ثانويه سعيده الجزء الأخير بقلم الكاتبه حياة محمد حصريه وجديده

ثانويه سعيده الجزء الأخير بقلم الكاتبه حياة محمد حصريه وجديده 
بعد البارت السابق سألتنى أختى الحبيبه ثقة في الله أسئله فكريه عميقة وأنا مجاوبتش لأن مش مشكله عندى إن الاستاذ يغازل رحمه ولا إن كان فيه ممثل اسمه أحمد مراد المشكله الحقيقيه إنى مش عارفه فعلا اسم بلد بيبدأ بحرف الثاء 
فتحت كراسة الرسم ومسكت القلم وبإيد فنان رسمت نهر النيل ومراكب شراعية وشجر وزرع على الجانبين ومن بعيد بيوت فلاحين عليها أبراج حمام والكل واقف يتفرج بإنبهار على حسناء وبعد مانتهت مضت اسمها في أخر الرسمه فصقف الكل لها فإبتسمت حسناء بسعادة وهيا بتسمع كلام المديح من البنات 
حلوه اوي يا دكتوره تهبل إنتى فنانه ماشفتش أجمل منها.
المدرسة ماشاءالله عليكى يا دكتوره رسمتك تهبل
خساره إنك دكتوره المفروض تكونى رسامه كبيرة
حسناء الرسم ده هواية أما الطب ده مستقبلى تصدقوا أنا مرسمتش من سنين طويله
يارا وليه مارسمتيش من سنين
بصت حسناء لرحمه بكره وقالت ظروف منه لله إللي كان السبب
رحمه وبتبصى ليا ليه وأنا مالى.
حسناء هو حد وجه لك كلام
رحمه أصلك بتبصى ليا كأنى مرات أبوكى.
حسناء ماتجببش سيرة بابا على لسانك إنتى سامعه
رحمه هو إنتى مجنونه ولا بتتلككى هو أنا جيبت سيرته ولا إنتى عايزه نتخانق وخلاص.
حسناء ليه أفكر فيكى إنتى مين أصلا عامله لنفسك أهميه.
رحمه مخسرتش حاجه لما مافكرتيش فيا.
حسناء لأ ده إنتى قليلة الأدب والله ماهسكت لك وقامت تمسك في خناق رحمه وطبعا كانت فرصه لرحمه عشان تربيها وفي لحظه كان الصوت عالى والكل بيحوش في رحمه وحسناء لحد ما دخل مدير المدرسة الأستاذ زكريا إللى إتفاجأ بالكل بيحجز مابينهم فصړخ فيهم بصوت عالي باااااااااس ولا كلمه واحده فيه إيه عاملين بلطجية في مدرستى
رحمهعلى أساس وارثها عن أبوك.
الاستاذ زكريا إنتى بتقولى إيه .
رحمه إللى سمعته إيه هخاف منك ولا هتستدعى ولى أمرى.
يارا عيب يا رحمه
رحمه دلوقتي بتقولى عيب يا رحمه ولما الغبيه دى كانت بتقل أدبها محدش قال لها عيب.
الاستاذ زكريا ممكن تيجوا معايا على مكتبى يالا لو سمحتوا.
فى المكتب.
الاستاذ زكريا ممكن أفهم إيه إللي بيحصل هنا.
..... لأ ماتسكتوش فيه إيه..... فيه إيه يا أبله شيماء
شيماء ولا حاجه يا أستاذ هما كده من زمان مش بيطيقوا بعض ودايما بيتخانقوا.
الاستاذ زكريا ممكن أفهم إيه السبب
حسناء اسألها
رحمه يسأل مين إنت إللي مش طايقانى من الاول قولى أنا عملتلك إيه قولى بس أنا عارفه إنك بتغيري منى من زمان 
حسناء أنا أغير منك إنتى على إيه ده إنتى ولا حاجه سمعانى ولا حاجه كل إللي إنت فيه ده من عكوه جوزك أما إنتى ولا حاجه
الاستاذ زكريا بس إنتى وهيا مش عايز أسمع أى صوت.
رحمه هو إنت هتزلنا على إيه بناقص الثانويه وإللى عايزنها ولا إن حد يزلنى وأدى مدرستكم اشبعوا بها وخرجت من عند المدير
حسناء استنى يا جبانه ولا خاېفه منى وخرجت وراها
هيام تعالوا نلحقهم ليرجعوا بيتخانقوا تانى
يارا سيبيهم خليهم يحلوا مشاكلهم لوحدهم .
بره المدرسة
حسناء بتهربى يا جبانه
رحمه وأنا أهرب منك ليه هخاف منك وبس إنتى إللي بتهربى.
حسناء وأنا أهرب منك إنت طبعا لأ 
رحمه طب مادمتى واثقه من نفسك أوى كده قولى ليه بتكرهينى أوى كده أولى أنا عملت لك إيه 
حسناء عايزه تعرفي هقولك أنا بكرهك لأن بسببك اتحرمت من كل حاجه بحبها.
رحمه أنا ليه أنا عملت لك إيه 
حسناء أيوه اتمنعت من الرسم بسببك وخسړت عادل بسببك.
