه و خليه يروح لحاله و كل واحد يمشي من طريق.
انتبه رائف لتواجدها بينما هي قامت بخلع الخاتم الذي يتوسط اصبعها ثم مدت يدها به و هي تقول بثبات لأول مرة اتفضل يا ابن الحلال دبلتك أهيه كل واحد فينا يشوف طريقه إحنا ملناش نصيب مع بعض
احتلت الصدمة معالم وجه كلاهما و خاصة ماجد الذي أغلق أهدابه ثم فتحها مرة أخرى و هو يقول بنبرة جامدة أنت تسيبيني أنا نسيتي نفسك ولا إيه
قبل أن تهم بالرد عليه تفاجأت ب رائف يلتفت له و هو و يقول بتهكم رغم ثبات حديثه أنا متأسف أني قولتلك إنك زي الجاموسة أنت أكيد تور على العموم أنت اللي متطولش إنك تشوفها أصلا
مسحت منة دموعها ثم قالت بنفس الثبات الواهن اتفضل يا أستاذ ماجد ربنا يعوضك بواحدة شبهك و تعوضك عن كل حاجة كنت تتمنى تلاقيها فيا بس محصلش لكن أكتر من كدا أنا مش هقدر
أخذ منها الخاتم ثم قال أنت الخسرانة يا منة براحتك.
قبل أن يغادر أوقفه رائف بقوله اللي كسبان نفسه مبيخسرش حاجة
الټفت له ماجد فيما أشار رائف نحو عقله و هو يقول مؤكدا احفظها كويس الكسبان نفسه مخسرش حاجة ولا بيبكي على حاجة طريقك سالك إن شاء الله
ابتسم ماجد بسخرية ثم رحل من أمامه بينما الټفت رائف لها يسألها بلهفة أنت كويسة عملك حاجة
انتبهت لطريقته الملهوفة عليها لذا أمعنت النظر في وجهه فقال هو مسرعا مالك أوعي تكوني زعلانة عليه دا واحد ژبالة اقسم بالله لو كنت بنت و سيبت واحد زي دا لكنت رقعت زغروطة وقعت حيطان البيت دا من فرحتي بصراحة أنا راجل أهو و ھموت و أعمل كدا
قال جملته الأخيرة بحرج جعلها تضحك رغما عنها من بين دموعها المتعلقة بأهدابها فقال هو بمرح يا سلام! هو دا الكلام.
رفعت كفها تمسح وجهها ثم قالت بوجه مبتسم عن اذنك يا رائف هطلع أشوف مصعب
حرك رأسه موافقا ثم رفع يحك فروة رأسه من الخلف حتى اختفى أثرها من أمامه فزفر بعمق ثم قال بخيبة أمل متحسرا على حاله
مكتوبلي اتفرج على النجوم بس الظاهر مليش نصيب أخد واحدة منهم لحسابي ياريتك كنتي قبلتي بيا
تنفس بعمق ثم صعد للأعلى بعدها بثوان بعدما شرد بها و في حاله.
في غرفة مصعب كان جالسا على الفراش يتصفح مواقع التواصل الاجتماعية حتى وجد منة تركض نحوه ثم احتضنته و هي تقول بلهفة باكية
كان معاك حق أنا كنت هضيع نفسي يا مصعب الحيوان كان هيمد أيده عليا كان هيضربني
كانت تبكي بحړقة و حسرة على قلبها المكلوم بينما هو طوقها بذراعيه ثم سألها بحيرة
مالك يا منة و مين دا اللي كان هيضربك أوعي تقولي ماجد أقسم بالله اموته فيها.
ابتعدت عنه تمسح وجهها ثم قالت بصوت مخټنق نتيجة البكاء هو يا مصعب شد معايا في العربية شوية و بيقولي مش هنلف و نحدد من هنا عاوزين إيه قولتله إني عاوزة أروح كذا مكان لقيته بيقولي أني مش بفهم و غبية و
بكت من جديد فرفع كفه يمسح دموعها ثم قال بنبرة هادئة أهدي و كلميني بالراحة زي بكلمك يا منة.
انتحبت بشدة ثم قالت اتعصبت لما قالي غبية و قولتله احترم نفسك و كلمني كويس صوتك ميعلاش عليا لقيته پيصرخ في وشي نزلت من العربية و جريت على البيت هنا دخل ورايا و زعقلي برضه و لسه هيرفع أيده يضربني رائف جه و لحقني منه
اتسعت عينيه بدهشة فقامت بسرد ما فعله رائف مع ذلك المدعو ماجد حتى قال مصعب براحة تخللت معالم وجهه أخيرا يا شيخة لقد هرمنا لأجل هذه اللحظة السعيدة أقسم بالله هاين عليا ازغرط.
ردت عليه بحنق هو كل شوية حد يقولي كدا أومال سيبتولي أنا إيه بقى
سألها بخبث بعد حديثها المندفع هو فيه حد تاني غيري قال كدا مين دا
حمحمت هي بقوة ثم قالت رائف بصراحة هو اللي قالي كدا رغم أني كنت متعصبة بس هو ضحكني حسيت اني مهزقة.
ابتسم مصعب ثم قربها منه يقبل رأسها ثم ربت عليها و هو يقول بنبرة هادئة ربنا يعوضك خير إن شاء الله و يفرح قلبك يا منة والله أنت طيبة و جميلة بس لو تبطلي تمشي ورا أمك هتبقى كل حاجة زي الفل
تنهدت بعمق ثم قالت بصوت مبحوح عاوزاك تقف معايا لو ماما اتكلمت معايا يا مصعب أنا مش هقدر اواجهها لوحدي عاوزك تأكدلها أني مستحيل ارجعله تاني لو على چثتي.
سألها بنبرة مؤكدة أكيد يا منة مش هتعملي زي المرة اللي فاتت و تصغريني و تشمتيها فيا
حركت رأسها موافقة ثم أضافت المرة دي الموضوع كبير يا مصعب واحد بيمد أيده عليا و أنا لسه خطيبته اومال لو بقيت مراته و في بيته هيعمل فيا إيه أنا اقعد هنا بكرامتي أحسن ولا أني أذل نفسي مع واحد زي دا مش دا كان كلامك
حرك رأسه موافقا ثم جاوبها مبتسما دا كلامي و ياريت يتنفذ يا منة و إذا كان على أمك خلاص سيبيهالي هي نزلت تشوف ستك و جاية تاني أدخلي غيري هدومك و تعالي حطيلي مرهم على كتفي
حركت رأسها موافقة ثم انتفضت بسرعة و قبل أن تخرج من الغرفة سألته مصعب! هو أنت مش زعلان مني
ابتسم لها ثم قال بنبرة هادئة هو في حد بيزعل من نفسه يا هطلة ايشحال لو مكناش مع بعض من أول لحظات في الدنيا.
ابتسمت له ثم قالت براحة ويا رب تفضل معايا علطول لأخر السكة زي ما بدأتها معايا
خرجت من الغرفة بينما هو زفر بعمق ثم قال آملا في القادم ياريته هو اللي يكون معاك في اللي جاي.
في شقة كريمة كانت تجلس أمام التلفاز تشاهد مسلسلها المفضل حتى دلف رائف يجلس بجوارها و هو يقول