ثانويه سعيده الجزء الأخير بقلم الكاتبه حياة محمد حصريه وجديده
معاها أدايق من نفسى أوى إحنا كنا وحشين أوى واتصرفنا زى العيال.
رامى يعنى ماما كان عندها حق.
محمد طبعا.
ملك بس أنا زعلانه يعنى يخرج معاها ويسيبنى.
محمد هيا ضرتك يا حماره عشان تغيرى وبعدين خليهم يخرجوا مع بعض مره واحده من نفسهم ويلا إجرى إلبسى واتشيكى عشان نخرج نتعشى بره
ملك حبيبى يا محمد خفت على زعلى فعزمتنى على العشا
رامى لا يا حبيبتي ده خاف على نفسه ليتسمم من طبيخك أسف من عكك.
ملك أنا بعك يا حمار.
محمد بس يا رامى متحبطهاش لا يا ملوكه إنتى مش بتعكى أصل إللي بيعك ده حد بيحاول وبيتعلم أما إنتى لسه بدرى أوى على مرحلة العك دى
ملك بايخه طب والله لهغرمك كل إللي معاك فى الأكل يا بايخ.
٥
فى مطعم حلو على النيل
سمير خلاص يا رحمه كفايه دموع
رحمه أصل يارا صعبانه عليا أوى وأنا شيفاها ضعيفه ومكسوره
سمير مين الضعيفه المكسوره دى صاحبتك دى أقوى ست سمعت عنها
رحمه بغيره عجباك أوى
سمير طبعا دى إنسانه قويه قاومت المړض وبنت نفسها من جديد دى بطله إيه ده وشك أحمر كده ليه
رحمه ماهو كلامك يغيظ عمال تقول بطله وشجاعه
سمير إيه ده إنتى بتغيرى
رحمه آه..لأ..
سمير من إيه ولا من مين إنتى مش عارفه إنتى غاليه عندى أد إيه
رحمه لأ مش عارفه قولى أد إيه
سمير إنتى بتسألى بجد
رحمه بجديه أيوه بسألك بجد أنا غاليه عندك أد إيه
سمير ده مش سؤال يا رحمه لأنك أكيد عارفه إجابته واكيد حاسه بيها مش محتاجه أقولك
رحمه پغضب لأ محتاجه تقولى ومحتاجه اسمعها منك قول.
سمير بجديه محتاجه أقولك بحبك أد إيه يارحمه إنتى الحلم إللي كنت بحلم بيه ليل ونهار وأدعى ربنا كل يوم تكونى من نصيبى وكنت بقول مستحيل تبصى ليا ولما بقيتى مراتى وفي بيتى كنت بحمد ربنا كل يوم على اهم نعمه ربنا انعم عليا بها.
رحمه وليه مابنقوليش الكلام ده
سمير أكيد إنتى حاسه بيا ومش محتاجه أقولها
رحمه لأ محتاجه محتاجه تقولها ليا كتير محتاجه أسمعها منك كل يوم وكل ساعه محتاجه أصحى على كلمة بحبك وأنام على كلمة بحبك محتاجه وسط مشاغل الدنيا زى مابتتصل بيا تسأل عن طلبات البيت تتصل بيا وتقولى بحبك يا سمير مش صعبه فاليه بتحرمنى منها حتى لو حسيت بيك لما اسمعها منك لها طعم تانى المفروض تقولهالى بدل المره مليون مره يا سمير قلوبنا زى الزرعه الخضراء وكلمة بحبك هيا الميه إللي بتحيى قلوبنا فاليه تسبونا قلوبنا عطشانه ندور على الكلمه الحلوه من غيركم ليه تشيلونا ذنب وإنتوا قادرين تحمونا ياسيدى اعتبرها صدقه إبقى قولها وليك الاجر والثواب
سمير خلاص عشان خاطري كفايه أنا أسف مكنتش عارف إنى مزعلك للدرجه دى حقك عليا بس أنا بحبك والله العظيم أنا بحبك عشان خاطري متضيعيش الخروجه دى في الزعل .تصدقى إنى اكتشفت إنها أول خروجه لنا لوحدنا
رحمه تصدق بجد من أول ماتجوزنا واحنا بنخرج إما مع مامتك واخواتك أو مع إخواتى أو مع العيله كلها ولما كبروا شويه كنا بنخرج مع أولادنا يعنى دى فعلا أول خروجه مع بعض بس ثانيه واحده إزاى بتقول بتحبنى وإنت مسمتش أى حاجة بإسمى يعنى عامل برجر ملك وبيفى ملوكه ولانشون محمد ورامى ومعملتش أى صنف بإسمى.
