رواية عمر الجابري الكاتبة زهرة البنفسج الجزء الاول حصريه وجديده

رواية عمر_الجابري الكاتبة_زهرة_البنفسج
الجزء_الاول حصريه وجديده 
البنت اهم شي فيها هو شكلها كنت بعرف هشي من لما وعيت على الدنيا لانو ببساطة انا كان شكلي بشع.
تأملت حالي بالمراية بشرتي كانت صافية خالية من العيوب.. بس النمش يلي على انفي نزع كلشي
عيوني كان لونهم خضر.. بس النظارات يلي كنت حاطتن كانو اكلين كل جمالهن ولما حاولت ابقى بدونهم ماقدرت شوف شي بسبب ضعف النظر.
شعري كان ناعم وطويل بس كان العيب بانو لونه كان اسود.. بشرتي كان لونها شاحب ابيض بس المشكلة فيها. المشكلة انو ما كان لها لون ماكان عندي لون.. فقط شحوب.
لهيك كنت بشعة.
عكس اخواتي الباقين اختي الكبيرة كان لها نمش.. بس شعرها الأحمر كان عاطيها مظهر الصهباء بالاضافة لجسمها الرشيق.
اما انا جسمي كان نحيف صح بس كنت هزيلة.
اما اخي الاصغر مني كان وسيم جدا لانو ورث الشعر الاسود والعيون الخضر متلي بس بدون نمش وبدون ضعف بصر وبالاضافة لشخصيتو القوية.
عكسي ماكان الي شخصية كنت بتأتأ لما حدا يحكي معي مباشرة وبحب كون معزولة ومابحب احضر ولا مناسبة.. واذا حضرت بفضل كون متخبية طول الوقت.
لهيك كنت بعرف انو انا اكثر بنت غير مفضلة عند اهلي.
بابا شخص اجتماعي.. أصهب الشعر وماكان يحب شخصيتي وكان يعلق دائما على طريقة حكي الضعيفة.
اما امي يلي ورثت عنها اغلب صفاتي الجمالية سواء الشعر الاسود او العيون الخضر فكانت دائما تحثني على ممارسة الرياضة واجباري على المشي.
بس انا ماكنت حب اعمل اي من يلي يفرضو علي اهلي.
كنت بحب كون لوحدي بغرفتي. اما للدراسة او للقراءة فنجان قهوة والهدوء.
هاد يلي كنت اعشقه.. وهاد يلي كان يستفز اهلي.
اختي رهف كانت مخطوبة وخطيبها فادي كان بمۏت عليها 
حاولت قلدها قدام المراية فردت شعري ومشيت بس انا كان عندي مشكلة ثانية ويلي هي انو انا كنت خرقاء ومابقدر ابقى على سطح مستقيم الا وكنت اوقع وهاد يلي صار تفشكلت عند اول خطوة و وقعت على ركبتي وجرحتها.
داق نفسي ركضت على الدرج وطالعت علبة الربو.
نعم يا سادة انا بشعة.. وعمية وخرقاء.. وكمان معي ربو لا تزعلو.
ورثت النظر الضعيف من بابا. و ورثت مشاكل الربو من ماما وكأني مكب النفايات الخاص بعيلتي كل واحد عندو صفات سلبية حطها فيني.
سمعت امي عم تصحلي تحت جوري. يا جوري. تعي بسرعة.
فتحت باب غرفتي وانا عم استنشق من علبة الربو لاقدر اتنفس اپشع الشي شعور الاختناق... وياما صحيت من النوم وانا عم شوف المۏت بعيني بسبب شعور الخنقة.
بابا كان دكتور جراحولما شاف اني ولدت مع مشاكل الربو حس حالو لتاني مرة مكبل كان موزع علب الربو بكل مكان بالبيتكرمالي وكرمال ماما.
حتى بمدرستي بصفي وبخزانة الكتب. 
وكمان امي مع حراسها الشخصيين بالاماكن يلي بتسافر عليها كرمال شغلها كسيدة اعمال بمكتبها بكل زاوية من شركتها.
كان البابا عندو خوف كبير يخسر وحدة مننا بسبب الربو المزمن.
لما نزلت شفتها بالمطبخ وكانت عم تسحب نفس من بخاخ الربو تبعيتها.
ابتسمتلي وقت شافتني عم استخدم بخاخي.
انا كنت نسخة عن امي بس بدون نظارات.
لما كنت وقف جنبها كنت مابفرق عنها كثير لهيك امي كانت تحبني بالدرجة يلي كانت تنزعج فيها مني.
كانت تحبني بس كانت تعلق كثير على طريقة مشي وحكي ولبسي ماكنت اضايق منها لاني كنت افهمها محد بحب يشوف نسخة منو بهلشكل السيء.
ياسمين جوري يلا دوبك تجهزي حالك وتروحي على المدرسة الفطور جاهز..