رحمه رسم إيه وعادل مين إنتى بتخرفى تقولى إيهتعالى اترزعى هنا جنبى وفهمينى
حسناء أنا مش فاضيه أ
رحمه اخرسى وتعالى اقعدى جنبى هنا واحكى ليا من الأول
قعدت حسناء جنبها وقالت عايزه تعرفي إيه عايزه تعرفي إن بابا منعنى من الرسم من الهوايه الوحيده إللي بحبها عشان إيه عشانك كسر ألألوان وقطع كل رسماتى بسببك ويقولى إنتى فاشله إنتى التانيه أنا مابعترفش بنمره إتنين
رحمه طيب وأنا مالى إن أبوكى معقد وعقدك في عشتك أنا ذنبى إيه هو ذنبى إنى شاطره وبذاكر وبعدين ده موضوع انتهى من زمان وأديكى دكتوره كبيرة ورئيسة قسم عايزه إيه تانى ده مش سبب يا حسناء قولى مين عادل ده وإيه حكايته
سكتت حسناء شويه وبعدين قالت عادل ده....ده أجمل حاجه حصلت ليا في حياتي كان أكبر منى بتلات سنين اول واحد حبنى وحبيته.
رحمه طيب وبعدين
حسناء بس بعد مااتخرج راح
رحمه واتجوزتى الدكتور محمود وخلفتى وبقيتى أم ماشى طيب وأنا مالى إيه داخلى إيه علاقتى بالموضوع 
حسناء بعصبية دخلك إن عادل ملقاش إلا مزرعة جوزك عشان يشتغل عنده
رحمه ېخرب بيت فقرك بقى بتهرى وتحقدى عليا كل ده عشان سى عادل بتاعك بيشتغل عندنا في المزرعه طب واحنا مالنا هو كان كاتب في الاعلان مطلوب دكتور بس بشرط يكون متخلى عن البنت إللي بتحبه طبعا لأ دكتور وبيشتغل وبيقبض أما حياته الخاصة فده شئ ميخصناش.
حسناء بعصبية ودموع إنتى مش عارفه ده كان بالنسبة ليا إيه كان كل حياتي كان هو الوحيد إللي كان بيفرحنى هو الوحيد إللي كان بيحس بيا هو الوحيد إللي كان بيحبنى
رحمه ليه الوحيد طب وجوزك مش جوزك كمان بيفرحك وبيحس بيكى وبيحبك ولو كان عادل ده هو الوحيد ليه سابك من أساسه ليه متمسكش بيكى ليه متجوزش بيكى.
حسناء ماعرفش ماعرفش
فكرت رحمه شويه وقالت لها عايزه تعرفي ليه سابك
بصت لها حسناء وقالت أيوه.
قامت رحمه وقالت قومى معايا نروح المزرعه اعرفى منه السبب.
بعد ساعه ونصف كانت العربية جوه مزرعه كبيره لتسمين المواشي وجواها مصنع لمنتجات الألبان.
سألوا العاملين لحد ما وصلوا للعياده الطبيه فدخلت حسناء كان عادل موجود وكان مشغول جدا بالملفات فخبطت حسناء فرفع عادل رأسه وشافها بس مافتكرش مين ده
حسناء في نفسها زى ما هو بوسامته ورقتهإزيك يا عادل.
عادل أهلا وسهلا تحت أمرك.
حسناء بود عامل إيه.
عادل الحمد لله بس مين حضرتك
اتفاجأت حسناء بسؤاله هل اتغيرت لدرجة إنه مش فاكرها أنا حسناء
عادل مش واخد بالى بس إنتى حسناء مين 
حسناء للدرجه دى أنا مش على بالك أنا حسناء كنا في كلية الطب مع بعض بس إنت كنت أكبر منى بتلات سنين إزاى مش فاكرنى إزاى أصلا نسيت إللي كان بينا.
عادل افتكرتك يااااه إزيك يا دكتوره حسناء عامله ايه دلوقت تصدقى شكلك اتغير خالص تعرفى أنا مش عرفتك إلا لما فكرتينى بس أعمل إيه ڠصب عني الايام بتنسى.
رحمه بالبساطة دى
عادل تصدقى كانت أيام حلوه أيام الجامعه كنا شباب طايش مش شايلين أى مسؤلية بنفكر بطيش وتهور بس لما بنكبر بنضحك على تصرفاتنا الساذجه دى
قولى ليا عامله ايه واتجوزتى مين وبتعملى إيه هنا اشتغلتى هنا معانا.
حسناء بحسره لأ انا اتجوزت الدكتور محمود رضوان جراح المخ والأعصاب وبشتعل في مستشفى في مصر.
عادل ماشاءالله على فكره الدكتور محمود ده دكتور هايل أنا بسمع عنه إنه من أحسن الجراحين في مصر بس غريبه إنك هنا فيه سبب للزيارة 
حسناء لا أنا صحبتى تبقى مرات سمير بيه صاحب المزرعة دى وكنت معاها بنتفرج على المكان
فهب