سمير ليه هو أنا مچنون إنتى مش عارفه بغير عليكى أد إيه كنت إزاى هستحمل حد يقولى دى رحمه طعمه ولا رحمه لذيذه ولا أنا باكل من رحمه كل يوم ده أنا أقفل المصنع ولا إن حد يقول كده.
رحمه ده يقصد لحمه مفرومه مش يقصدنى أنا.
سمير وليكن بغير عليكى برضو أنا لو أقدر كنت حزفت حروف اسمك التلاته كنت حزفتهم.
فإنفجرت رحمه في الضحك
سمير بتضحكى ليه
رحمه أصل اسمى أربع حروف
سكت سمير شويه وهو بيحسب فقالت له رحمه رح_مه بيقوا أربعه.
سمير تصدقى صح وأنا طول عمرى بحسبهم تلاته خلاص هقول حروف اسمك الأربعه.
رحمه لا انا عايزاك تقول التلاته لأنها كانت طلعه من بؤك حلوه اوي أوعى تغيرها.
روحت رحمه مع سمير وهما بيضحكوا فلقوا أولادهم بيتفرجوا على التليفزيون.
ملك كده تسهروا من غيرنا
محمد على أساس مكناش سهرانين إحنا كمان
ملكبدلع على باباها كده يا سموره تتفسح مع مامى وتسيبنى.
سمير طبعا هو أنا عندى أغلى منها.
رامى قصف جبهة
سمير والتقيله إن هنسافر أسبوع
محمد هنروح فين
سمير مش هنروح لأ هروح أنا وماما بس الشاليه نقعد أسبوع سوا
ملك طب واحنا.
سمير إنتوا مش صغيرين وإنتوا كبار صح يا محمد
محمد صح يا بابا إنبسطوا ومتشلوش همنا احنا كبار
ملك ماشى وأنا بقى هتعلم فيكوا الطبيخ.
رامى لا يا ماما عشان خاطرى مش عايز أموت مسمۏم.
فى المدرسة
الاستاذ مجدى هيا رحمه فيها حاجه
شيماء لأ
الاستاذ مجدى أصلها غايبه بقالها كتير
هيام أصلها مسافره مع جوزها بنت المحظوظه
يارا ومن شړ حاسد إذا حسد. الله اكبر من عينك
على العموم هيا هتيجى بعد يومين
حسناء الوش منور والعيون بتلمع إنتوا كنتوا بتعملوا إيه
رحمه بحبه أوى يا حسناء تصدقى إن دى أول مره اخرج معاه لوحدنا حسيت إنى عروسه جديده وفي شهر العسل إللي اتأخر عشرين سنه.
حسناء ربنا يسعدكوا.
رحمه وانتى.
حسناء تصدقى وأنا كمان اكتشفت إنى بحب محمود أوى بس كنت هبله وعاميه وغبيه
رحمه لأ دى حاجات انا عارفاها عنك من زمان
حسناء رخمه
حسناء شفتى يا يارا رحمه المتخلفه دى عملت ايه
يارا عملت إيه
حسناء قسمت الفصل مجموعتين وبتلعب كره طائره في الملعب فياريت تروحى تعقليها وتقولى لها إننا مش عيال عشان نلعب في الحوش.
يارا عندك حق دى متخلفه بتلعب طايره وهيا أوزعه بس هروح ألعب معاهم ماتش صغير وبعدين هقول لها كل كلامك ده سلام
حسناء كنت متأكده إنك متخلفه زيها...طب استنى عشان عايزه ألعب معاكوا.
فى بيت يارا
هيام الله بخرب بيت المذاكره على الدروس على الثانويه في يوم واحد أنا دماغى ورمت.
شيماء احنا بقالنا تلت ساعات بنذاكر استنى كمان ساعه.
هيام ولا خمس دقايق.
حسناء طب خلاص ريحى شويه وبعدين كملى.
هيام طب تعالوا هنريح كلنا نص ساعة
يارا ماشى تعالوا اقعدوا
هيام نقعد إيه قوموا فكوا نفسكوا معايا وشغلت الموبايل على أغانى شعبيه والكل نسى المذاكره وقعدوا يرقصوا.
