ثانويه سعيده الجزء الأخير بقلم الكاتبه حياة محمد حصريه وجديده

حاجه على ذوق باباها وهى رضيت بذوقه بدون نقاش يمكن عشان ترضى باباها ولا عشان ماكنتش مهتمه أو يمكن لأنها اعتبرت جوازها من محمود تحصيل حاصل مجرد سد خانه بس دلوقتي الوضع إتغير فلازم كل حاجه تتغير وأولها البيت الكئيب ده.
يارا إيه رأيك في الشقه عجبتك
رحمه حلوه اوي وأصلا المنطقه هنا هاديه وحلوه.
المهم أنا جعانه شوفى هتأكلينى إيه.
يارا هطلب لنا بيتزا تحبيها بالإيه
رحمه بيتزا إيه يا ماما هو ذنب ولا عقاپ عليا أفطر وأتغدى عجين
يارا عجين إيه دى بيتزا بالسى فود.
رحمه إن شالله تكون بالقرش الأبيض مش دقيق وميه وخميره تبقى عجين وبعدين أنا عايزة أكل أكل بجد طبيخ.
يارا ماوعدكيش أنا أصلا ماليش في الطبيخ.
رحمه مافيش حاجه اسمها ماليش تعالى هنعمل أي حاجه من الموجوده في التلاجه تعالى ورينى إيه في تلاجتك وفتحت التلاجه واتفاجأت ېخرب عقلك إيه ده تلاجتك فاضيه مفهاش إلا شويه معلبات ولانشون وجبن وحتى دول مش من مصنعنا جايبه من مصانع الأعداء قومى قومى جتك خيبه تعالى نروح نشترى حاجات نملى تلاجتك.
يارا خليكى وأنا هتصل بالسوبر ماركت وهو هيجيب لنا كل حاجه
رحمه لا يا ماما أنا مبرتحش إلا لما أشترى كل حاجه بنفسى قومى معايا يا خايبه
دخل البيت وصوت ضحك أولاده مالى المكان واتفاجأ بمنظرهم الظريف كانوا لابسين فوق ملابسهم أكياس بلاستيكية كبيرة وكل واحد ماسك فرشه وبيلون في لوحه على الحيطه اما حسناء كانت ماسكه فرشاة وألوان وبتلون رسمه كبيرة رسمتها على الحيطه كلها مرسومه بالړصاص كان شكلها مع الاولاد كله شقاوه وحياه ولأول مره يشوفها على طبيعتها من غير تحفظ ولا رسميه حاجه كان بيتمناها من سنين
فالټفت إبنه الكبير وقال بسعادة شايف يا بابا أنا رسمت إيه!
محمود حلوه اوي إيه إللي بتعمليه يا حسناء 
حسناء إيه رأيك مش حلو استنى بس لما أخلص تلوينها وهتعجبك أوى.
محمود هيا حلوه اوي بس ليه 
حسناء ولا حاجه تغيير بس مش كده أحسن.
محمود أحسن بكتير
حسناءطب يلا غير هدومك عشان تستريح ساعتين كده عشان النهارده إحنا معزومين.
محمود مين إللي عازمنا
حسناء إنت يا حبيبي عازمنا أنا والاولاد على الملاهى النهارده
فصړخ الاولاد بحماس لفكرة أمهم الغير متوقعة بجد يا ماما بجد هنتفسح
حسناء طبعا وإلا إنت بخيل وهتكسفنى.
محمود لأ طبعا أنا عنيا ليكوا فجرى الأولاد يحضنوا باباهم ويبوسوه أما محمود كان طاير من السعادة وهو بيتمنى إن حسناء تبقى بمرحها ورقتها وعفويتها كده على طول.
حسناء ثانيه واحده فيه حاجه كنت بحلم أعملها فى بيتى من زمان.
وقفت العائله كلها وإيديهم الاتنين مغموسه في علبة البويه الكبيرة فقرب إبنها الصغير وطبع بإيديه على الحيطه وبعدها طبع إبنها الكبير على نص طبعة أخوه وبعدها طبعت هيا إيديها على نص طبعة إبنها ومحمود طبع إيديه على نص طبعة إيديها فكانت الصورة النهائية لطبعات إيدين متداخله للعيله كلها يمكن صوره فوضويه لكنها حميميه وخاصة لما مسكت حسناء الفرشه ورسمت قلب كبير جواه صورة إيديهم وقالت دى أحلى من أحلى رسمه رسمتها في حياتى وعمرى ما همسحها طول عمرى.
