ثانويه سعيده الجزء الأخير بقلم الكاتبه حياة محمد حصريه وجديده

الجزء الأساسي اللى كان مفقود في جوازى أما الحب فده الصورة الحړام من الموده والرحمه والدليل على كده إن تسعين في الميه من الجوازات إللي كانوا بيحبوا بعض قبل الجواز بتفشل وبيطلقوا أو بيعيشوا في مشاكل وخلاف عارفه ليه لأن حرارة الحب الحړام إللي شعللها الشيطان إتحولت بعد الجواز لموده ورحمه فالست مش هيغازلها جوزها ليل ونهار عشان هيكون مشغول بمصاريف وأقساط وديون أما هى هتكون مشغوله ببيت وعيال ومسؤولية وكل واحد هيسأل التانى راح فين الحب بتاع زمان.
رحمه يمكن بس إنتى عملتى إيه لما عرفتى بمرضك 
يارا بقيت أقول ليه يا رب ليه بس لما استأصلوا الرحم بقيت أقول لو بس أطلق بس مايستأصلوش الرحم ولما اخدت الكيماوي بقيت أقول بس لو يستأصلوه بس ماأخدوش الكيماوي ولما شعري وقع بقيت أقول لو بس أخده بس شعرى يدنه وميقعش ولما صحتى راحت بقيت أقول لو شعرى يروح بس تفضل صحتى ولما بقيت أغيب عن الدنيا بقيت أقول لو صحتى تروح بس أدنى بوعيى عشان أكتشف بعد كده أد إيه إحنا ضعفا مجرد لسان خايب ملوش أى قيمه وأكتشف أد إيه ربنا عظيم وأد إيه بينعم علينا بنعم ملهاش أول ولا لها اخر بس إحنا مبنحسش بقيمة النعم دى إلا لما تروح منناوإن تعدوا نعمت الله لا تحصوها
قل لو كان البحر مدادا لكلمات ربي لنفد البحر قبل أن تنفد كلمات ربي ولو جئنا بمثله مدداصدق الله العظيم
رحمه بصوت مخڼوق وبعد ما ربنا ما كتبلك الشفا عملتى إيه
يارا ولا حاجه كملت الرساله عملت أبحاث ودراسات وتهت فيها لحد ماوقفت مع نفسي وقلت أنا بعمل ده كله ليه فاكتشفت إنى ده مجرد واجهه اجتماعية برضوا عشان أثبت له وللدنيا كلها إنى رجعت أحسن من الأول وإن ده شئ مش بحبو
رحمه وطلعتى بتحبى الورد فجيتى هنا تبيعى الورد
يارا جيت أعمل الشئ إللي عايزاه وطظ في الدنيا بحالها
رحمهطب وأحمد.
يارا ماله احمد
رحمه متعمليش هبله إنتى عارفه أنا أقصد إيه
يارا لا بجد ماله أحمد
رحمه يعنى مش عارفه إنه بيحبك ومتدهول على عينه
يارا مين إللي قالك احمد مجرد صديق.
رحمه بقى صديق بزمتك لعلمك إحنا عندنا قرون استشعار بنحس بالراجل إللي قدامنا وإن كان بيحبنا ولا لأ يمكن قبل ما يحس هو.
يارا قرون استشعار إيه هو احنا صراصير
رحمه جتك القرف ردى عدل
يارا ماشى قرونى حست بأحمد وبعدين
رحمه وبعدين إيه هو بيحبك وإنتى بتحبيه
يارا لأ
رحمه خلاص معجبه بيه بترتاحي له بتشفقى على أمه أى مشاعر انسانيه بتحسى بها ناحيته يعنى لو اتقدملك هتوافقى عليه
يارا ويتقدملى على إيه و هيرضى بيا وأنا كده
رحمه وإنتى كده إيه يا غبيه هو إحنا آلة تفريخ نحمل ونخلف إحنا بشړ فيه حاجه اسمها علاقة إنسانية وهو لو بيحبك هيحبك لنفسك مش عشان عايز يخلف منك وبعدين هو مش محتاج لأنه كان متجوز يجى أربع مرات وعنده عيال
يارا وانتى عرفتى إزاى
رحمه مش محتاجه عبقريه النت عليه كل أخباره 
يارا مش عارفه يا رحمه مش عارفه
6
روحت البيت وهيا مستنزفه على الاخر كانت بتظن إنها لما هتخرج هترتاح لكنها رجعت تعبانه أكتر عندها رغبه شديدة في البكا لكنها أول مادخلت لقت أولادها الثلاثه قاعدين مكشرين وزعلانين فعرفت إنهم مجهزين لها حكايه نفخت في ضيق واستغفرت ربها بصوت واضح وقالت مساء الخير مالكو
محمد ينفع كده يا ماما العصر أذن من بدرى وإنتى لسه بره
رحمه إيه المشكله
ملك يعنى أرجع من الجامعة وإنتى مش موجوده 
رحمه بقلة صبر جيبوا من الأخر زعلانين ليه
رامى عشان رجعنا وملاقيناش أكل واحنا جعانين.