فى بيت رحمه
رحمه الله المسلسل ده حلو أوى
رامى ماما خشى ذاكرى
رحمه هشوف بس الحلقه دى وهخش على طول
ملك ده مسلسل ذئاب الجبل يعنى اتعرض مليون مره وإنتى حفظاه صم خشى ذاكرى يا ماما
رامى وبعدين احنا امتحنا وخلصنا فخشى ذاكرى
رحمه ماشى يا رامى لك يوم . طب هعمل ليا فنجان قهوه
ملك خشى وأنا هعملك يالا يا ماما بلاش حجج فارغه.
رحمه أنا خلصت مذاكره وحفظت كل حاجه
محمد مافيش مذاكره بتخلص إلا أخر يوم في الإمتحانات مش ده كلامك يالا راجعى عشان هسألك
رحمه ذلونى عشان إنتوا كلكم خلصتوا امتحاناتكم وأنا لسه ماشى امتى أخلص بقى أنا زهقت.
واخيرا خلصت امتحانات الثانويه العامه وبعد فترة من التوتر ظهرت النتيجة نجحت هيام وجابت ٦٥٪وزعلانه إنها ذاكرت ال٥٪ الزياده بس أخدت شهادتها واتسجلت في نقابة المحامين.
نجحت شيماء وراحت تغيظ زملائها في المدرسة وبتقول لهم والله لأطلع عنيكوا
من تانى
حسناء جابت ٩٣٪ وكلية الطب عملت لها استثناء وقبلتها وأخيرا رجعت للمستشفى بس سجلت نفسها فى معهد للرسم.
يارا حطت شهادة الثانوية جنب شهادة الجامعه في برواز لأنها مش هتعمل إلا إللي بتحبه ومقتنعه بيه
رحمه جابت ٩٥٪ وقعدت تغيظ حسناء إنها جابت أكثر منها بس رفضت تدخل الجامعة لأنها غارت من يارا وقررت تعمل إللى بتحبو ففتحت محل حلوانى بتعمل فيه أحلى كيكات وطورطات وجاتوهات واتفقت مع يارا كل أسبوع بيزوروا دار للأيتام واتفقوا مع المشرفات على الدار إنهم هيجهزوا حفلات أعياد الميلاد للاطفال مجانا..هديه منهم للاطفال.
فى مطعم راقي كان صوت ضحكهم مالى المكان وخاصه إنهم ضمين خمس طربيزات مع بعض يدوب يكفوا الخمسه وعشرين ست المتجمعين بمناسبة نجاح زميلاتهم الخمسه في الثانوية العامة مره تانيه
يارا لأ بصراحه أنا مش مصدقه إنى خلصت من الثانوية وقرفها
هناء لا واتخرجتى من هنا واتجوزتى أحمد المز الأمور من هنا
يارا الله أكبر من عينك
نيفين يعنى محوق فيكى الحسد
رحمه سيبك منهم بس بصراحه لمتنا دى محتاجه ناخد صوره سيلفى
الكل بصوت واحد بوز البطه وكلهم مدوا شفايفهم بوز البطه وبعدها ضحكوا كلهم وفجأة دخل عليهم الاستاذ حمدى. مساء الورد عليكوا
هيام بصوت واطي ده جه على الريحه.
شيماء استاذ حمدى لك وحشه والله
حمدى عارف إنكوا بتعزونى زى مبعزكم بالظبط
حسناء مبلاش خلى إللي في القلب في القلب
حمدى عشان معزتكم دى فيه حاجه صغيره كنت عايز أقولها لكم عشان بس أرضى ضميرى
رحمه لا عشان خاطري ماتقولش
يارا إنتى عارفه هيقول إيه
رحمه لا بس حاسه إنى هتشل من إللي هيقولوا
حمدى بصراحه وعشان أرضى ضميرى كنت عايز أقول لكم يعنى كان فيه غلطه صغيره
يارا إيه هنعيد الاعداديه ولا كيجى تو
حمدى لا لا لا مش كده خالص الموضوع إن الشهادات المزوره كانت لجيل ١٩٩٩وإنتوا جيل ١٩٩٨ يعنى بصراحه شهادتكوا كانت سليمه.
الكل____________________
النهاية