كانت رحمه في المطبخ بتعمل كل حاجه بسرعه وكأنها ألة غسلت الخضار والفاكهة وبتجهز الأكل
يارا هتطبخى إيه
رحمه هعملك صنية البطاطس بالفراخ الرهيبه حاجه كده مالهاش حل وهعملك رز وسلطه خضراء وكمان صنية مكرونه بالبشاميل وأهو كله بثوابه 
يارا طب تعرفى تعملى قلقاس بالخضره واللحمة الضانى أصل نفسي فيه
رحمه قلقاس بالخضره ده أنا معملتوش من زمان أوى بس ماشى من عنيا هعمله عندى واعمل حسابك
يارا وخبيزه خضراء إللي بيحطوا فيها سلق
رحمه إنتى بتجيبى الاكلات دى منين
يارا وكمان بصاره إللي بتفرغيها في أطباق وتزينيها بالثوم والبصل المقلى
رحمه هو أنا الشيف إللي طلعلك من المصباح عشان أحقق لك عشر طبخات بتحلمى فيهم ما تطبخى لنفسك وبعدين إنتى كنتى متجوزه كنتى عايشه إزاى أوعى تقولى ماكنتش بطبخ لجوزى
يارا طبعا ماكنتش بطبخ إنتى عارفه أنا كنت متجوزة مين 
رحمه مين يعنى
قعدت يارا على طربيزة المطبخ واخدت خصه تاكل منها وقالت ببساطة كنت متجوزه ملحق سياسي تابع لسفارتنا
رحمه ولو بس برضو في النهاية راجل عايز يرجع بيته يلاقى أكله حلوه وبيت مريح.
يارا أصدق كلامك لأى راجل غيره لأنه ببساطة ماكنش عايز زوجه كان عايز واجه اجتماعية
رحمه واجه اجتماعية
يارا صوره حلوه وبتلمع تقف جانبه وتكمل صورته الحلوه ومكنش فيه أحلى من كده واحده سليلة باشوات وخريجه أشهر الجامعات الأمريكية وبتحضر الدكتوراة يعنى صوره بتلمع.
رحمه طيب وانتى
يارا وأنا كمان كنت عايزه واجه اجتماعية وواحد بيلمع أغيظ به كل صحباتى وقرايبى واكيد ملحق سياسي ده حاجه بتنور أوى مش بتلمع بس.
رحمه وده يبقى جواز طب مادام أفكاركم واحده ليه انفصلتوا.
اخدت يارا خياره وقالت ماهو لما اللمعه تنطفى يبقى ملكيش أى لازمه 
رحمه مش فاهمه
يارا أنا كنت عايشه معاه ولا نجمات السينما بحضر حفلات ومناسبات وبقابل رجال أعمال ونجوم سينما والناس كلها بتابع أخبارى زيى زى أى نجمه في هوليود وطبعا كنا متفقين مافيش أولاد إلا بعد خمس سنين على الأقل على ماأخلص الدكتوراه وهو كمان على مايرتقى في أعماله.
رحمه وايه علاقه الأولاد بالمستقبل ده ربك بيبعت للنمله في قلب الجبل رزقها تقوموا إنتوا تأخروا الحمل عشان السبب الهايف ده إللي هو مش سبب من أصله
يارا ماهو أنا بعد فتره حسيت بتعب
رحمه حمل
يارا كنت متدايقه أوى اصلى ماكنتش مستعده للأمومه لكن قلت خلاص مادام حصل فهرضى بيه بس مش هكرره إلا بعد عشر سنين.
رحمه ياغبيه دا رزق وخير طب هو فين وبعدين ليه بتقولى مخلفتيش
يارا ماكنش حمل يا رحمه ماكنش حمل كان سړطان
وقعت السکينه من إيد رحمه وارتعش جسمها كله وقالت بتقولى أيه يا يارا
يارا كان سړطان في الرحم الشئ إللي رفضته ربنا زاله منى
رحمه تقصدى
يارا كان لازم يستأصلوه
فجريت رحمه وحضنت صديقتها ودموعها بتنزل مش معقول صديقتها المغروره الرخمه إللي محدش كان بيحبها يكون ده حالها عشان كده جايه متغيره ضعيفة ومكسوره
يارا إيه الأحضان دى صعبت عليكى ولا عندك جفاف عاطفى 
فخبطتها رحمه على كتفها وقالت رخمه أوى ورجعت تانى تكمل شغلها لأنها فهمت إن صاحبتها مش بتحب احساس الشفقه.
يارا بحزن مقدرتش تخبيه المهم أنا مبقتش واجهه اجتماعية فخلاص
رحمه يعنى إيه خلاص
يارا يعنى هو محتاج واحده منوره بتلمع وأنا مبقتش بسبب المړض والكيماوى والقانون الأمريكي بيرفض تعدد الزوجات فكان لازم يخلص منى عشان يتجوز واحده تانيه وموضوع الخلفه إللي مش على باله بقى فجأه ضرورى ومهم حجه عشان يطلقنى ويتجوز واحده تانيه.
رحمه ليه عايزه توصلى إن الفقير بيبقى مخلص وېخاف على مراته أما الغنى غدار وبتاع مصلحته
يارا أنا لا قلت غنى ولا فقير أنا قلت لما الجواز يفقد أهم ركن فيه يبقى مالوش لازمه والفلوس والماده ملهاش علاقه بكلامى
رحمه أهم ركن تقصدى الحب
يارا طبعا لأ الحب مش ركن أساسي في الجواز لأن الركن الأساسي للجواز هو الموده والرحمه ربنا جعل الراجل أمان لزجته والزوجه سكن لجوزها وغلف الصورة الحلوه دي بالموده والرحمه وهو ده