رحمه پغضب نعم كل الزعل ده عشان جعانين!
ملك ماهو مش معقول نرجع من الجامعة تعبانين عايزين ناكل ونرتاح نلاقي مافيش أكل
محمد كان شرطنا من الاول قبل ماتعيدى الثانويه إنك ماتقصريش معانا وإنك ماتطبخيش ده تقصير في حقنا وأنا مش هسمح لك ب...
رحمه اخرس واضح إنك نسيت إنى أمك مش خدامه عندك.
محمد ماما أنا...
رحمه إنت إيه رد عليا إنت إيه جيت مره ملاقيتش أكل چريمه حصلت المفروض أدخل فيها السچن صح
ملك يا ماما إحنا
رحمه اخرسى واضح إنى دلعتكم لدرجة إنكوا نسيتوا إنى أمكم فاهمين يعنى إيه أمكم يعنى أنا أسألكم لكن إنتوا لا أنا أحاسبكم لكن إنتوا لا أنا ليا كل الحق فيكم لكن إنتوا لا بتحاسبونى على إيه عشان مره واحده مره واحده في حياتى قصرت في حقكم ومطبختش طب قولى يا باشمهندس كام مېت مره حضرت الأكل وانت ماتاكلش معانا لانك أكلت مع أصحابك وإنتى يا هانم كام مره أتصل بيكى تقولى سورى يا مامى هتغدى مع خطيبى وإنت يا أستاذ كام مره تسيب الاكل على السفره عشان مش عاجبك وعايز برجر ولا كريب ولا أى حاجة تانيه دلوقتي كلكم زعلانين عشان مره واحده مطبختش.
مأخدتش اخواتك ليه وأكلتوا بره يا محمد هه ولا ليه حتى مطلبتش دلڤرى مادمتم جعانين.
وإنت يارامى مفتحتش ليه معلبات ولانشون وجبن من التلاجه مش كان نفسك تاكلهم مأكلتش ليه
وإنتى يا ملك ليه مطبختيش إنتى أكل لكى ولأخواتك .
ملك إنتى عايزانى أطبخ
رحمه طبعا وأنا أدك كنت أم ومسؤوله عن أعمامك وأخوالك وبطبخ لهم كلهم.
ملك بس أنا..
رحمه إنتى إيه مش كنتى بتعيطى عشان عايزه تتجوزى وأصريتى إنك تتخطبى بدرى يبقى تتعلمى تشيلى المسؤولية ومن النهارده وكل يوم لحد ماتتجوزى هتدخلى المطبخ وتتعلمى تعملى اكل وهتنضفى وترتبى البيت والمطبخ مع الشغاله
ملك ماما
رحمه إنتى مش صغيره والإهمال بتاعك تنسيه أنا
عايزه بنتى تكون زوجه وأم مش واجه اجتماعية.
أنا عارفة إنتوا بتعملوا كده ليه عشان مستكترين عليا إنى أفرح مستكترين عليا إن ليا أصحاب مستكترين عليا إن ليا دنيا وحياه بعيشها من غيركوا عايزين تحسسونى بالذنب عشان أرجع احبس نفسى فى البيت وأرجع اخدمكم وأشحت منكم شوية اهتمام ولا محبه صح بس بقولها لكم طظ فيكوا أنا مش ھموت نفسى أنا هعمل كل إللي يسعدنى ومش هسأل في حد.
إلتفتت رحمه فشافت سمير واقف وراها وبيسمع كلامها فبص لها وقال طيب وأنا.
فقالت رحمه هغير هدومى وهجهز لك الأكل وطلعت بسرعه على أوضتها لكن سمير كان وراها وقبل ما تقلع حجابها كان ماسك إيديها وقال لها مالك يا رحمه !
خرج سمير من الأوضه فقابلته ملك تشكي له بدلع يرضيك يا بابا ماما عايزانى أنضف البيت مع الخدامه.
سمير بضحك انصحك إبدأى بالسفره عشان سهله .
ملك بزعل إنت كمان يا بابا.
خرجت رحمه بعد ما غيرت لبسها ولبست فستان خروجء تانى.
ملك إنتى غيرتى فستانك ليه يا ماما 
سمير إنتى يا ملوكه يا حبيبة بابا هتحضرى العشا لأخواتك عشان أنا عازم ماما على العشا بره 
ملك بدلع كده يا بابا يعنى هيا تزعلنى وإنت تعزمها طب نيجى نتعشى معاكوا.
سمير لأ أنا هخرج أنا وماما بس
رحمه وياريت متولعيش في المطبخ.
خرج سمير مع رحمه أما ملك قالت بزعل هيا تتفسح وأنا أحضر الأكل 
محمد على أساس إنتى بتعملى حاجه وبعدين إحنا فعلا غلطانين وكل مافتكر كلامنا